Skinfaxi - 01.03.2012, Blaðsíða 25
SKINFAXI – tímarit Ungmennafélags Íslands 25
Íþróttamaður UFA
Uppskeruhátíð UFA fyrir árið 2011 var haldin
17. janúar sl. Íþróttamaður ársins var heiðrað-
ur og veittar viðurkenningar fyrir afrek, fram-
farir og ástundun. Margir iðkendur UFA náðu
góðum árangri á liðnu ári og til að mynda
urðu 24 iðkendur Íslandsmeistarar í einni eða
fleiri greinum. Íþróttamaður UFA 2011 var
valinn Bjartmar Örnuson, 800 metra hlaupari.
Bjartmar varð Íslandsmeistari í 800 metra
hlaupi karla innanhúss 2011 og náði verulegri
bætingu í þeirri grein á árinu en 800 m hlaupið
er aðalgrein hans. Bjartmar bætti einnig
árangur sinn utanhúss í 800 metra hlaupi
þegar hann náði þeim glæsilega árangri að
koma fjórði í mark á Evrópubikarkeppni A-
landsliða, en það mót fór fram í Reykjavík síð-
astliðið sumar. Bjartmar hefur sýnt nokkuð
stöðugar framfarir síðustu ár og er enn í
framför sem afreksíþróttamaður.
Íþróttamaður og íþrótta-
kona Grindavíkur
Óskar Pétursson og Ingibjörg Yrsa Ellertsdótt-
ir voru valin íþróttamaður og íþróttakona
Grindavíkur árið 2011 við hátíðlega athöfn í
Hópsskóla á gamlársdag. Óskar var fyrirliði
og lykilmaður í knattspyrnuliði Grindavíkur í
sumar og Ingibjörg Yrsa var lykilmaður bæði
í körfubolta- og knattspyrnuliðum Grindavík-
ur í ár. Ingibjörg fékk 81 stig af 100 möguleg-
um og Óskar 79. Þetta er þriðja árið í röð sem
kjörið er kynjaskipt. Sem fyrr var starf UMFG
kraftmikið í ár og komu alls fjórir Íslandsmeist-
aratitlar í hús og einn Norðurlandameistara-
titill. UMFG og afrekssjóður Grindavíkur
stóðu fyrir kjörinu.
Íþróttamaður Snæfells
Jón Ólafur Jónsson, eða Nonni Mæju eins og
flestir þekkja hann, fékk afhent verðlaun sín
sem íþróttamaður Snæfells 2011 þann 6. mars
sl. Jón Ólafur hefur verið einn af burðarásum
Snæfellsliðsins og er vel að þessum heiðri
kominn.
Íþróttakona og íþrótta-
maður Mosfellsbæjar
Telma Rut Frímannsdóttir, karatekona úr Aftur-
eldingu, og Kristján Þór Einarsson, kylfingur
úr golfklúbbnum Kili, voru kjörin íþróttakona
og íþróttamaður Mosfellsbæjar 2011. Viður-
kenningarnar voru afhentar í hófi þann 19.
janúar sl. og fengu þau 50 þúsund króna pen-
ingaverðlaun hvort, samhliða heiðurstitlinum.
Telma Rut var valin Íþróttakona Aftureld-
ingar í þriðja sinn nú í haust. Nóg hefur verið
að gera hjá Telmu í ár, hún var m.a. í 1. sæti í
opnum flokki í kumite og 3. sæti í kata á Bik-
armóti I, 1. sæti í opnum flokki í kumite og 3.
sæti í kata á Bikarmóti II og í 1. sæti í opnum
flokki í kumite á Bikarmóti III. Þá sigraði hún
bæði í -61 kg og í opnum flokki á Íslandsmeist-
aramóti fullorðinna í kumite og varði þannig
þá titla frá árinu 2010.
Árið hefur verið viðburðaríkt hjá Kristjáni.
Hann varð í öðru sæti á Íslandsmótinu í högg-
leik og í þriðja sæti ásamt liði sínu í sveita-
keppni GSÍ. Hann lék á Opna Luxemborgar-
mótinu í sumar, sem er sterkt áhugamanna-
mót, og hafnaði þar í 6. sæti. Kristján hefur
sigrað á þremur háskólamótum á árinu, Grub
Guðrún Gróa Þor-
steinsdóttir, íþrótta-
maður USVH.
Fjóla Signý
Hannesdóttir,
íþróttamaður
HSK.
Mart Intercollegiate Invitational, Harold
Funston Invitational og HBU Husky Invi-
tational. Hann er í 697. sæti á heimslista
áhugamanna, næstefstur Íslendinga.
Íþróttamaður
Borgarfjarðar
Á íþróttahátíð Ungmennasambands Borgar-
fjarðar (UMSB), sem fram fór 18. febrúar sl.,
var afreksfólk síðasta árs heiðrað auk þess sem
tilkynnt var um val á íþróttamanni Borgar-
fjarðar. Stjórn UMSB valdi að þessu sinni
Bjarka Pétursson, kylfing úr Golfklúbbi Borg-
arness (GB), sem íþróttamann Borgarfjarðar.
Þetta er í annað sinn sem Bjarki hreppir
hnossið en hann hlaut nafnbótina einnig
árið á undan. Bjarki er með efnilegustu kylf-
ingum landsins, fæddur árið 1994. Hann varð
Íslandsmeistari unglinga 17–18 ára í höggleik
og holukeppni á liðnu ári auk þess sem hann
varð klúbbmeistari GB.
Íþróttamaður HSK
Frjálsíþróttakonan Fjóla Signý Hannesdóttir,
Umf. Selfoss, var valin íþróttamaður HSK árið
2011 úr hópi rúmlega tuttugu tilnefndra
íþróttamanna. Meðal helstu afreka hennar
má nefna að á meistaramótum og bikar-
keppnum ársins varð hún þrefaldur Íslands-
meistari og fjórfaldur bikarmeistari í fullorð-
insflokki í sínum sterkustu greinum, þ.e. 100 m
grindahlaupi, 400 m grindahlaupi og hástökki
og var í verðlaunasæti í öllum öðrum greinum
sem hún keppti í á þeim mótum. Hún vann
svo til átta gullverðlauna á Unglingameistara-
móti Íslands, auk nokkurra silfur- og brons-
verðlauna. Þá varð hún Íslandsmeistari í
fimmtarþraut innanhúss og sjöþraut utan-
húss með nokkur hundruð stiga bætingu í
bæði skiptin. Alls vann hún 31 verðlaun á
átta stærstu mótum ársins og setti átján HSK-
met á árinu. Fjóla náði þeim frábæra árangri
að vera valin í A-landslið Íslands, í 100 m og
400 m grindahlaupi og í 4x400 m boðhlaupi.
Fjóla keppti í Evrópukeppni landsliða í Reykja-
vík í lok júní og stóð sig frábærlega, varð
þriðja í 400 m hlaupi og hljóp lokasprettinn
í 4x400 m boðhlaupi þar sem sveit Íslands
landaði silfurverðlaunum.
Jófríður Ísdís hreppti
brons í Svíþjóð
Íslenskir frjálsíþróttamenn tóku þátt í sterku innanhússkastmóti í
bænum Växjö í Svíþjóð helgina 10.–11. mars sl. Jófríður Ísdís Skafta-
dóttir úr Ungmennafélaginu Skipaskaga hreppti bronsverðlaun í
kringlukasti í flokki 15 ára stúlkna er hún kastaði kringlunni 41,49
m. Jófríður Ísdís var að keppa í fyrsta sinn á erlendri grund en þrátt
fyrir ungan aldur er ljóst að þarna er á ferð mikið efni sem spenn-
andi verður að fylgjast með í framtíðinni. Besti árangur Jófríðar
utanhúss í greininni er 47,53 m.
Sjöþrautarkonan Helga Margrét Þorsteinsdóttir keppti á sama
móti og bætti sig í kúluvarpi. Helga varpaði kúlunni 15,33 m en
besti árangur hennar var áður 15,01 m, í fyrra. Íslandsmet Guðrúnar
Ingólfsdóttur innanhúss er 15,64 m. Hilmar Örn Jónsson og Óðinn
Björn Þorsteinsson voru einng á meðal keppenda.
Jófríður Ísdís Skaftadóttir til hægri
ásamt Ragnheiði Önnu Þórsdóttur
á MÍ fullorðinna á sl. sumri.
Íþróttafólk ársins