SunnudagsMogginn - 12.08.2012, Síða 33

12. ágúst 2012 33
stjórnenda. Bandaríkjamennirnir báru
ávallt mikið traust til okkar Íslending-
anna enda var mikið leitað til slökkvi-
liðsins þegar eitthvað bjátaði á.“
Verkefnin fjölbreytileg
Bókin er einkar forvitnileg enda verk-
efni Slökkviliðsins á Keflavíkurflugvelli
fjölbreyttari og um margt annars konar
heldur en verkefni annarra slökkviliða
hér á landi. „Liðið var eiginlega
þungamiðja í starfsemi flugvallarins.
Þarna var m.a. slökkvilið, snjódeild,
eldvarnardeild. Mikill tími fór í eld-
varnareftirlit um allan flugvöll, stans-
laust eftirlit alla daga. Á hverju ári var
farið í allar íbúðir á svæðinu og fundað
með íbúum. Auk þess var brautarvarsla
allan sólarhringinn allt árið um kring,“
segir Ólafur sem hættir störfum í
slökkviliðinu á Keflavíkurflugvelli í
september eftir 33 ár í starfi.
„Bandaríkjamenn lögðu áherslu á
öryggi og gæði, sköffuðu ávallt besta
fáanlega útbúnaðinn. Mikið var lagt
upp úr þjálfun og starfsmenn fóru til
Bandaríkjanna til að fræðast um ýmsar
hliðar starfsins. Í því sambandi mætti
nefna áherslu á umhverfis- og meng-
unarvarnir. Framlag Bandaríkjamanna
var mikið, aldrei var neitt til sparað
enda höfðu þeir mikið álit á starfinu
sem þarna fór fram.“
Mikilvæg þjálfun og menntun
Ólafur segir að fyrsti vísir að menntun
íslenskra slökkviliðsmanna hér á landi
hafi byrjað uppi á velli. Mikil áhersla
hafi verið á menntunarkerfi starfs-
manna, allir hafi verið með próf-
skírteini á ameríska vísu sem gangi um
allan heim. Slökkviliðið á Keflavík-
urflugvelli hefur því haft mikil áhrif
hér á landi, þjálfun og þekking starfs-
manna hafi gagnast öðrum slökkvilið-
um svo um munaði.
Slökkviliðið á Keflavíkurflugvelli
hefur í gegnum tíðina hlotið ýmsar
viðurkenningar innanlands og í Banda-
ríkjunum en þeirri sögu eru gerð nán-
ari skil í bókinni. „Það er forvitnilegt
að sjá hvernig Bandaríkjamenn líta á
starfsemina. Slökkviliðið var marg-
verðlaunað innan bandaríska hersins
og þeir sem þekkja til þeirrar starfsemi
vita að kröfurnar þar eru miklar. Því
þykir það mikið afrek að fá slíkar við-
urkenningar.“ Í bókinni kemur fram
að 1966 hafi slökkviliðið fengið við-
urkenninguna sem besta slökkviliðið
innan bandaríska hersins en þau skipta
hundruðum. Við hátíðlega athöfn þar
sem viðurkenningin var afhent tók
Emile E. Pierre, yfirmaður flotastöðv-
arinnar, fram að á síðustu fimm árum
hefði slökkviliðið farið í 27.580 eft-
irlitsferðir í byggingar á flugvellinum!
Bandaríska sendiráðið hér á landi
styrkti útgáfu bókarinnar einkum
vegna þeirra góðu samskipta sem hafa
verið milli landanna vegna slökkviliðs-
ins í gegnum tíðina. Ritnefnd bendir
áhugasömum kaupendum á að hafa
samband við formann ritnefndar, Ólaf
Eggertsson, með tölvupósti, krist-
janabjorg@simnet.is.
Mikið skipulag einkenndi allt starf á flugvellinum. Hér má sjá liðsmenn samankomna við vaktaskipti. Frá og með 1968 var slökkviliðið aðeins mannað Íslendingum.
Þarna hafa þeir, f.v. Arnoddur Þ. Jónsson, Gylfi Þórðarson, norskur flugmaður og Pétur Júlíusson nýlokið æfingu við björgun flugmanns.
’
Slökkviliðið var
margverðlaunað inn-
an bandaríska hers-
ins og þeir sem þekkja til
þeirrar starfsemi vita að
kröfurnar þar eru miklar.