Morgunblaðið - 20.02.2012, Blaðsíða 29

Margrét Helga Jóhannesdóttir var valin leikkona ársins í aðalhlutverki.
Theodór Júlíusson var valinn leikari ársins í aðalhlutverki.
Þóra Arnórsd. og Svavar Halldórss. Addi Fannar og Yesmine Olsson.
MENNING 29
MORGUNBLAÐIÐ MÁNUDAGUR 20. FEBRÚAR 2012
Örn Þórisson
ornthor@mbl.is
Von er á tveimur jöfrum djass-
tónlistar til Íslands til tónleikahalds.
Píanóleikarinn Chick Corea og víbra-
fónleikarinn Gary Burton, báðir
margfaldir Grammy-verðlaunahafar,
halda tónleika í Hörpu 24. apríl. Þetta
eru sannarlega risar í djasstónlist
síðustu áratuga, menn sem jafnan
eru í mestu hávegum hafðir fyrir
túlkun og spilamennsku á hljóðfæri
sín.
Bæði Burton og Corea slógu í gegn
snemma á ferlinum og nutu e.t.v.
mestrar listrænnar velgengni á átt-
unda áratug síðustu aldar þegar
þýska útgáfufyrirtækið ECM gaf út
fjölmargar plötur þeirra með alls
konar hljómsveitum og einstakl-
ingum. Gary Burton sló í gegn ungur
að árum þegar hann var valinn djass-
ari ársins hjá Down Beat-tímaritinu
árið 1968, aðeins 25 ára gamall. Sjálf-
lærður víbrafónleikur Burtons er
ótrúlega tæknilegur; engu líkara en
fleiri en einn séu að leika á víbrafón-
inn í sumum lögunum. Tilfinn-
inganæmi Burtons er mikið og sjálfur
segist hann vera undir mestum áhrif-
um frá píanóleikaranum Bill Evans.
Á löngum tónlistarferli hefur Gary
Burton gefið út yfir 60 plötur undir
eigin nafni, þar af fjölmargar kvart-
ettplötur, þar sem með Burton léku
oftast bassasnillingurinn Steve
Swallow og ýmsir gítar- og trommu-
leikarar.
Komið víða við
Píanóleikarinn Chick Corea státar
einnig af löngum og fjölbreyttum
ferli sem hljóðfæraleikari, lagahöf-
undur og hljómsveitarstjóri. Hann
byrjaði snemma að leika á píanó en
vakti fyrst athygli þegar hann settist
í stól Herbies Hancocks í kvintett Mi-
les Davis árið 1968. Miles var þá að
þreifa mikið fyrir sér í raftónlist og
fönktónlist. Þar gegndi rafmagns-
píanóleikur Chicks Corea stóru hlut-
verki og er hann áberandi á tíma-
mótaplötum Miles Davis; In Silent
Way og Bitches Brew.
Eftir örlagaríka veru í sveit Miles
Davis hóf Corea sinn eiginlega sóló-
feril, sem meðlimur framúrstefnu-
djasssveitarinnar Circle, ásamt Ant-
hony Braxton og Dave Holland. Á
áttunda áratugnum leiddi hann
hljómsveitina Return to Forever,
fyrst í latínuskotnum djassi með
hjónunum Airto Moreira og söngkon-
unni Floru Purim. Eftir tvær frábær-
ar plötur sneri Corea aftur með raf-
magnsútgáfu af RTF sem var ein af
vinsælustu og áhrifamestu fusion-
hljómsveitum samtímans ásamt
Weather Report og Mahavishnu Orc-
hestra. Bassaleikarinn Stanley
Clarke, sem hafði leikið með Chick í
fyrri útgáfum, tók upp rafbassann, en
við bættust Lenny White á trommur
og Al Di Meola á gítar. Corea sjálfur
lék á rafmagnspíanó og synthesizera.
Að lokinni nokkurra ára fusion-
spilamennsku sneri Chick baki við
rafmagninu og hóf aftur að spila á
órafmagnað píanó við mikla gleði
margra aðdáenda eldri platna hans.
Hefur hann komið víða við á síð-
ustu árum, haldið úti sveitum með
rafmagnaðri og órafmagnaðri tónlist,
spilað eftirtektarverða dúetta með
Herbie Hancock, Bela Fleck og Gary
Burton og daðrað við klassíska tón-
list. Chick Corea á ættir að rekja til
Spánar og Sikileyjar og er tónlist
hans oft og iðulega undir miklum
áhrifum frá suðrænni tónlist. Lang-
frægasta lagasmíð hans heitir einmitt
Spain og er vinsælt lag á verkefna-
skrá djassleikara víða um heim.
Samstarf Corea og Burtons hófst
með útgáfu dúettplötunnar Crystal
Silence árið 1972, sem ECM-útgáfan
framleiddi á sínum bernskuárum.
ECM gaf líka út Duets árið 1978 og
tónleikaplötu tekna upp í Zürich
1979. Þessar þrjár plötur eru allar
frábærar og kennileiti í næmu sam-
spili píanós og víbrafóns. Árið 2008
tóku þeir félagar upp þráðinn og gáfu
út tveggja geisladiska pakkann The
New Crystal Silence, en auk dúetta
þeirra lék sinfóníuhljómsveit Sydn-
eyborgar með þeim. Þessi nýja út-
gáfa gefur gömlu plötunum ekkert
eftir í listrænum gæðum og sýnir vel
metnað beggja. Djasstónlist Garys
Burtons og Chicks Corea er tímalaus,
áheyrileg og krefjandi í senn, geysi-
lega tæknileg en þó tilfinningarík
þegar best lætur. Gary Burton heim-
sótti Ísland með kvartett sínum árið
1983 en Chick Corea kemur hingað til
lands í fyrsta sinn í tilefni tónleik-
anna, sem telja verður til stærstu
djasstónlistarviðburða á árinu.
Stórstjörnur djassins
koma til landsins
Tónleikar Chick Corea og Gary Burton saman á sviði en þeir munu spila fyrir aðdáendur sína í Hörpunni 24. apríl.
 Chick Corea og Gary Burton spila í Hörpu í apríl
Píanóleikur Chich Corea er þekkur fyrir túlkun sína á tónlistinni.
Michael Davis, bassaleikari hljómsveitarinnar MC5, dó
á föstudaginn eftir mánaða baráttu og meðferð við lifr-
arsjúkdómi að sögn konu hans Angelu Davis. Michael
Davis leysti af hólmi upprunalegan bassaleikara MC5,
Pat Burrows, eftir að Rop Tyner, söngvari bandsins,
uppgötvaði Michael og féll fyrir einstökum stíl hans
sem tónlistarmanns. MC5, sem stendur fyrir „Motor
City Five“ til heiðurs bílaborginni og heimabæ hljóm-
sveitarinnar Detroit, var stofnuð árið 1964 en skaust
upp á stjörnuhimininn með plötunni Kick Out the Jams
sem kom út árið 1969. Sveitin hætti að spila árið 1972
en kom aftur saman árið 2004 og tók þá Handsome
Dick Manitoba við sem söngvari hljómsveitarinnar en
Rop Tyner dó árið 1991. Árið 2006 lenti Michael Davis í
mótorhjólaslysi og slasaðist illa á baki. Eftir slysið
ákváðu hann og konan hans, Angela Davis, að stofna
góðgerðarsamtök sem styðja við tónlistarkennslu í op-
inberum skólum í Bandaríkjunum. Hann skilur eftir sig
eiginkonu sína, þrjá syni og eina dóttur
Bassaleikari MC5 dó á föstu-
daginn eftir mikil veikindi
Tónleikar Michael Davis
mundar bassann á sviði með
hljómsveitinni MC5.
SMÁRABÍÓ HÁSKÓLABÍÓ 5%NÁNAR Á MIÐI.ISGLERAUGU SELD SÉR 5%
THIS MEANS WAR KL. 5.45 - 8 - 10.15 14
THIS MEANS WAR LÚXUS KL. 5.45 - 8 - 10.15 14
STAR WARS EPISODE 1 3D ÓTEXTUÐ KL. 5 10
SAFE HOUSE KL. 5.30 - 8 - 10.30 16
SKRÍMSLI Í PARÍS 3D KL. 3.30 L
CHRONICLE KL. 6 - 8 - 10 12
CONTRABAND KL. 8 - 10.30 16
ALVIN OG ÍKORNARNIR 3 KL. 3.40 L
TOPPMYNDIN Á ÍSLANDI Í DAG!
FRÉTTABLAÐIÐ
MORGUNBLAÐIÐ
BORGARBÍÓ NÁNAR Á MIÐI.IS
THIS MEANS WAR KL. 8 - 10 14
SAFE HOUSE KL. 10 16
STAR WARS EPISODE 1 3D ÓTEXTUÐ KL. 5.40 10
SÁ SEM KALLAR KL. 6 L
FRÁBÆR GRÍNHASARMYND SEM ENGIN MÁ MISSA AF!
FT/SVARTHÖFÐI.IS
N.R.P., BÍÓFILMAN.IS A.E.T, MORGUNBLAÐIÐ
H.V.A. FRÉTTABLAÐIÐ
THIS MEANS WAR KL. 5.45 - 8 - 10.15 14
STAR WARS EP1 3D ÓTEXTUÐ KL. 6 - 9 10
SAFE HOUSE KL. 8 - 10.30 16
THE DESCENDANTS KL. 5.30 L
LISTAMAÐURINN KL. 6 - 8 - 10 L
TOTAL FILMBOXOFFICE MAGAZINE