Skinfaxi - 01.03.2012, Blaðsíða 8
8 SKINFAXI – tímarit Ungmennafélags Íslands
Ungmenna- og tómstundabúðir Ung-
mennafélags Íslands að Laugum í Sælings-
dal hafa verið starfræktar frá 2005 og hef-
ur aðsókn að búðunum vaxið jafnt og þétt
frá upphafi. Það eru nemendur í 9. bekk í
grunnskólum landsins sem sótt hafa búð-
irnar og hin síðustu ár hafa vel á annað
þúsund nemendur komið þangað á hverju
ári. Anna Margrét Tómasdóttir, sem er for-
stöðumaður ungmennabúðanna, segir
búðirnar hafa fest sig í sessi og að mikil og
góð reynslan sé nú þegar komin á þetta
starf.
Sömu skólarnir koma
aftur og aftur
„Þátttakan er góð og hefur tekið kipp upp
á við eftir hrun. Mér sýnist á öllu að um
1600 nemendur muni koma til okkar á
þessum vetri. Langflestar vikur í vetur eru
bókaðar en aðeins er eitthvað óbókað í
maí. Það fer mjög gott orð af þessu starfi
og skólarnir eru mjög ánægðir með veruna.
Sömu skólarnir koma aftur og aftur. Svo
eru alltaf nýir skólar að mæta en Álfhóls-
skóli í Kópavogi var að koma til okkar núna
í fyrsta skipti. Nokkrir skólar hafa komið
hingað árlega frá stofnun búðanna.
Stærstu hóparnir koma af Stór-Reykjavíkur-
Ungmenna- og tómstundabúðir
UMFÍ að Laugum í Sælingsdal:
Innra starfið verður öflugra
og betra með hverju árinu
svæðinu og af Vesturlandi en Hornfirðing-
arnir hafa komið frá upphafi. Vestfirðingar
eru núna að detta inn og má í því sambandi
nefna Patreksfirðinga og Tálknfirðinga,“
sagði Anna Margrét.
Aðstaðan er alltaf að
batna
– Nú hafa búðirnar verið starfræktar í sjö ár.
Hvað finnst þér hafa breyst á þessum tíma?
„Innra starfið verður öflugra og betra með
hverju árinu. Krakkarnir vita betur út á hvað
þetta gengur þegar þau koma og aðstað-
an er alltaf að batna. Við settum upp leikja-
garð utandyra á síðasta ári og hann nýtur
mikilla vinsælda. Við getum fyrir vikið
kennt meira úti við og verið með verkefni
því samfara í frjálsa tímanum. Þegar snjór
er yfir öllu gagnast leikjagarðurinn ekki
sem skyldi en alla jafna hefur hann nýst
okkur vel.“
Þegar Anna Margrét er spurð hvort ekki
hafi verið full þörf fyrir svona búðir segir
hún þær sannarlega eiga fullan rétt á sér.
„Búðirnar eru mikil styrking fyrir nem-
endurna á allan hátt. Þær bjóða upp á svo
margt uppbyggilegt efni þannig að þetta
gerir bara öllum gott sem hingað koma.
Krakkar í dag verða sífellt háðari tölvum
og símum og það hefur svo sannarlega
færst í vöxt eftir að búðirnar hófu göngu
sína. Á meðan krakkarnir dvelja í ung-
mennabúðunum eru þau algjörlega laus
við þetta. Mér finnst mikill kostur að þau
geti alveg kúplað sig frá því og í staðinn
átt mannleg samskipti hvert við annað,“
segir Anna Margrét.
Hún sagði að þegar væru farnar að
berast pantanir frá skólum fyrir næsta vetur.
„Við erum nú þegar búin að taka niður
fimm hundruð pantanir fyrir næsta vetur.
Það er um að gera fyrir skólana að panta
tímanlega,“ sagði Anna Margrét Tómas-
dóttir í samtalinu við Skinfaxa.
Anna Margrét Tómasdóttir, forstöðumaður ungmenna- og tómstundabúð-
anna, Sveinn Pálsson, sveitarstjóri Dalabyggðar, Sæmundur Runólfsson,
framkvæmdastjóri UMFÍ, og Erlendur Kristjánsson, deildarstjóri í mennta-
og menningarmálaráðuneytinu, á fundi sem haldinn var að Laugum.
Nemendur úr Álfhólsskóla í Kópavogi sem dvöldu í Ungmenna- og tóm-
stundabúðunum að Laugum.
isnic
Internet á Íslandi hf.