Morgunblaðið - 20.02.2012, Blaðsíða 14

14 FRÉTTIRErlent
MORGUNBLAÐIÐ MÁNUDAGUR 20. FEBRÚAR 2012
Fylgstu með í MBL sjónvarpi
alla mánudaga
Marta María ræðir við
einstaklinga sem glímt hafa við
offitu og haft betur í baráttunni.
Kristján Jónsson
kjon@mbl.is
Mörg þúsund manns tóku þátt í mót-
mælum í Aþenu í gær gegn aðhalds-
aðgerðum stjórnvalda en þær eru
meðal skilyrða þess að evrulöndin
veiti Grikkjum fyrirhugaða aðstoð
upp á 130 milljarða evra. Í breska
blaðinu Telegraph segir að fjármála-
ráðherra Þýskalands, Wolfgang
Schäuble, þrýsti á um að Grikkir lýsi
sig gjaldþrota.
Fjármálaráðherrar Evrópusam-
bandsins munu hittast á fundi í dag til
að ræða stöðu viðræðnanna um
skuldaniðurfellingu en gert er ráð
fyrir að erlendir bankar afskrifi um
70% af lánum til Grikkja. Fjöldi
Grikkja hefur þegar tekið út inni-
stæður sínar í innlendum bönkum.
Bretar standa utan við evrusamstarf-
ið og Ed Balls, sem fer með fjármál í
skuggastjórn Verkamannaflokksins,
segir útilokað að Bretar muni taka
upp evru næstu árin. Hann gagnrýnir
Þjóðverja fyrir að axla ekki þá ábyrgð
sem fylgi gjaldmiðilssamstarfinu.
William Hague, utanríkisráðherra
Bretlands, sagðist í viðtali við BBC í
gær skilja rök þeirra Grikkja sem
vildu einfaldlega skera á tengslin við
evruna, vildu að þjóðin tæki málin í
sínar eigin hendur.
En erfitt gæti reynst fyrir Grikki
að yfirgefa evrusamstarfið jafnvel
þótt þeir vildu. Þeir ættu ekki tilbún-
ar birgðir af gömlum drökmum sem
þeir gætu dreift í stað evruseðla.
Ekki væri fyrir hendi nein lagastoð
fyrir því að ríki hætti nota evruna en
fengi áfram að vera í ESB.
„Það voru ekki hafðar útgöngudyr
á evrunni svo að það er ekki auðvelt
að losna,“ sagði Hague.
Þrýst á Grikki um
að fara í gjaldþrot?
 Hague segir erfitt fyrir ríki að segja skilið við evruna
„Það voru ekki
hafðar útgöngudyr
á evrunni svo að
það er ekki auðvelt
að losna.“
William Hague.
Kjötkveðjuhátíð í Bólivíu
Reuters
Trú og skemmtun
Dansari í hópnum Fraternidad La Diablada tekur þátt í kjötkveðjuhátið í
borginni Oruro, um 200 km sunnan við höfuðborgina La Paz í Bólivíu, um
helgina. Þar búa um 200 þúsund manns og stunda margir borgarbúar
námugröft og ýmiss konar viðskipti.
Kristján Jónsson
kjon@mbl.is
Benedikt páfi 16. tilnefndi í gær 22
nýja kardínála við hátíðlega athöfn í
Péturskirkjunni í Róm. Verða því alls
125 menn í kardínálahópnum sem
kýs næsta páfa. Skilyrðið er að þeir
séu undir áttræðu og 18 af nýju kard-
ínálunum fullnægja því.
„Nýju kardínálunum er treyst
fyrir því að þjóna kærleikanum,
gagnvart Guði, gagnvart kirkju hans,
algjörum og skilyrðislausum kær-
leika gagnvart bræðrum sínum og
systrum, þeir eiga jafnvel að fórna lífi
sínu ef nauðsyn krefur,“ sagði páfi í
ræðu sinni.
Um 1300 milljónir manna til-
heyra kaþólsku kirkjunni sem vex
hratt í þróunarlöndunum. Tveir nýju
kardínálanna eru frá Bandaríkjunum
og einn frá Kanada. Timothy Michael
Dolan frá New York andmælti þegar
einn af gömlu kardínálunum sagði
New York vera „höfuðstað verald-
arhyggju“. Því færi fjarri, íbúar
hennar væru afar trúræknir.
Dolan predikaði á föstudag og
ræddi þá um þörfina á nýju trúboði
meðal þeirra sem hneigðust til ver-
aldarhyggju. En þegar útvarp Páfa-
garðs spurði matgæðinginn Dolan
hverju heimsóknin til Rómar myndi
bæta við líf hans svaraði hann glettn-
islega: „Svona tíu pundum!“
Tilnefnir nýja
kardínála
 Aðeins þeir sem
eru undir áttræðu
mega kjósa næsta páfa
AP
Nýr Einn af kardínálunum 22, Tim-
othy Michael Dolan frá New York.
Upplýsingaleki
» Páfagarður hefur að und-
anförnu strítt við upplýs-
ingaleka. Ítölsk sjónvarpsstöð
birti í janúar bréf frá erkibisk-
up til páfa þar sem ýjað var að
fjármálaspillingu í Páfagarði.
» Dolan kardínáli sagði að
þörf væri á meiri upplýs-
ingagjöf og að menn tækju
ábyrgð á gjörðum sínum. Meiri
leynd væri ekki lausnin.
Bandaríkjamenn
nota mikið af olíu
og flytja megnið
af henni inn frá
öðrum ríkjum.
Vill Barack
Obama forseti
leggja ofur-
áherslu á að nýta
innlendar orku-
lindir. Geysilegt
magn af jarðgasi
er til í landinu.
Sadí-Arabar ráða yfir mestum ol-
íulindum í heiminum en Obama
sagði í ræðu í janúar að Bandaríkin
væru „Sádi-Arabía jarðgassins, við
eigum heilmikið af því“. Hvetja ætti
skipafélög og aðra stórnotendur á
olíu til að nota fremur gas til að gera
þjóðina minna háða innfluttri olíu.
Umrætt jarðgas er oftast blandað
möl og nýtt með aðferð sem nefnist á
ensku „fracking“. Þá er dælt miklu
vatni, blönduðu ýmsum efnum, niður
í gaslögin undir miklum þrýstingi og
afleiðing er mikið af menguðu vatni
sem sumir óttast að geti spillt um-
hverfinu. Að sögn L. A. Times eru
lindirnar víða undir skógum, ökrum
og borgum. Eru oft harðar deilur
milli íbúa á svæðunum um gasvinnsl-
una. Sumir vilja taka áhættuna en
aðrir vilja fara varlega. kjon@mbl.is
Deilt um
jarðgas-
vinnslu
 Bandaríkjamenn
eiga geysimiklar birgðir
Barack
Obama
Liðsmenn rann-
sóknarstofnunar í
öldrun í Balti-
more í Bandaríkj-
unum álíta að
reglubundnar
föstur geti átt
þátt í að verja
heilann fyrir
hrörnunar-
sjúkdómum eins
og Alzheimer og
Parkinsonsveiki, að sögn Guardian.
Mark Mattson prófessor sagði að
allt benti til þess að það hefði jákvæð
áhrif að minnka neysluna í 500 hita-
einingar tvo daga í viku. Síðan ætti
fólk að borða vel hina fimm dagana.
Fram kemur að vísindamenn hafi
um hríð vitað að hægt sé að lengja
lífið með því að fækka hitaeiningum í
fæðinu. Það hafi tilraunir á rottum
og músum sýnt. kjon@mbl.is
Tíðar föstur
góðar gegn
Alzheimer
Vatn - og kannski
dálítið brauð.
Kristján Jónsson
kjon@mbl.is
Arababandalagið eykur stöðugt
þrýstinginn á Bashar al-Assad Sýr-
landsforseta um að fara frá völdum
og í gær ákváðu Egyptar að kalla
heim sendiherra sinn í Sýrlandi í
mótmælaskyni við hrottaskap
stjórnar Assads. Viðskiptalegar
refsiaðgerðir Vesturveldanna valda
einnig Sýrlendingum miklum vanda
og einn af þekktustu kaupsýslu-
mönnum landsins, Faisal al-Qudsi,
segir í viðtali við breska ríkisútvarp-
ið, BBC, að efnahagurinn sé að lam-
ast.
„Stjórnkerfið er smám saman að
liðast í sundur og er horfið í borgum
eins og Homs, Idlib og Deraa,“ sagði
Qudsi. Dómstólar störfuðu ekki
lengur og lögreglan léti glæpamenn
óáreitta. Eftir að uppreisnin hófst
hefði ferðaþjónusta í landinu hrunið
og olíuframleiðsla dregist mjög sam-
an, þreytu væri farið að gæta hjá
hernum.
Mótmæli nálægt
forsetahöllinni í Damaskus
Nokkur hundruð manns efndu í
gær til mótmæla í höfuðborginni Da-
maskus gegn ríkisstjórn Assads
enda þótt leyniskyttur stjórnvalda
hiki ekki við að skjóta á slíka hópa.
Mótmælendurnir í gær voru flestir
úr miðstéttarhverfinu Mazzeh sem
er skammt frá forsetahöllinni. Einn
féll á laugardag þegar skotið var á
líkfylgd í Mazzeh og 20 að auki munu
hafa fallið annars staðar í landinu.
„Ég vona að Assad forseti opni
gluggann á skrifstofu sinni og sjái
hvernig Damaskus-búar hrópa slag-
orð gegn honum og stjórn hans,“
sagði 22 ára gamall háskólanemi. Ör-
yggislögreglan var með mikinn við-
búnað í hverfinu í gær en ríkissjón-
varp landsins sýndi viðtöl við íbúa
sem sögðu að allt væri með eðlileg-
um hætti.
Nýjasta ráð stjórnvalda í barátt-
unni við andófsmenn er að sögn
sænska blaðsins Dagens Nyheter að
láta flugumenn undir fölsku flaggi
hefja netsamskipti við andófsmenn
og skiptast á gögnum. En í gögnum
sem þeir senda eru tölvuveirur sem
ráðast á tölvuskeyti og Fésbókar-
færslur viðtakandans.
Efnahagur Sýrlands að lamast
Umdeildir alavítar
» Assad og valdaklíka hans
er úr trúflokki alavíta sem
flestir múslímar segja villu-
trúarmenn. Alavítar eru um
12% íbúa Sýrlands.
» Alavítar trúa á end-
urholdgun, fara ekki í mosku,
fasta ekki á ramadan og halda
jól hátíðleg, leyfa áfengi og
konur þeirra bera ekki blæjur.
» Þeim var fram á síðustu
áratugi bannað að búa í borg-
um Sýrlands og voru valda-
lausir.