Morgunblaðið - 04.02.2012, Blaðsíða 44

44 MENNING
MORGUNBLAÐIÐ LAUGARDAGUR 4. FEBRÚAR 2012
Víkingarokksveitin Skálmöld mun
standa fyrir tvennum tónleikum á
Gauki á Stöng í dag. Klukkan 16
verða tónleikar fyrir alla aldurshópa
en síðar um kvöldið verða tónleikar
fyrir þá sem náð hafa tvítugsaldr-
inum. Að sögn Snæbjörns Ragn-
arssonar, bassaleikara sveitarinnar,
hefur þetta fyrirkomulag gefist vel.
„Við höfum gert þetta áður og þá var
frábært að sjá gömlu síðhærðu
þungarokkarana mæta með börnin
upp á arminn, vel brynjuð með risa-
vaxnar heyrnarhlífar.“
Fyrsta plata sveitarinnar, Baldur,
kom út árið 2010 og hlaut frábærar
viðtökur. Að sögn Snæbjörns hyggja
þeir á frekari útgáfu í ár. „Hún á að
koma út síðar á þessu ári, við erum á
fullu í undirbúningsvinnu um þessar
mundir.“ Í kvöld er ætlunin að spila
efni af fyrstu skífunni en frumflytja
að auki nýtt efni.
Millivegaþungarokkið
Aðspurður segir Snæbjörn
Skálmöld hafa ákveðna sérstöðu hér
á landi, en fáar aðrar sveitir kenna
sig við víkingarokk. „Þetta er auðvit-
að bara þungarokk, kannski svolítið
gamaldags að vissu leyti. Þetta er
eins og þungarokkið var þegar við
vorum litlir í bland við eitthvað
nýrra. En það eru fáar sveitir hér á
landi sem eru í þessu milli-
vegaþungarokki.“ Tilurð sveit-
arinnar var að sögn Snæbjörns mjög
heimilisleg. ,,Það kom bara að þeim
tímapunkti að við hugsuðum að nú
yrðum við að stofna þungarokks-
sveit áður en við yrðum of gamlir,“
segir Snæbjörn. Skálmöld var stofn-
uð árið 2009 og hefur verið mjög virk
síðan þá. Síðastliðið haust fór sveitin
í tónleikaferðalag um Evrópu með
finnsku þungarokkssveitinni Finnt-
roll og fjórum öðrum sveitum og
heppnaðist það mjög vel að sögn
Snæbjörns.
Plötuútgáfan Sena gefur út nýju
plötuna en samkvæmt Snæbirni
verður ekki um mikla stefnubreyt-
ingu að ræða „Við höldum okkur við
sama heygarðshornið, án þess að
endurtaka okkur. Við erum og verð-
um þungarokkssveit.“ Fyrri tónleik-
arnir á Gauknum hefjast kl. 16 en
þeir seinni kl. 21. Um upphitun sjá
hljómsveitirnar Mont, Angist og
Atrum. gudrunsoley@mbl.is
Tónleikaveisla Skálmöld stendur fyrir tvennum tónleikum á Gauki á Stöng í dag og kvöld, kl. 16 og kl. 21.
Gamaldags þungarokk
 Hljómsveitin Skálmöld hyggur á útgáfu nýrrar plötu
 Verður með tvenna tónleika á Gauki á Stöng
Vegna góðrar aðsóknar verður
aukasýning á svörtu kómedíunni
Póker í Tjarnabíói í kvöld. Að sögn
leikarans Þorsteins G. Bjarnasonar
varð óvenjuleg uppákoma á æfingu
síðustu helgi þegar gervislagsmál
urðu aðeins of raunveruleg, að mati
hundsins Depils sem er í eigu leik-
stjórans Valdimars Arnar Flygenr-
ing.
„Það var klukkutími í sýningu og
ég og Ingi Hrafn [Hilmarsson] vor-
um að fara í gegnum slagsmálasen-
una okkar. Þegar ég var kominn of-
an á Inga Hrafn kom hundurinn
snaróður hlaupandi og tók þátt í
slagnum. Hann beit mig í löppina
og byrjaði að draga mig af Inga.“
Betur fór en á horfðist þar sem
Depill beit aðeins í skálmina á bux-
unum og tókst að rífa burt stórt
stykki. Valdimar kom hlaupandi og
náði að róa Depil. „Ég slapp með
smáskrámur, en það versta var að
ég var í fötunum sem ég var að fara
að leika í á sýningunni og nú hafði
ég engar buxur. Til allrar hamingju
býr Nonni [Jón Stefán Sigurðsson]
sem leikur líka í verkinu, við hlið-
ina á Tjarnarbíói og við náðum að
hlaupa til hans og redda nýjum
buxum. Þær pössuðu ekki alveg því
hann er stærri en ég en kærastan
hans náði að bjarga þessu snarlega
með nælum og títuprjónum.“
Þorsteinn segir að mikið hafi ver-
ið hlegið að þessu eftir sýninguna,
þótt þeim hafi ekki verið hlátur í
huga á meðan á uppákomunni stóð.
Depill stöðvaði æfingu
Póker Þorsteinn og Ingi Hrafn.
Í umfjöllun um bíófrumsýningar
helgarinnar í blaðinu í gær, láðist
að segja frá myndinni Chronicle.
Verður bætt úr því hér með.
Chronicle
Chronicle er frumraun hins 26 ára
gamla leikstjóra Josh Trank. Hún
er gerð í anda „District 9“ með bak-
grunni í stíl vísindaskáldsagna og
miklum tæknibrellum. Þrír skóla-
strákar gera merkilega uppgötvun
sem leiðir til þess að þeir öðlast
furðulega krafta ofar þeirra eigin
skilningi. Þegar þeir eru að læra að
ná stjórn á hæfileikum sínum og
nýta þá sér í hag, fer líf þeirra allt
úr skorðum og myrkar hliðar
þeirra fara að ná yfirhöndinni.
Myndin var heimsfrumsýnd í gær í
Bandaríkjunum og hér á landi.
RottenTomatoes: 87%
IMDB: 69/100
Bíófrumsýningar
Öðlast furðulega krafta
Chronicle Vinir öðlast furðukrafta.
NÝJASTA MEISTARAVERK STEVEN SPIELBERG
TILNEFND TIL 4 ÓSKARSVERLAUNA
BYGGÐ Á
METSÖLUBÓ
UM STEPHAN
K
STÓRSKEMM
MEÐ KATHER
Í AÐALHLUTV
T
á sýningar merktar með grænu1.000 kr.SPARBÍÓ 3D
NÚMERUÐ SÆTI Í KRINGLUNNI
SÝND Í EGILSHÖLL
"FLOTTUR HASAR."
-H.S.S. - MBL
HHH
SÝND Í EGILSHÖLL, KRINGLUNNI, AKUREYRI OG KEFLAVÍK
SÝND Í ÁLFABAKKA OG KSÝND Í KRINGLUNNI -
TAKMARKAÐAR SÝNINGAR
SÝND Í ÁLFABAKKA, EGILSHÖLL OG AKUREYRI
- ARIZONA REPUBLIC
HHHHH
SÝND Í ÁLFABAKKA OG SELFOSSI
MÖGNUÐ SPENNUMYND
TILNEFNINGAR
TIL ÓSKARSVERÐLAUNA
BESTA MYNDIN6
K.S. - NEW YORK POST
HHHH
R.C. - TIME
HHHH
SÝND Í ÁLFABAKKA, EGILSHÖLL,
KRINGLUNNI, AKUREYRI OG KEFLAVÍK
UNUM
IE PLUM
ILEG MYND
INE HEIGL
ERKI
SÝND Í ÁLFABAKKA, EGILSHÖLL, KRINGLUNNI, AKUREYRI OG
KEFLAVÍK
KATHERINE HEIGL Í SINNI BESTU MYND TIL ÞESSA