Skinfaxi - 01.03.2012, Blaðsíða 31
SKINFAXI – tímarit Ungmennafélags Íslands 31
Með hækkandi sól fara margir að hugsa
sér til hreyfings. Ungmennafélag Íslands
stendur fyrir nokkrum áhugaverðum verk-
efnum á sumri komanda eins og undan-
farin ár. Mjög góð þátttaka var í verkefn-
um sem UMFÍ bauð upp á sl. sumar og má
í því sambandi nefna að yfir 15.000 manns
tóku þátt í verkefninu Fjölskyldan á fjallið.
Hvetjum fólk til
þátttöku
„Þátttaka almennings í verkefnum, sem við
höfum boðið upp á, hefur verið góð og ég er
bjartsýnn á að svo verði einnig í sumar. Vefur-
inn ganga.is hefur að geyma miklar upplýs-
ingar og þangað getur almenningur sótt
ýmsan fróðleik. Göngubókin verður almenn-
ingi aðgengileg eins og undanfarin ár en
henni verður dreift að þessu sinni á sölustöðv-
um Olís vítt og breitt um landið. Hún hefur
mikið upplýsingagildi og stefnt er að því að
hún fari í dreifingu í maí. Eins og jafnan hvetj-
um við fólk til þátttöku,“ sagði Sigurður Guð-
mundsson, landsfulltrúi UMFÍ, í spjalli við
Skinfaxa.
Hér hefur verið tekið saman hvaða verkefni
standa almenningi til boða í sumar.
Ganga.is
Flott heimasíða sem er alltaf verið að uppfæra
og gera aðgengilegri fyrir þá sem vilja hreyfa
sig og ganga á fjöll. Á ganga.is gefur að líta
ýmsan fróðleik um hvað beri að hafa í huga
þegar farið er af stað í gönguferð eða fjall-
göngu. Þar má finna fjölda stuttra og langra
gönguleiða um allt land sem og upplýsingar
um þau fjöll sem sambandsaðilar mæla sér-
staklega með að þátttakendur í verkefninu
Fjölskyldan á fjallið gangi á. Lagt er upp með
að fjölskyldan hreyfi sig saman í fallegri nátt-
úru. Á ganga.is má einnig finna upplýsingar
m.a. um helstu sundlaugar og golfvelli lands-
ins og fá góða yfirsýn yfir þá þjónustu sem
finna má á hverjum stað. Á ganga.is verður
einnig áfram haldið utan um skráningarkerf-
ið sem tengist verkefninu Hættu að hanga!
Komdu að hjóla synda eða ganga! sem verður
haldið úti þriðja sumarið í röð.
Göngubók
Göngubókin Göngum um Ísland kemur út í
vor eins og undanfarin ár. Bókin hefur að
geyma 278 stuttar gönguleiðir og 24 fjöll sem
í boði eru í verkefninu Fjölskyldan á fjallið. Í
bókinni er að finna ýmsar upplýsingar sem
gott er að hafa í huga áður en lagt er af stað
í gönguferð, hvort sem um er að ræða stutta
eða langa. Bókinni verður komið til dreifingar
á allar Olísstöðvar á landinu, allar sundlaugar
og á helstu ferðamannastaði.
Verkefni sumarsins
Fjölskyldan á fjallið
Verkefnið Fjölskyldan á fjallið verður í sumar
á sínum stað eins og mörg undanfarin ár.
Góð þátttaka hefur verið í verkefninu og hef-
ur hún vaxið jafnt og þétt. Hátt í 20 þúsund
göngugarpar rituðu nöfn sín í gestabækur
sl. sumar sem voru á 24 fjöllum. Flest þessara
fjalla eiga það sameiginlegt að tiltölulega létt
er að ganga á þau. Markmiðið er að fá fjöl-
skyldur í létta fjallgönguferð og stuðla þannig
að aukinni samveru, útivist og um leið líkams-
rækt innan fjölskyldunnar. Göngugarpar hafa
verið hvattir til að skrifa nöfn sín í gestabæk-
urnar á fjöllum. Á hverju hausti er síðan dreg-
ið úr hópi þátttakenda og hljóta hinir heppnu
sérstök verðlaun. Hægt er að kynna sér þau
fjöll sem eru í verkefninu á ganga.is eða í
göngubókinni Göngum um Ísland.
Hættu að hanga!
Komdu að hjóla,
synda eða ganga!
Hættu að hanga! Komdu að hjóla, synda eða
ganga! er verkefni sem verður fram haldið
þriðja sumarið í röð. Megintilgangur verkefn-
isins er að hvetja einstaklinga, fyrirtæki, fjöl-
skyldur og hópa til að hreyfa sig og stunda
heilbrigða lifnaðarhætti. Þátttakendur skrá þá
hreyfingu sem þeir stunda á vefinn ganga.is,
fyrir að hjóla 5 km, synda 500 m, ganga eða
skokka 3 km og fyrir að ganga á fjöll. Fyrir að
hreyfa sig í 30 skipti fá þátttakendur brons-
merki, silfurmerki fyrir 60 skipti og gullmerki
fyrir 80 skipti. Einnig eiga þátttakendur kost
á öðrum veglegum verðlaunum fyrir þátttöku
sína. Öllum er heimil þátttaka, óháð aldri, en
hægt er að velja milli þátttöku í einstaklings-
keppni, hópakeppni eða fyrirtækjakeppni.
UMFÍ hvetur alla til að taka þátt í verkefninu
Hættu að hanga! Komdu að hjóla, synda eða
ganga! í sumar.
Frjálsíþróttaskóli
UMFÍ
Frjálsíþróttaskóli UMFÍ hefur notið mikilla vin-
sælda undanfarin ár. Skólinn verður haldinn
í sumar á nokkrum stöðum á landinu en þeir
staðir hafa verið auglýstir á heimasíðu UMFÍ.
Frjálsíþróttaskólinn er ætlaður ungmennum
á aldrinum 11–18 ára. Ungmennin koma
saman á hádegi á mánudegi en skólanum
lýkur á hádegi á föstudegi í sömu viku. Aðal-
áhersla er lögð á kennslu í frjálsum íþróttum.
Auk frjálsra íþrótta er farið í sund, leiki, óvissu-
ferðir og haldnar kvöldvökur. Ungmenna-
félag Íslands hefur yfirumsjón með fram-
kvæmd skólans og annast sameiginlega
kynningu á starfseminni. Sambandsaðilar á
því svæði sem skólinn er haldinn á hverju
sinni sjá um að finna kennara og aðstoðar-
menn til starfa við skólann. Lagt er upp með
að vera með fagmenntaða kennara í kennslu
á hverjum stað til að tryggja sem besta
kennslu fyrir ungmennin. Þátttaka ungmenna
hefur aukist umtalsvert milli ára. Góð þátttaka
undirstrikar að skólinn er ákjósanlegur vett-
vangur til að kynna og breiða út frjálsar
íþróttir á Íslandi. Þannig gegnir skólinn mikil-
vægu hlutverki í að opna augu ungmenna
fyrir ágæti íþróttaiðkunar. Fjölmargar rann-
sóknir styðja þá staðhæfingu að ungmenni,
sem stunda íþróttir, leiðist síður út í óreglu
síðar á lífsleiðinni. Síðast en ekki síst öðlast
ungmennin tækifæri til að kynnast hvert
öðru og mynda tengslanet og auka hæfni
sína í mannlegum samskiptum.
Landsmót UMFÍ 50+ verður haldið
í Mosfellsbæ 8.–10 júní og Unglinga-
landsmót UMFÍ verður haldið á
Selfossi um verslunarmannahelgina.