Morgunblaðið - 20.08.2012, Síða 13

FRÉTTIR 13Erlent
MORGUNBLAÐIÐ MÁNUDAGUR 20. ÁGÚST 2012
H
a
u
ku
r
0
9
b
.1
1
Guðni Halldórsson
lögfræðingur,
gudni@kontakt.is
Haukur Halldórsson hdl.
haukur@kontakt.is
Brynhildur Bergþórsdóttir
rekstrarhagfræðingur,
lögg. verðbr.- og fasteignasali,
brynhildur@kontakt.is
Gunnar Svavarsson
viðskiptafræðingur,
gunnar@kontakt.is
Jens Ingólfsson
rekstrarhagfræðingur,
jens@kontakt.is
Sigurður A.
Þóroddsson hrl.
sigurdur@kontakt.is
Forgangslisti er nýjung fyrir kaupendur og fjárfesta.
Skráning á www.kontakt.is
Skráðu þig á forgangslista og við sendum þér reglulega upplýsingar í
tölvupósti um tækifæri sem við getum ekki sett í auglýsingar. Upplýsingar
og skráning á www.kontakt.is.
Innflutnings- og framleiðslufyrirtæki með matvæli. Ársvelta um 300 mkr.
Allt að 100% hlutur í rótgrónu fyrirtæki með einkennisfatnað. Góð afkoma
og vaxtamöguleikar.
Innflutningsfyrirtæki með tæknivörur á vaxandi markaði. Ársvelta 60 mkr.
og yfir 100% álagning.
Lítil en rótgróin bókaútgáfa sem sérhæfir sig á ákveðnu sviði. Stöðug velta
allt árið.
Meðeigandi óskast að innflutnings- og þjónustufyrirtæki sem sérhæfir sig
í loftkælingu. Viðkomandi þarf að mikla þekkingu á þessu sviði og hafa
stjórnunarhæfileika. Fyrirtækið er mjög arðbært og mun skila eigendum
góðri ávöxtun.
Innflutnings- og framleiðslufyrirtæki með vinsæla fjárfestingavöru fyrir
heimili. Stærsta fyrirtækið á þessu sviði og hefur verið með stöðuga veltu
(um 130 mkr.) síðustu árin. Góður hagnaður og hagstæðar skuldir sem
hægt er að yfirtaka.
Óvenjulegt matvælafyrirtæki í smásölugeiranum sem hægt er að þróa
mjög skemmtilega. Ársvelta 150 mkr., stöðugt vaxandi frá 2004.
EBITDA 24 mkr. sem auðvelt er að auka í 40 mkr. Hagstætt verð og
greiðsluskilmálar.
•
•
•
•
•
•
•
•
Bashar Assad,
forseti Sýrlands,
kom fram op-
inberlega í fyrsta
skipti í gær þegar
hann sótti bæna-
athöfn í Damask-
us í tilefni af
þriggja daga
trúarhátíð músl-
ima sem fagna nú
síðustu dögum
Ramadan. Bashar Assad hefur ekki
komið fram opinberlega síðan fjórir
af hans helstu öryggisráðgjöfum
voru drepnir í sprengjuárrás fyrir
rúmum mánuði. Er þetta talið til
marks um veika stöðu forsetans í
dag. Víða í Sýrlandi var forsetanum
mótmælt að loknum bænaathöfnum
og hrópuðu mótmælendur að forset-
inn væri óvinur guðs og sýrlenskra
borgara.
Er að missa tökin á landinu
Tök Bashars Assads á landinu
hafa minnkað töluvert síðan mót-
mæli gegn honum hófust en harðir
bardagar hafa geisað milli stjórn-
arhersins og uppreisnarmanna.
Sprengjuárásin á höfuðstöðvar hers-
ins sem drap fjóra öryggisráðgjafa
Assads er til marks um ótrygga
stöðu forsetans og tök hans á land-
inu. Þá hafa háttsettir embætt-
ismenn og herforingjar flúið landið í
nokkrum mæli. Í Tyrklandi er talið
að séu allt að 70 þúsund flóttamenn
frá Sýrlandi og þeim fjölgar dag-
lega. Þá telja alþjóðleg hjálp-
arsamtök að ekki færri en 20 þúsund
manns hafi látið lífið í borgarastyrj-
öldinni í landinu.
Völd Assads
að dvína
Forseti Sýrlands
Bashar Assad.
Vilhjálmur Andri Kjartansson
vilhjalmur@mbl.is
Julian Assange, stofnandi og eigandi netfyr-
irtækisins WikiLeaks, sem birt hefur m.a.
trúnaðarupplýsingar frá bandaríska sendi-
ráðinu á Íslandi, kom fram á svölum sendiráðs
Ekvadors á Bretlandi í gær þar sem hann dvel-
ur í skjóli gegn breskum yfirvöldum. Í yfirlýs-
ingu sem hann flutti af svölum sendiráðsins
biðlaði hann til Baracks Obama, forseta
Bandaríkjanna, um að gera rétt og hætta
nornaveiðum sínum gegn WikiLeaks. Síðan er
þyrnir í augum bandarískra stjórnvalda þar
sem á henni hafa verið birtar trúnaðarupplýs-
ingar í eigu bandaríska ríkisins.
Þá óskaði Assange þess að bandarísk stjórn-
völd létu bandaríska hermanninn fyrrverandi
Bradley Manning lausan en hann hefur verið
ákærður fyrir að leka hernaðarleyndarmálum
og trúnaðargögnum til WikiLeaks og á yfir
höfði sér þunga refsingu.
Einangraður í sendiráðinu í London
Assange hefur fengið hæli í Ekvador. Hann
er eftirlýstur á Bretlandi vegna framsalskröfu
frá Svíþjóð en yfirvöld þar í landi hafa óskað
eftir nærveru Assange vegna ásakana á hend-
ur honum fyrir kynferðislegt misferli. Sjálfur
segir Assange ásakanirnar uppspuna og að-
ferð í baráttunni gegn málstað hans og Wiki-
Leaks.
Fari Julian Assange út fyrir dyr sendiráðs
Ekvadors verður hann handtekinn af bresku
lögreglunni sem hefur umkringt sendiráðið en
stjórnvöld á Bretlandi hafa neitað Assange um
óhefta för úr landi til Ekvadors þar sem honum
hefur verið veitt pólitískt hæli. Að sögn stjórn-
valda á Bretlandi er þeim skylt að fara að lög-
um og fylgja eftir evrópskri handtökuskipun
sem gefin hefur verið út gegn Assange af
sænskum stjórnvöldum.
Gætu leitað til Alþjóðadómstólsins í Haag
Stjórnvöld í Ekvador hafa boðið sænsku lög-
reglunni að yfirheyra Assange í sendiráði sínu í
London en hún hefur hafnað því boði.
Meðan Julian Assange dvelur innan veggja
sendiráðsins nýtur hann úrlendisréttar og
bresk yfirvöld geta ekki sótt hann inn í sendi-
ráðið þar sem það er utan yfirráðasvæðis
bresku lögreglunnar.
Baltasar Garzon, lögmaður Assange, segir
það koma til greina að stjórnvöld í Ekvador
leiti til Alþjóðadómstólsins í Haag um að gera
Bretum skylt að hleypa Assange óhindrað úr
landi og til Ekvadors. Þá sagði Garzon að Ass-
ange myndi áfram berjast fyrir mannréttind-
um og réttlæti með starfsemi WikiLeaks-síð-
unnar.
Biður Obama að hætta nornaveiðum
 Julian Assange biðlaði til forseta Bandaríkjanna af svölum sendiráðs Ekvadors á Bretlandi að hætta
nornaveiðum gegn WikiLeaks og láta af ákæru sinni gegn Bradley Manning
AFP
WikiLeaks-stofnandinn Julian Assange talaði til stuðningsmanna í London.
Japanskir að-
gerðarsinnar
lentu á eyjunni
Uotsuri um
helgina þrátt fyr-
ir viðvaranir frá
japönsku strand-
gæslunni og
komu japanska
fánanum fyrir á
eyjunni. Japan og
Kína hafa deilt
um yfirráð yfir eyjunni og varð
uppátæki aðgerðarsinnanna til þess
að skapa spennu milli landanna.
Mótmæli gegn Japan spruttu víða
upp í Kína í kjölfarið.
Deilt um eyj-
una Uotsuri
Japanski fáninn
á Uotsuri eyju.
Meðlimir rússnesku pönksveitarinnar Pussy Riot, þær Nadezhda Tolo-
konnikova, Maria Alekhina og Yekaterina Samutsevich, voru fundnar sek-
ar um ósiðlegt athæfi í rússnesku rétttrúnaðarkirkjunni og dæmdar í
tveggja ára fangelsi. Stúlkurnar höfðu ruðst inn í kirkjuna og haldið rokk-
tónleika í mótmælaskyni við Vladimír Pútín, forseta Rússlands. Dómnum
hefur verið mótmælt víða um heim þar sem hann þykir ekki í neinu sam-
hengi við athæfi hljómsveitarinnar. Þá hafa stjórnmálamenn víðast hvar á
Vesturlöndum lýst yfir áhyggjum sínum vegna dómsins. Lögmaður hljóm-
sveitarinnar segir að dómnum verði áfrýjað en óvíst er hvenær rússneskur
áfrýjunardómstóll tekur málið fyrir.
AFP
Dómi yfir Pussy Riot
mótmælt víða um heim
Tveggja ára fangelsi fyrir ólæti