Skinfaxi - 01.03.2012, Blaðsíða 33

SKINFAXI – tímarit Ungmennafélags Íslands 33
Úr hreyfingunni
Héraðsþing HSK var haldið í
Brautarholti á Skeiðum 10.
mars sl. Rétt til setu á þing-
inu áttu 117 fulltrúar frá 58
aðildarfélögum HSK og
tveimur sérráðum sambands-
ins. Umræður voru góðar á þinginu og í
nefndum en 29 tillögur voru samþykktar.
Guðríður Aadnegard var endurkjörin for-
maður HSK og Örn Guðnason var kjörinn
varaformaður.
Í upphafi þings afhenti Guðríður Aadne-
gard körfuknattleiksdeild Hamars foreldra-
starfsbikarinn, Hestamannafélaginu Geysi
unglingabikarinn og Ungmennafélagi
Selfoss bikar sem stigahæsta félag í heildar-
stigakeppni ársins. Selfyssingar sigruðu
nokkuð örugglega og unnu stigabikarinn
jafnframt fimmta árið í röð.
Helga Guðrún Guðjónsdóttir, formaður
UMFÍ, ávarpaði þingið, en auk hennar sat
Stefán Skafti Steinólfsson, stjórnarmaður í
UMFÍ, þingið. Helga Guðrún gerði starf
sjálfboðaliða að umtalsefni sínu þegar hún
ávarpaði þingið og í kjölfarið afhenti hún
Fanneyju Ólafsdóttur, Umf. Vöku, og Anný
Ingimarsdóttur, Umf. Samhygð, starfsmerki
UMFÍ. Fanney situr í stjórn HSK og er for-
maður starfsíþróttanefndar sambandsins.
Þá hefur hún setið í stjórn glímuráðs um
árabil, auk þess sem hún er fyrrverandi
formaður Umf. Vöku. Anný á sæti í vara-
stjórn HSK, en hún starfaði lengi í blak-
nefnd sambandsins auk þess sem hún hef-
ur sinnt stjórnarstörfum í Umf. Samhygð.
Haraldur Júlíusson, Lísa Thomsen og
Héraðsþing Héraðssambandsins Skarphéðins:
Umræður góðar og 29 tillögur samþykktar
Þorgeir Vigfússon voru sæmd gullmerki
HSK. Auk þeirra var Ragnar Sigurðsson, frá-
farandi varaformaður og félagsmaður í
Umf. Þór, sæmdur silfurmerki sambands-
ins. Gullmerkishafarnir hafa allir starfað
Efri mynd til vinstri: Anný Ingimarsdóttir og Fanney
Ólafsdóttir fengu afhent starfsmerki UMFÍ. Með
þeim á myndinni eru Stefán Skafti og Helga
Guðrún, stjórnarmenn UMFÍ.
Mynd til hægri: Magnús Gunnlaugsson, Umf.
Hrunamanna, sem var útnefndur öðlingur ársins.
Neðri mynd: Steinunn E. Þorsteinsdóttir, Umf. Þór,
(sleifarhafi 2011), ásamt keppendum í ár, þeim
Karli Hreggviðssyni, Sleipni, Vigdísi Guðjónsdótt-
ur, Smára, Björgu Halldórsdóttur, Hamri (sleifar-
hafa 2012), og Ólafi Guðmundssyni, frjálsíþrótta-
ráði HSK.
í áratugi innan sambandsins og sitja í
sögu- og minjanefnd HSK. Þorgeir er að
auki fyrrverandi ritari sambandsins. Öll
hafa þau verið í framlínunni hjá félögum
sínum, Haraldur með Umf. Njáli, Lísa með
Umf. Hvöt og Þorgeir með Umf. Skeiða-
manna.
Frjálsíþróttakonan Fjóla Signý Hannes-
dóttir, Umf. Selfoss, var valin íþróttamaður
HSK árið 2011 úr hópi rúmlega tuttugu til-
nefndra íþróttamanna.
UÍA fékk styrk frá menningarráði Austurlands
Menningarráð Austurlands styrkir á ári
hverju ótal stofnanir, samtök og einstak-
linga til góðra verka á sviði lista og menn-
ingar. Afhending styrkja fór fram í Snæfells-
stofu 6. janúar síðastliðinn með mikilli við-
höfn. Mennta- og menningarmálaráð-
herra, Katrín Jakobsdóttir, ávarpaði sam-
komuna og afhenti styrkina. UÍA hlaut
einn þeirra vegna verkefnisins „Á ég að
segja þér sögu?“, námskeiðs í frásagnarlist
fyrir börn og unglinga, sem sambandið
mun halda nú á næstu mánuðum.
Námskeiðið mun heimsækja að minnsta
kosti sex þéttbýliskjarna á Austurlandi en
Berglind Agnarsdóttir sagnaþula mun þar
kenna börnum og unglingum undirstöðu-
atriði í frásagnarlist og segja sögur af sinni
alkunnu snilld. Ráðherra, sem og fleirum,
varð tíðrætt um hina miklu grósku sem er
í austfirsku lista- og menningarlífi og báru
verkefnin, sem hlutu styrki, henni glöggt
vitni.
Hildur Bergsdóttir tekur við menningarstyrk til
UÍA úr hendi Katrínar Jakobsdóttur, mennta- og
menningarmálaráðherra.