Skinfaxi - 01.03.2012, Blaðsíða 24
24 SKINFAXI – tímarit Ungmennafélags Íslands
Magnús Örn Valsson,
íþróttamaður USAH.
Íþróttamaður Skagafjarðar
Í upphafi nýs árs, við hátíðlega athöfn í Húsi
frítímans á Sauðárkróki, var upplýst hver fengi
að bera nafnbótina íþróttamaður Skagafjarðar
2011. Að þessu sinni var það hestamaðurinn
úr Stíganda, Elvar Einarsson, sem hlaut þann
heiður. Árangur Elvars á árinu 2011er einkar
glæsilegur en hann hefur verið sigursæll á
keppnisvöllum hestamanna, hérlendis sem
erlendis.
Íþróttamaður og íþrótta-
kona Árborgar
Á uppskeruhátíð Íþrótta- og tómstundanefnd-
ar Árborgar, sem fram fór í hátíðasal Fjölbrauta-
skóla Suðurlands 27. desember sl., voru þau
Jón Daði Böðvarsson, knattspyrnumaður, Sel-
fossi, og Guðmunda Brynja Óladóttir, knatt-
spyrnukona, Selfossi, útnefnd íþróttamaður
og íþróttakona Árborgar 2011. Þau stóðu sig
bæði frábærlega á árinu. Jón Daði lék með
U21 árs landsliðinu og átti auk þess frábært
sumar með liði Selfoss sem tryggði sér sæti í
Pepsi-deildinni. Guðmunda Brynja var lykil-
leikmaður í liði Selfoss sem tryggði sér sæti í
Pepsi-deildinni í fyrsta skipti í sögu félagsins.
Þá lék hún fjölda landsleikja með U17 og U19
ára landsliðum Íslands auk þess að vera valin
í æfingahóp A-landsliðsins. Alls var 21 íþrótta-
maður tilnefndur, tíu konur og ellefu karlar.
Íþróttamaður USVH
Guðrún Gróa Þorsteinsdóttir, körfubolta- og
kraftlyftingakona frá Reykjum í Hrútafirði, var
valin íþróttamaður Ungmennasambands
Vestur-Húnvetninga árið 2011 en kjörinu var
lýst í Íþróttamiðstöðinni á Hvammstanga 28.
desember sl. Guðrún Gróa hlaut 43 stig en í
öðru sæti varð Helga Una Björnsdóttir hesta-
íþróttakona með 36 stig og í þriðja sæti Helga
Margrét Þorsteinsdóttir frjálsíþróttakona með
29 stig. Aðrir, sem hlutu tilnefningar í kjöri
íþróttamanns USVH, voru Reynir Aðalsteins-
son og Tryggvi Björnsson hestaíþróttamenn
og Hrund Jóhannsdóttir körfuknattleikskona.
Guðrún Gróa hlaut farandbikar auk eignar-
bikars og einnig 50 þúsund króna gjafakort
frá Landsbankanum á Hvammstanga. Guðrún
Gróa hefur áður verið kjörin íþróttamaður
USVH, en Helga Margrét, systir hennar, var
kjörin íþróttamaður USVH síðustu fjögur ár.
Guðrún Gróa kláraði keppnistímabilið í körfu-
bolta með KR með því að vera valin besti
varnarmaðurinn í Iceland Express-deild
kvenna í körfubolta. Síðan sneri hún sér
alfarið að kraftlyftingum og fór að keppa
fyrir kraftlyftingadeild Ármanns. Hún hafði
um tíma æft báðar þessar íþróttagreinar. Í
mars keppti Guðrún á Íslandsmeistaramóti í
kraftlyftingum sem haldið var í Njarðvík og
setti þar nokkur Íslandsmet.
Íþróttamaður Hattar
Knattspyrnumaðurinn Óttar Steinn Magnús-
son var útnefndur íþróttamaður Hattar á Egils-
stöðum árið 2011 en verðlaunin voru afhent
á þrettándagleði Fljótsdalshéraðs og Hattar.
Óttar, sem er 22 ára gamall miðvörður, var
fyrirliði Hattar á síðasta tímabili þegar liðið
vann sig upp í 1. deild í fyrsta skipti. Óttar var
um leið valinn knattspyrnumaður ársins hjá
Hetti en íþróttamenn annarra greina í félag-
inu voru valin blakkonan Særún Kristín Sævars-
dóttir, fimleikakonan Alexandra Sigurdórs-
dóttir, frjálsíþróttamaðurinn Örvar Þór Guðna-
son, körfuboltamaðurinn Eysteinn Bjarni
Ævarsson og sundkonan Jóhanna Malen
Skúladóttir.
Íþróttakarl og íþróttakona
Kópavogs
Kári Steinn Karlsson, frjálsíþróttamaður úr
Breiðabliki, og Kristjana Sæunn Ólafsdóttir,
fimleikakona úr Gerplu, voru kjörin íþrótta-
karl og íþróttakona Kópavogs fyrir árið 2011.
Kjörinu var lýst á íþróttahátíð Kópavogs í
Salnum við hátíðlega athöfn 4. janúar sl.
Fengu þau að launum farandbikar og eignar-
bikar jafnframt því sem Guðríður Arnardóttir,
formaður bæjarráðs Kópavogs, afhenti þeim
hvoru um sig 150 þúsund króna ávísun í við-
urkenningarskyni frá bæjarstjórn Kópavogs.
Kári Steinn og Kristjana Sæunn voru valin úr
hópi 38 íþróttamanna sem fengu viðurkenn-
ingu íþróttaráðs Kópavogs eftir tilnefningar
frá íþróttafélögunum í bænum.
Kári Steinn er orðinn einn fremsti íþrótta-
maður landsins og hefur öðlast keppnisrétt í
maraþonhlaupi á Ólympíuleikunum í London
í sumar. Kristjana Sæunn var í liði Gerplu sem
vann Norðurlandameistaratitilinn í hópfim-
leikum.
Íþróttamaður ársins í
Reykjanesbæ
Pálína María Gunnlaugsdóttir var valin íþrótta-
maður ársins í Reykjanesbæ. Athöfnin fór
fram í Íþróttamiðstöð Njarðvíkur á gamlárs-
dag. Pálína gekk til liðs við Keflavík árið 2007
og hefur verið einn af máttarstólpum liðsins
síðan. Hún varð Íslandsmeistari með Keflavík
tímabilið 2007–2008, bikarmeistari tímabilið
2010–2011 og Íslandsmeistari tímabilið 2010–
2011. Pálína var á lokahófi Körfuknattleiks-
deildar Keflavíkur fyrir tímabilið 2010–2011
valin besti varnarmaðurinn, besti leikmaður-
inn og í Úrvalslið Keflavíkur 2010–2011. Pálína
var valin besti leikmaðurinn í úrslitakeppni
kvenna, ásamt því að vera valin í úrvalslið KKÍ.
Pálína hefur sýnt það hjá Keflavík að hún er í
fremstu röð körfuknattleikskvenna á Íslandi
og er mikil fyrirmynd, bæði innan sem og
utan vallar.
Íþróttamaður
Fjallabyggðar
Skíðamaðurinn Sævar Birgisson var kjörinn
íþróttamaður Fjallabyggðar 2011. Kjörið var
kunngert við hátíðlega athöfn á Allanum á
Siglufirði 28. desember sl. Þar afhenti for-
maður UÍF Sævari 50 þúsund króna styrk frá
stjórn UÍF. Árangur Sævars á árinu var glæsi-
legur: Íslandsmeistaratitill í karlaflokki bæði í
sprettgöngu og 10 km göngu með hefðbund-
inni aðferð. Sævar var einnig í öðru sæti í 15
km göngu karla með frjálsri aðferð auk þess
sem hann gekk þriðja sprett í boðgöngu-
sveit SÓ sem varð í öðru sæti á sama móti.
Sævar var valinn í A-landslið SKÍ og æfir íþrótt
sína af miklu kappi. Hann er mikil fyrirmynd
fyrir iðkendur félagsins. Langtímamarkmið
hans er að ná lágmörkum fyrir Ólympíuleik-
ana 2014 sem fram fara í Rússlandi.
Guðmunda
Brynja Óladóttir,
íþróttakona
Árborgar, og Jón
Daði Böðvarsson,
íþróttamaður
Árborgar.
Íþróttafólk ársins
Óskar Pétursson og
Ingibjörg Yrsa Ellerts-
dóttir, íþróttamaður
og íþróttakona
Grindavíkur.
Bjarki Pétursson,
íþróttamaður
Borgarfjarðar.