Morgunblaðið - 06.02.2012, Blaðsíða 7

SVIÐSLJÓS
Guðrún Sóley Gestsdóttir
gudrunsoley@mbl.is
Flest umferðarslys verða á helstu
vegum til og frá höfuðborgarsvæðinu.
Þeir eru samt sem áður með örugg-
ustu vegum landsins þegar litið er til
slysatíðni miðað við umferð. Alvarleg-
ustu slysin verða aftur á móti helst á
fáförnum vegum utan þéttbýlis, sé
miðað við umferð.
Þetta kemur fram í rannsókn Þór-
odds Bjarnasonar, prófessors í fé-
lagsfræði og stjórnarformanns
Byggðastofnunar, og Sveins Arnars-
sonar félagsfræðinema. Markmið
rannsóknarinnar var að finna hættu-
legustu þjóðvegi landsins með tilliti til
fjölda slysa annars vegar og tíðni hins
vegar.
Erfið þversögn
Í niðurstöðunni felst sú þversögn
að hægt er að fækka slysum mest
með því að auka umferðaröryggi þar
sem það er nú þegar mest, þ.e. í
grennd við höfuðborgarsvæðið. Í
rannsókninni er bent á að kröfur um
forgang samgöngubóta á suðvestur-
horni landsins, umfram aðrar brýnar
framkvæmdir í samgöngumálum sem
lækkað geta slysatíðni, eru háværar.
Slíkt gæti þó aukið á misrétti í um-
ferðaröryggi eftir landshlutum þar
sem slysatíðnin er hærri utan höfuð-
borgarsvæðisins. Að sögn Þórodds
benda erlendar rannsóknir til þess að
slysatíðni í umferðinni sé meiri í dreif-
býli en þéttbýli og afleiðingar slysa í
dreifbýli oft alvarlegri þar sem lengra
sé í bráða læknisþjónustu. Þetta á
ekki síður við hér á landi þar sem
vegalengdir til sérhæfðra sjúkrahúsa
eru oft langar. Tilgangurinn með
rannsókninni var að sjá þessa hluti í
samhengi við lýðheilsumál. „Þetta var
tilraun til að komast upp úr
ákveðnum hjólförum sem þessi mála-
flokkur hefur verið í síðustu ár. Út frá
lýðheilsusjónarmiðum er áhersla á
hvernig hægt sé að koma í veg fyrir
flest slys en ef horft er á þetta út frá
einstaklingnum ætti að sjálfsögðu að
koma í veg fyrir hvert slys fyrir sig,“
segir hann.
Að sögn Þórodds eru nokkrar leiðir
til að takast á við vandann. Til að
mynda væri hægt að verja auknu fjár-
magni í þágu umferðaröryggis annars
vegar til að fækka slysum þar sem
þau eru flest en hins vegar til að auka
öryggi þar sem slysahætta er mest.
Önnur leið er að forgangsraða með
tilliti til beggja þátta í senn með
sama vægi, líkt og gert var í rann-
sókninni. Líka er rétt að hafa í
huga að góður vegur getur
leitt til aukins umferðar-
hraða og til að fækka
þar slysum gæti verið
þörf á hraðamyndavél-
um og aukinni lög-
gæslu fremur en frek-
ari vegabótum.
Tvíbent öryggi í umferð
 Flest umferðarslys verða á vegum í grennd við höfuðborgarsvæðið þótt þeir séu
öruggastir þjóðvega  Meiri líkur á slysum á fáförnum vegum úti á landi
Morgunblaðið/Júlíus
Umferðarslys Afleiðingar slysa eru oft alvarlegri í dreifbýli.
TILBOÐ
– aðeins í
dag!
99kr.kg
Kartöflur í lausu
998
Ýsuflök með roði
Krónan Reykjavíkurvegi
alla daga 10-21
Krónan Vestmannaeyjum
virka daga 11-19
lau. 11-18 sun. 11-16
Krónan Selfossi
virka daga 10-20
helgar 10-19
Krónan Mosfellsbæ
alla daga 10-20
Krónan Akranesi
alla daga 10-20
Krónan Reyðarfirði
mán-fim 11-18
fös. 11-19
lau. 11-17 sun.12-16
Krónan Lindum
alla daga 10-20
kr.
kg
FRÉTTIR 7Innlent
MORGUNBLAÐIÐ MÁNUDAGUR 6. FEBRÚAR 2012
Lyktnæmir íbúar á höfuðborg-
arsvæðinu urðu margir varir við
brennisteinslykt sem lá í loftinu um
helgina. Að sögn Veðurstofu Ís-
lands bar hæg austanátt lyktina frá
virkjanasvæðinu á Hellisheiði til
höfuðborgarsvæðisins. Oft verður
brennisteinslyktar vart í stillu líkt
og í gær. Í dag blæs meira og því
ætti lyktin ekki lengur að angra
höfuðborgarbúa.
Morgunblaðið/Golli
Brennisteinn Lyktin berst frá Hellisheiði.
Hveralykt á höf-
uðborgarsvæðinu
Maður sem slasaðist þegar hann féll
af vélsleða í norðurhlíðum Mósk-
arðahnúka í Esju var í gær fluttur
með þyrlu á Landspítalann í Foss-
vogi. Hann var með meðvitund en
kvartaði undan eymslum á hálsi og
í baki. Maðurinn var í hópi vélsleða-
manna og fékk höfuðhögg þegar
hann féll af sleða sínum á ferð.
Átta vélsleðamenn úr björg-
unarsveitum Landsbjargar sinntu
aðgerðum á slysstað.
Slasaðist í hlíðum
Móskarðahnúka
Morgunblaðið/Árni Sæberg
Flest slys á hvern kílómetra á
árunum 2007-2010 urðu á
Reykjanesbraut milli Hafn-
arfjarðar og Keflavíkur, næst-
flest á Suðurlandsvegi og í
þriðja sæti var Vesturlands-
vegur frá Þingvallaafleggjara að
Borgarnesi.
Tíðni slysa var einnig mæld
miðað við fjölda slysa á hverja
milljón ekna kílómetra á sama
tímabili. Miðað við þann mæli-
kvarða var slysatíðnin mest á
fjórum vegaköflum á Austur-
landi, þremur á Vestfjörðum,
tveimur á Vesturlandi og að lok-
um urðu allmörg slys milli Kópa-
skers og Þórshafnar um Öx-
arfjarðarheiði. Tíðni slysa
á hverja milljón ekna
kílómetra sýndi nei-
kvæða fylgni við umferð-
arþunga. Vegarkaflarnir
reyndust því öruggari
fyrir einstaka veg-
farendur eftir því
sem heildar-
umferð og heild-
arfjöldi slysa
var meiri.
Umferðarslysa-
fjöldi og tíðni
FJÓRÐUNGUR SKRÁÐRA
SLYSA UMFERÐARSLYS
Þóroddur
Bjarnason