Skinfaxi - 01.03.2012, Blaðsíða 17

SKINFAXI – tímarit Ungmennafélags Íslands 17
Töluverð vakning er í frjálsum íþróttum í
Vestmannaeyjum en keppendur frá Ung-
mennafélaginu Óðni settu svip á meistara-
mótin sem haldin hafa verið núna í byrjun
árs. Með tilkomu knattspyrnuhallarinnar í
Eyjum opnuðust ákveðnir möguleikar til
að æfa inni á veturna og það hafa Eyja-
menn nýtt sér til fulls. Karen Inga Ólafs-
dóttir, frjálsíþróttaþjálfari í Eyjum, sagðist
í spjalli við Skinfaxa hafa verið yfirþjálfari
frá 18 ára aldri en hún er á 37. aldursári.
Karen bjó í Danmörku og þjálfaði þar um
þriggja og hálfs árs skeið, hjá klúbbi í Óðins-
véum. Svo þjálfaði hún líka um tíma í Sví-
þjóð og einnig hjá Breiðabliki, en fyrir þrem-
ur árum fluttist hún aftur til Eyja og tók þá
aftur upp þráðinn við þjálfunina þar.
Njótum þess að æfa og
keppa á mótum
„Frjálsíþróttalíf í Eyjum er svo sannarlega að
vakna til lífsins. Með bættri aðstöðu innan-
húss erum við farin að standa okkur betur
í tæknigreinum á mótum. Í fyrra náðum við
tólf verðlaunasætum á Íslandsmótum en
það hefur ekki gerst í háa herrans tíð. Við
erum mjög bjartsýn og njótum þess að
æfa og keppa á mótum,“ sagði Karen Inga.
Um 50 krakkar æfa að staðaldri frjálsar
íþróttir í Eyjum, langflestar greinar íþrótt-
anna, og að sögn Karenar Ingu er núna
verið að gera átak í því að áhugasömum
verði gert kleift að æfa stangarstökk.
Karen Inga Ólafsdóttir, frjálsíþróttaþjálfari hjá Óðni:
Ég ætla að halda ótrauð áfram
Krakkar úr Óðni sem
tóku þátt í Meistara-
móti Íslands 10–14
ára.
„Ég vinn markvisst að því sem ég tek
mér fyrir hendur, krakkarnir sjá líka hvað
er verið að gera fyrir þau og þetta skilar
sér allt saman,“ sagði Karen Inga.
Stefnum á Unglinga-
landsmótið á Selfossi
Þegar Inga var spurð hvort Eyjamenn ætl-
uðu ekki að fara að skila sér í meira mæli á
Unglingalandsmótin sagði hún alltaf erfitt
að koma því við vegna þess að þau mót
eru á sama tíma og þjóðhátíðin.
„Það er stefnan hjá okkur að mæta til
leiks á Unglingalandsmótið á Selfossi í
sumar enda ekki langt fyrir okkur að fara.
Okkur langar mikið til þess og foreldrar
eru jákvæðir fyrir því. Ég ætla að leyfa mér
að vera bjartsýn um að við mætum til leiks
á Selfossi,“ sagði Karen Inga.
Verðum að vera með
markmið til að stefna á
Hún sagði það hafa verið rætt að krakkar
13 ára og eldri færu í æfinga- og keppnis-
ferð til Svíþjóðar í vor. Það myndu í kring-
um 20 krakkar fara í þessa ferð ef af yrði.
„Við verðum að vera með markmið til
að halda krökkunum við efnið. Við erum
alltaf að spá og spekúlera og móta með
því framtíðina með skýrum hætti. Að hafa
á stefnuskránni að mæta á Unglingalands-
mót er áskorun og spennandi verkefni,“
sagði Karen Inga.
Karen Inga sagði það mikla upplifun
fyrir krakkana að mæta á mótin sem hald-
in eru í Frjálsíþróttahöllinni í Laugardal.
„Í ár erum við að keppa við okkar eigin
árangur en ekki endilega um sæti. Það eru
margir krakkar að keppa í fyrsta sinn og
því er spennan, tilhlökkunin og upplifun-
in mikil. Krökkunum finnst umgjörðin
spennandi og þau læra mikið af því að
taka þátt í mótum sem þessum. Þau
öðlast ennfremur reynslu og svo reynum
við alltaf að brjóta upp ferðirnar með því
að gera eitthvað skemmtilegt saman.“
Breytingar í vændum
– Sérðu fyrir þér að áfram gangi vel í Eyjum?
„Það er ekki ástæða til annars og ég ætla að
halda ótrauð áfram. Við höfum keppt undir
merkjum Ungmennafélagsins Óðins undan-
farin 20 ár en núna gæti orðið einhver
breyting í þeim efnum, þegar Óðinn hefur
sameinast ÍBV. Útfærslan í þessum efnum
ætti að skýrast fljótlega,“ sagði Karen Inga
Ólafsdóttir í spjallinu við Skinfaxa á Meist-
aramóti Íslands í frjálsum íþróttum.
Justin Bieber notar Proactiv® Solution
- bætt útlit, betri líðan
Burt með bólurnar!