Morgunblaðið - 20.02.2012, Blaðsíða 12

12 FRÉTTIRViðskipti | Atvinnulíf
MORGUNBLAÐIÐ MÁNUDAGUR 20. FEBRÚAR 2012
Ásgeir Ingvarsson
ai@mbl.is
Eggert Ragnarsson viðmótshönnuður hefur
verið búsettur í Boston síðasta árið og unnið
þar að nýstárlegu verkefni. „Um er að ræða
matreiðsluskóla á netinu á vegum America‘s
Test Kitchen, en það rótgróna fyrirtæki hefur
öðlast sess í hugum Banda-
ríkjamanna sem einhver
besta heimildin um elda-
mennsku, eldhúsáhöld og
matvæli,“ segir Eggert.
„Auk þess að hafa um ára-
bil framleitt mjög vinsæla
matreiðsluþætti gefur Am-
erica‘s Test Kitchen út
fjölda matreiðslubóka og
tvö tímarit, en starfsemin
einkennist af mjög metn-
aðarfullri tilraunastarfsemi
og prófunum. Þannig má reikna með að hver
uppskrift sem birtist í bókum þessa mat-
reiðsluveldis hafi verið prófuð ekki sjaldnar
en 50 sinnum og markmiðið alltaf að finna
hina „fullkomnu uppskrift“ að hverjum rétti.“
Matreiðsluskólinn sem Eggert hefur hann-
að útlitið á er nú aðgengilegur á slóðinni
www.testkitchenschool.com og þrátt fyrir að
hafa aðeins verið opinn um stutt skeið hafa
viðtökur verið framar vonum. „Þó hefur vef-
urinn ekki verið kynntur nema í gegnum
kynningarpósta American Test Kitchen, en til
að gefa hugmynd um stærð fyrirtækisins eru
um milljón manns á þeim lista.“
Eldamennska frá A til Ö
Kennslan fer þannig fram að nemendur
kaupa áskrift að vefnum fyrir 20 dali á mán-
uði, en 40 ef þeir vilja hafa aðgang að kennara
sem svarar hvers kyns spurningum og veitir
persónusniðna leiðsögn eins og þarf. Með
áskriftinni hafa nemendur svo til afnota sí-
stækkandi úrval kennslumyndbanda og ann-
ars kennsluefnis í gegnum síðuna, og geta
hvort heldur sem er tekið eitt námskeið í
mánuði eða farið í gegnum allt safnið ef svo
ber undir. „Þarna eru námskeið þar sem bæði
eru kennd undirstöðuatriði í matargerð, farið
í grunnþættina í ákveðnum gerðum elda-
mennsku, og svo loks námskeið sem leiða
nemandann skref fyrir skref í gegnum til-
teknar uppskriftir.“
Netið segir Eggert að sé, þegar að er gáð,
mjög góður staður til að læra að elda. „Á
flestum heimilum er nú til ferðatölva eða
spjaldtölva sem hægt er að hafa við höndina í
eldhúsinu meðan lært er. Nemandinn getur
svo farið í gegnum efnið þegar honum hentar,
og á þeim hraða sem honum hentar. Hann
getur hraðspólað yfir það sem hann telur sig
ekki þurfa að sjá, og horft svo aftur á atriðin
sem kunna að vefjast fyrir honum,“ útskýrir
Eggert. „Frágangur kennslustundanna er svo
með besta móti, framleiðslan mjög vönduð og
skýr, í höndum fólks með áralanga reynslu úr
sjónvarpsþáttum America‘s Test Kitchen.
Nemendur geta meira að segja valið hvort
þeir fylgjast með kennslustundinni á mynd-
bandi eða með ljósmyndum sem sýna hvert
einasta skref í matseldinni.“
Um stórt og dýrt verkefni er að ræða, jafn-
vel fyrir jafnumsvifamikið fyrirtæki og Am-
erica‘s Test Kitchen. Eggert segir aðstand-
endur verkefnisins telja peningunum vel varið
enda hafi þeir ekki aðeins trú á því að netið sé
góður staður til að kenna eldamennsku, held-
ur sé þetta nauðsynlegt skref til að laða að
nýja viðskiptavini, áskrifendur og áhorfendur.
„America‘s Test Kitchen hefur haft hvað
sterkasta stöðu í aldurshópnum um og yfir
fimmtugu. Kynslóðirnar sem nú eru að vaxa
úr grasi nota aðra miðla, og hætta er á að
tengslin rofni ef America‘s Test Kitchen læt-
ur ekki að sér kveða á netinu,“ bendir Eggert
á.
„Ekki bara það, heldur er ekki ósennilegt
að yngri aldurshópar, sem stundum eru upp-
nefndir „pizzu-kynslóðin“, muni hafa mikla
þörf fyrir að læra að elda. Þessi kynslóð er nú
byrjuð að búa og rekur sig á að kunna ekki
handtökin í eldhúsinu, hefur jafnvel ekki
fengið heimilisfræðimenntun í skóla og hefur
ekki hugmynd um hvernig á að gera réttina
sem mamma og pabbi snöruðu fram hvers-
dags eða á hátíðisdögum. America‘s Test
Kitchen leggur einmitt sérstaka áherslu á
þennan kunnuglega og heimilislega mat sem
allir eiga að þekkja, og er staðurinn sem unga
fólkið getur komið til að læra.“
Gæðin skapa sérstöðuna
Matur er þó víða á netinu, og ekki vandi að
finna myndskeið, t.d. á YouTube, sett saman
af áhugamönnum um alls kyns matargerð.
Uppskriftavefir eru á hverju strái og hægt að
fá flestum spurningum svarað með fljótlegri
leit á Google. Af hverju þá að borga fyrir nám-
skeið hjá America‘s Test Kitchen? „Testkitc-
henschool.com er mér vitandi eini matreiðslu-
skólinn sinnar tegundar, þar sem allt er fyrsta
flokks og gæðin eru með besta móti. Ekki að-
eins er kennslan aðgengileg og skýr, heldur
byggist allt sem fram fer í kennslustundum á
gríðarstórum grunni rannsókna og reynslu.
Fyrir vikið veita kennslustundirnar, kennslu-
efnin og prófin sem nemendur geta tekið mun
dýpri þekkingu á viðfangsefninu.“
Myndver Frá tökum á kennsluefni America’s Test Kitchen. Fyrirtækið er þekkt fyrir að vera mjög góð heimild um allt sem við kemur eldamennsku. Að kenna matseld yfir netið hefur ýmsa kosti.
Bandaríkjamönnum kennt að elda
 Íslendingur í lykilhlutverki í stóru verkefni á vegum matreiðsluveldisins America’s Test Kitchen
 Hafa þróað fyrsta flokks matreiðsluskóla á netinu og vonast m.a. til að laða að „pizzu-kynslóðina“
Boston hefur verið heimili Eggerts í 14 mán-
uði. Hann þurfti ekki að kvarta yfir verk-
efnastöðunni á Íslandi, en hafði engu að síð-
ur hugsað sér til hreyfings um alllangt
skeið. Áhugavert er að heyra hjá honum
hvað lífið er á margan hátt gott vestanhafs.
„Ég er giftur bandarískri konu og fyrir vik-
ið auðsótt að fá græna kortið. Jafnvel án
hjúskaparins hefði atvinnuleyfi sennilega
verið auðfengið. Allt ferlið gekk greiðlega og
þetta var mun minna amstur en þegar kona
mín vildi flytja til Íslands á sínum tíma. Eitt
viðtal í bandaríska sendiráðinu og allt var
klárt, en fyrir konuna að búa á Íslandi þýddi
langa afgreiðslu, mikla óvissu, stöðugar
endurnýjanir á leyfum og tíð kaup á dýrri
aðstoð lögfræðinga.“
Tekjur, skattar og kaupmáttur segir Egg-
ert að séu líka með betra móti. „Við búum
hér í hverfi sem þykir nokkuð fínt og leigan í
hærra lagi. Engu að síður eru tekjurnar nógu
góðar til að ég geti séð fyrir heimilinu á
meðan konan sinnir nýfæddum syni okkar
heima fyrir. Það er kannski ekki mikið eftir,
en fer engu að síður vel um okkur.“
Eggert segir líka gott að búa í Boston. „Ég
hafði augastað á borginni og þekkti til henn-
ar fyrir. Myndi sjálfsagt ekki vilja búa á
hvaða stað sem er í Bandaríkjunum. Þetta er
frjálslynt samfélag hér í Boston, ýmislegt
leyft sem ekki er leyft annars staðar, og
mikið af hjólandi fólki og Príusum í umferð-
inni. Ólíkt því sem margir halda um Banda-
ríkjamenn almennt eru flestir hér í Boston í
fínu formi og ég þyki sennilega með þeim
feitari.“
Gott að vera í Bandaríkjunum
GÓÐ LAUN, LÁGIR SKATTAR OG LJÚFT LÍF MEÐAL ÞVENGMJÓRRA BOSTONBÚA
Kennsla Skjáskot af viðmóti matreiðsluskól-
ans. Nákvæmar leiðbeiningar eru veittar fyrir
hvert einasta skref í matreiðslunni.
Eggert
Ragnarsson
Bensínverð í Bandaríkjunum hefur
aldrei verið hærra á þessum árs-
tíma, að því er AP greinir frá. Kost-
ar gallonið nú 3,53 dali og hefur
hækkað um 25 sent frá ársbyrjun.
Segir AP að sérfræðingar spái því
að bensínverðið vestanhafs geti far-
ið upp í allt að 4,25 dali undir lok
apríl en árstíðasveiflur í eftirspurn
og framleiðslu rífa þá alla jafna upp
verðið við dæluna.
Fyrra met fyrir apríl var 4,11 dal-
ir árið 2008. Árið 2007 kostaði bens-
ínið í febrúar að jafnaði 2,25 dali gal-
lonið.
Verðhækkunin er einkum rakin
til hækkaðs heimsmarkaðsverðs á
olíu. Kuldakast í Evrópu og óvissu-
ástand í samskiptum Írans við um-
heiminn hafa sitt að segja um bæði
framboð og eftirspurn, og eins eykst
stöðugt eldsneytisþörf þróunarríkja.
Hækkað eldsneytisverð getur haft
í för með sér verulegar breytingar á
neytendahegðun og segir AP að af-
leiðingarnar geti m.a. orðið að hægi
á efnahagsbata vestanhafs. Þannig
hefur verið reiknað út að vari 25
senta hækkun á bensíni í eitt ár kosti
það bandaríska hagkerfið um 35
milljarða dala, sem jafngildir því að
hagkerfið veikist um 0,2%.
Með hærra eldsneytisverði eykst
m.a. framleiðslukostnaður í fjölda
atvinnugreina og eins má reikna
með að dragi úr ferðalögum. Að
jafnaði verja bandarísk heimili um
8,4% af tekjum sinum í eldsneyt-
iskaup.
Metverð á bensíni í Bandaríkjunum
 Hærra eldsneytisverð hefur áhrif um allt hagkerfið
Stjórnvöld í Brasilíu munu láta
banka í eigu ríkisins lækka vexti á
útlánum til að örva neyslu og fjár-
festingar, að því er Wall Street
Journal greinir frá.
Bankarnir Banco do Brasil SA
og Caixa Economica Federal munu
lækka hjá sér vextina og eru vonir
bundnar við að einkareknir bankar
fylgi á eftir.
Stjörnvöld telja að auknar lán-
tökur muni efla efnahagsvöxt, en
þótt lántökur hafi aukist töluvert í
landinu undanfarin ár er umfang
þeirra enn mun minna en í mörg-
um samanburðarlöndum.
Seðlabanki Brasilíu hefur lækk-
að viðmiðunarvexti sína en stjórn-
völdum hefur ekki þótt viðskipta-
bankarnir láta lækkanirnar skila
sér nógu greitt til lántakenda
sinna.
Tregðan til að lækka vexti á
m.a. að vera komin til vegna auk-
inna vanskila, sér í lagi á lánum til
almennings. ai@mbl.is
Brasilískir ríkisbankar
lækka vexti á útlánum