Morgunblaðið - 24.07.2012, Síða 15

FRÉTTIR 15Innlent
MORGUNBLAÐIÐ ÞRIÐJUDAGUR 24. JÚLÍ 2012
ÞRÍR FRAKKAR Baldursgötu 14, Reykjavík - Sími: 552 3939
Opið virka daga 11:30 - 14:30 og 18:00 - 22:00
Opið um helgar frá 18:00 - 23:00
frakkar@islandia.is - www.3frakkar.com
Í gamla bænum - rétt við hjarta miðborgarinnar
ÞRÍR FRAKKAR
Café & Restaurant
Fersk Þingvallableikja
Þarf að klippa?
Garðlist klippir tré og slær garða
Sími: 554 1989 www.gardlist.is
Með nýrri reglugerð velferðar-
ráðherra, sem tekur gildi 1. ágúst,
er gildissvið slysatryggingar við
heimilisstörf víkkað talsvert.
Fram kemur í tilkynningu frá
Sjúkratryggingum Íslands, að með
reglugerðinni sé tryggingavernd
aukin og öll viðhaldsstörf og við-
gerðir í og við heimili, sem ekki
eru liður í atvinnustarfsemi, felld
undir slysatrygginguna. Áður féllu
eingöngu einföld og almenn við-
haldsverkefni undir trygginguna.
Einnig er sú breyting gerð að
ekki er útilokað að athafnir eins
og símsvörun og það að sækja póst
falli undir trygginguna, séu önnur
skilyrði tryggingaverndar upp-
fyllt.
Slysatrygging við heimilisstörf
er valkvæð og sótt er um hana
með því að haka í þar til gerðan
reit á skattframtali. Kostnaður við
trygginguna var 450 krónur á
árinu 2012.
Tryggingavernd
slysatryggingar aukin
Boðið verður upp á leiðsögn með
táknmálstúlki í hefðbundinni
þriðjudagsgöngu í Viðey í kvöld.
Fyrir göngunni fara Jónas Hlíðar
Vilhelmsson og Iðunn Ása Óladóttir
táknmálstúlkur frá Samskipta-
miðstöð heyrnarlausra og
heyrnarskertra.
Gangan hefst við Viðeyjarstofu
um klukkan 19:30. Aukaferðir eru
til Viðeyjar á þriðjudögum kl. 18:15
og 19:15. Kaffihúsið í eyjunni er
opið til klukkan 22 þessi kvöld.
Þriðjudagsganga
með táknmálstúlki
Vinnueftirlitinu hefur borist ábend-
ing um að undanfarið hafi birst
auglýsingar þar sem börn allt niður
í 10 ára aldur bjóði þjónustu sína
við barnagæslu.
Vinnueftirlitið bendir á að vinna
barna yngri en 13 ára sé almennt
bönnuð og lágmarksaldur til að
starfa við barnagæslu sé 15 ár.
Þetta komi fram í reglugerð um
vinnu barna og unglinga.
Þar kemur fram að heimilt sé að
ráða börn undir 13 ára aldri til að
taka þátt í menningar- eða list-
viðburðum og í íþrótta- eða auglýs-
ingastarfsemi að fengnu leyfi frá
Vinnueftirlitinu.
Engin heimild sé til þess að börn
yngri en 13 ára starfi við barna-
gæslu.
Börn yngri en
15 ára starfi ekki
við barnagæslu
Páll Fannar Einarsson
pfe@mbl.is
„Minkurinn er ekki algengur en hann
er til í Reykjavík. Hann finnst helst í
kringum ár, vötn og sjó,“ segir Guð-
mundur Björnsson, rekstrarstjóri
meindýravarna Reykjavíkurborgar.
Nú er genginn í garð sá árstími
þegar minkurinn er sem mest sýni-
legur í borginni og hafa sumir orðið
varir við aukna umferð minka í
Elliðaárdalnum.
„Nú eru læðurnar að fara af stað
með hvolpana og þeir eru mjög sýni-
legir. Þeir passa sig ekki jafn vel á
fólki og eru vitlausari. Þeir sjást mik-
ið í lok júlí og í ágúst,“ segir
Guðmundur.
Minkurinn var fluttur til Íslands
1931 og fyrsta íslenska minkabúið
var í Grímsnesi. Minkurinn er mein-
dýr í náttúrunni og vargur í fugla-
björgum og varplandi fugla. „Hann
étur mest fisk og fugl. Það er enginn
skortur á fæði hjá honum og nóg er af
fugli t.d. við Elliðaárnar,“ segir
Guðmundur.
Minkurinn finnst víða
Minkurinn er ekki friðaður og
helstu veiðiaðferðirnar lengi vel voru
að liggja yfir óðulum hans og skjóta
hann með haglabyssu en gildruveiðar
hafa færst mjög í vöxt á síðustu árum
og gefið góða raun.
„Í dag notum við helst gildrur og
minkahunda. Ef hundurinn kemst í
minkinn þá er hann ekki lengi að
drepa hann. Við notum hundategund-
ina Fox Terrier en gildrurnar eru
hannaðar með það í huga að drepa
minkinn. Hann er alltaf dauður þegar
við finnum hann í gildru,“ segir Guð-
mundur, en meindýravarnir Reykja-
víkurborgar sinna svo ávallt kvört-
unum inn á milli.
Fyrsta minkaóðalið fannst við
Elliðaárnar árið 1937, en í dag finnst
minkurinn víða í borginni. „Aðalleitin
að minknum fer fram á vorin þegar
varpið byrjar hjá fuglum. Þá leitum
við meðfram ám og vötnum. Svo
finnst hann líka á eyjunum hérna í
kringum borgina. Minkurinn sést á
hverju ári í Reykjavík og við erum að
veiða um 50-100 minka á hverju ári
innan borgamarka,“ segir Guð-
mundur, en hann segir tölu minka í
Reykjavík vera óþekkta og að erfitt
sé að reikna nákvæma tölu út.
Hefur fækkað töluvert
Þegar Guðmundur byrjaði hjá
meindýravörnum Reykjavíkurborgar
fyrir 20 árum veiddust margfalt fleiri
minkar ár hvert. Talið er að minkum
hafi svo fækkað töluvert undanfarin
ár í Reykjavík. „Fyrstu árin vorum
við að veiða í kringum 200 minka.
Fjöldinn hefur svo verið svipaður
seinustu árin og haldist í um 50-70
stykki seinustu 3-4 árin.“
Að mati Guðmundar er minkurinn
kominn til að vera, en hann telur erf-
itt að uppræta hann alveg þótt hægt
sé að sporna við vexti minkastofnsins.
„Minkurinn finnst út um allt land og
ég trúi því ekki að menn nái að út-
rýma honum á Íslandi,“ segir hann.
Veiða hátt í hundrað
minka á hverju ári
Morgunblaðið/Arnaldur
Reykjavík Um 50-100 minkar liggja í valnum í Reykjavík á hverju ári.
Minkurinn (Mustela vison) er
upprunninn í Norður-Ameríku.
Fyrstu dýrin voru flutt til Evr-
ópu á öðrum tug 19. aldar en
fyrsta minkabúið í Evrópu var
stofnað í Noregi 1927. Næstu ár
og áratugi voru minkar fluttir til
annarra landa í norðanverðri
Evrópu.
Minkar í Evrópu eru allir af-
komendur minka sem hafa
sloppið úr búum að undan-
skildum þeim sem var sleppt í
Rússlandi af ásettu ráði á ár-
unum 1930-1950, til að búa til
veiðistofn.
Hefur slopp-
ið úr búrum
MINKURINN