Skinfaxi - 01.03.2012, Blaðsíða 18

18 SKINFAXI – tímarit Ungmennafélags Íslands
Fyrir okkur skíðagöngufólk er eins að fara
í Vasagönguna og fyrir pílagríma að fara
til Mekka. Þetta er ótrúleg upplifun, allt
fólkið og öll umgjörðin í kringum Vasavik-
una er einstök. Það er allt þaulskipulagt.
Við í Skíðafélagi Strandamanna ákváðum
á vormánuðum 2011 að fara í Vasagöng-
una og notuðum tíma til æfinga fram að
göngunni.
Snemma að morgni 24. febrúar vorum við
sex mætt í flugstöðina í Keflavík. Það var
spenna í liðinu enda sum okkar að fara í
fyrsta sinn, en allt gekk vel og flugið var ágætt.
Við keyrðum í 8 tíma eftir komuna til Svíþjóð-
ar til staðarins þar sem við gistum, sem heitir
Carlsborg og er í Rörbäcksnäs skammt frá
norsku landamærunum. Afar notalegt, ódýrt
og gott er að vera þar.
Við hvíldum okkur vel og á laugardags-
morguninn keyrðum við til Mora og skoðuð-
um aðstæður, fengum Vallatips, leiðbeining-
ar fyrir sunnudaginn, en þá var svokallað
UngdomsVasa sem börnin ætluðu að ganga.
Stundin rennur upp
Sunnudagurinn rennur upp og það er vakn-
að kl. 4:30. Við borðum morgunmat og keyr-
um til Mora, númerin eru sótt og við skiptum
liði þannig að Raggi verður eftir hjá krökkun-
um til að koma þeim af stað en við Sigga för-
um að markinu. Sigga tekur myndir og ég
tek á móti krökkunum þegar þau koma í
mark.
Stefán fer fyrstur en hann gengur 5 km á
– Félagar úr Skíðafélagi Strandamanna tóku þátt í Vasagöngunni:
Einstök umgjörð
og ótrúleg upplifun
tímanum 00:20:51 klst. Síðan leggur Númi
af stað og gengur 7 km á 00:20:19 klst, en
síðust fer Branddís. Hún fer 7 km á 00:24:17
klst. Þau stóðu sig mjög vel enda vant skíða-
fólk.
Hálf-Vasa – 45 km
Þriðjudagurinn er göngudagurinn okkar
Siggu en þá er Hálf-Vasa sem er 45 km. Skíð-
in eru höfð tilbúin kvöldið áður og allt er til
reiðu. Við vöknum kl. 5:00 og gerum okkur
klár. Startað er kl. 10:00 rétt hjá Oxberg. Það
er sól og gott veður og gott færi, við göngum
að okkur finnst góða göngu, ég á tímanum
02:58:53 klst og Sigga á 04:01:05 klst.
Á miðvikudeginum bætist ein í hópinn
og það er mamma hans Núma, það þarf bíl-
stjóra fyrir sunnudaginn. Á föstudeginum er
Skautavasa sem er 30 km og Númi ætlar að
taka þátt. Hann er ekki nema 01:38:54 klst að
ganga þetta með 18 km meðalhraða.
Vasagangan – 90 km
Það er hvíld á laugardeginum fyrir stóru
gönguna á sunnudaginn. Þá er sjálf Vasa-
gangan sem er 90 km, skíðin eru gerð klár og
vel vandað til. Snemma er farið að sofa en
maður er svo spenntur að það gengur illa.
Samt er sofið smá. Við Raggi förum á fætur
kl. 3:30, hliðin eru opnuð kl. 6:30 og til að
komast framarlega í hópinn þarf maður að
mæta snemma. Við náum báðir að setja skíð-
in í þriðju röð. Hann er í hópi númer 6 og ég
í hópi númer 7 og svo er bara að bíða eftir að
klukkan verði 8:00. Það er 10 gráðu frost og
sól, það er kalt svo að við förum aftur í bílinn
og síðan kemur hitt fólkið.
Við fórum af stað kl. 8:00 og það gekk hægt
til að byrja með eftir flatann og upp brekkuna
en svo fór að ganga betur. Þetta var mjög
góð ganga og Raggi var á tímanum 06:08:09
klst og ég á 06:54:57 klst. Við vorum báðir
ánægðir með gönguna. Við vorum búin að
panta gistingu í Rättvik og keyrðum þangað
og sváfum vel eftir erfiða göngu. Í bítið um
morguninn var svo keyrt til Stokkhólms og
flogið heim.
Þetta voru búnir að vera góðir 10 dagar og
allir komu ánægðir heim. Þetta er í fimmta
skiptið sem ég fer í Vasagönguna og besta
gangan mín til þessa.
Rósmundur Númason
Stefán Snær
Ragnarsson, Númi
Leó Rósmundsson
og Branddís Ösp
Ragnarsdóttir stóðu
sig vel enda vant
skíðafólk.
Ragnar Bragason
að koma í mark í
Vasagöngunni.
SKÍÐI: