Skinfaxi - 01.03.2012, Blaðsíða 29
SKINFAXI – tímarit Ungmennafélags Íslands 29
00000
Frábær jólagjöf!
Veiðikortið
37 vötn
Eitt kort
6.000 kr.
www.veidikortid.is
FLEIRI VÖTN ÓBREYTT VERÐ
Velkomin í Mosfellsbæ
8.–10. júní 2012
Afturelding
bikarmeistari í
blaki í fyrsta sinn:
Söguleg stund var í Laugardalshöll þegar
kvennalið Aftureldingar vann sinn fyrsta
titil í blaki kvenna. Liðið bar sigur úr býtum,
3:0, í viðureign við Þrótt frá Neskaupstað í
úrslitaleik sem fram fór 18. mars sl. Liðið úr
Mosfellsbæ vann fyrstu hrinuna 25:18, aðra
hrinuna 25:17 og þá þriðju 25:19. Þróttur
átti titil að verja en Afturelding hafði verð-
skuldaðan sigur. Mikil stemmning var á
leiknum og fékk Afturelding frábæran
stuðning á áhorfendapöllunum þar sem
rauður Aftureldingarliturinn var ríkjandi.
Átti ekki von á þessu
í upphafi tímabilsins
Velina Apostolova er ein af lykilmönn-
um Aftureldingar og þegar hún var spurð
hvort bikarsigurinn hefði komið henni á
óvart svaraði hún að þegar tímabilið hófst
hefði hún ekki búist við þeim árangri sem
orðinn er nú þegar.
„Satt best að segja átti ég ekki von á
þessu í upphafi tímabilsins. Móðir mín, sem
er mikilvægur leikmaður, var þá meidd,
nýbúin að fara í aðgerð, og vissi því ekki
hvernig hún yrði. Það gekk hins vegar allt
vel og mamma hefur leikið með okkur í
vetur. Eftir því sem leið á veturinn fékk mað-
ur á tilfinninguna að þetta gæti gerst. Lið-
ið fór smám saman að smella saman, okkur
fór að ganga betur á æfingum og við fórum
að vinna alla heimaleikina. Við æfum öll
virk kvöld vikunnar nema þegar leikir eru
og svo förum við saman í ræktina líka.
Þetta er heilmikil vinna, tímafrekt en ofsa-
lega gaman þegar vel gengur og maður
sér laun erfiðisins,“ sagði Velina Apostolova.
– Sýnist þér þetta lið eiga framtíðina fyrir sér?
„Já, algjörlega. Það eru rosalega efnilegar
stelpur að koma upp úr þriðja flokki. Tvær
ungar stelpur eru nú þegar farnar að æfa
og spila með okkur og þær verða komnar
inn af fullum krafti á næsta tímabili.“
Velina var spurð hvort henni fyndist blak-
ið vera á uppleið og sagði hún svo vera og
eins væri uppfjöllunin meiri en áður.
„Það er mikil aukning í öldungablakinu
og um leið skrá foreldarnir börnin sín í
krakkablak og þannig gengur þetta koll af
kolli. Mér finnst þetta allt vera að koma en
við megum ekki gleyma því að blakið er
ein vinsælasta íþróttagreinin í Evrópu.“
Velina Apostolova lék fyrst með Þrótti í
Neskaupstað en þar bjó hún með foreldr-
um sínum sem eru mikið blakfólk. Hún
flutti suður 16 ára til að sækja nám í mennta-
skóla og lék með HK, en hóf að leika með
Aftureldingu sl. haust. Faðir hennar er þjálf-
ari liðsins en hún fluttist hingað til lands 6
ára með foreldrum sínum frá Búlgaríu.
„Við erum ekki hætt því að við ætlum að
taka Íslandsmeistaratitilinn líka. Við eigum
góða möguleika og ætlum að standa okkur
eins og kostur er,“ sagði Velina Apostolova
í spjallinu við Skinfaxa.
BLAK: