Skinfaxi - 01.03.2012, Blaðsíða 13

SKINFAXI – tímarit Ungmennafélags Íslands 13
Guðrún Kristín Einarsdóttir, sem er sér-
greinastjóri í blaki á Landsmóti UMFÍ 50+
í Mosfellsbæ, segist vera bjartsýn á góða
þátttöku blakmanna á mótinu í sumar.
„Við hlökkum mikið til mótsins og ég er
að vona að blakmenn hvaðanæva að taki
vel við sér og safni liði. Blakið er gríðarlega
vinsælt hjá fólki og til marks um það er að
öldungablakið er heldur betur búið að
festa sig í sessi. Fjölmenn mót með hátt í
þúsund keppendur segja ýmislegt í þeim
efnum. Þátttakendum fjölgar jafnt og þétt
en blakið er afskaplega skemmtileg íþrótt
Guðrún Kristín Einarsdóttir, sérgreinastjóri í blaki:
Blakfólk getur farið að hlakka til mótsins í Mosfellsbæ
2. Landsmót 50+ í Mosfellsbæ:
og góð hreyfing,“ sagði Guðrún Kristín
Einarsdóttir í spjalli við Skinfaxa en blakið
er ein þeirra íþróttagreina sem keppt verð-
ur í á Landsmóti UMFÍ 50+ í Mosfells-
bænum.
Aðstæður til fyrirmyndar
Guðrún sagði allar aðstæður til blakiðkun-
ar í Mosfellsbænum vera til fyrirmyndar.
Gott íþróttahús og aðstæður fyrir strand-
blakið væru ennfremur góðar.
„Það væri gaman ef þátttakan í blakinu
yrði góð og ég hef ekki ástæðu til að ætla
annað. Fjöldi iðkenda yngri en 50 ára er
mikill á landinu en hópur eldri blakmanna
fer líka ört stækkandi. Fólk hugsar meira
um heilsuna en áður og því er góður val-
kostur að fara í blakið enda um góða og
alhliða hreyfingu að ræða. Strandblakið
er alltaf að verða vinsælla og ég á von á
góðri þátttöku í því. Blakmenn geta farið
að hlakka til og ég hvet þá til að koma og
taka þátt í mótinu í Mosfellsbæ. Mér
fannst vera kominn tími til að halda mót
fyrir þennan aldurshóp enda stundar fólk
almennt íþróttir mun lengur en áður,“
sagði Guðrún Kristín Einarsdóttir, sér-
greinastjóri í blakinu á mótinu í sumar.
2. Landsmót UMFÍ 50+ verður haldið í Mos-
fellsbæ dagana 8.–10. júní í sumar. Þann
6. mars sl. voru undirritaðir samningar á
milli landsmótsnefndar og Mosfellsbæjar.
Haraldur Sverrisson, bæjarstjóri í Mosfells-
bæ, og Valdimar Leó Friðriksson, formað-
ur landsmótsnefndar, undirrituðu samn-
inginn.
Undirbúningur fyrir mótið er í fullum
gangi og gengur vel. Aðstaða í Mosfells-
bæ er öll til fyrirmyndar fyrir Landsmót
UMFÍ 50+. Mosfellsbær rekur íþróttamið-
Samningar undirritaðir milli lands-
mótsnefndar og Mosfellsbæjar
stöð að Varmá og þar eru þrír íþróttasalir,
sundlaug, karatesalur, knattspyrnuvöllur í
fullri stærð, gervigrasvöllur í fullri stærð, 7
manna gervigrasvöllur og hlaupabraut.
Góður golfvöllur sem og aðstaða fyrir pútt
er í Mosfellsbæ. Einnig er reiðhöll í Mosfells-
bæ og stutt er í skólahúsnæði sem verður
notað helgina sem Landsmótið fer fram.
Keppnisgreinar á mótinu eru: Badmin-
ton, blak, boccia, bridds, frjálsar íþróttir,
golf, almenningsíþróttahlaup, hestaíþrótt-
ir, knattspyrna, kraftlyftingar, leikfimi/dans,
línudans, pútt, ringó, skák, sund, starfs-
íþróttir, strandblak, hringdansar og þrí-
þraut.
Haraldur Sverrisson, bæjarstjóri í Mosfellsbæ, og
Valdimar Leó Friðriksson, formaður landsmóts-
nefndar, við undirritun samningsins.
F
M
BS