Skinfaxi - 01.06.2013, Síða 18

18 SKINFAXI – tímarit Ungmennafélags Íslands
Unglingalandsmót UMFÍ er vímuefnalaus fjöl-
skylduhátíð þar sem börn og unglingar á
aldrinum 11–18 ára reyna með sér í fjölmörg-
um íþróttagreinum. Samhliða er boðið upp
á fjölbreytta afþreyingu, leiki og skemmtun
fyrir alla fjölskylduna.
Unglingalandsmótin hafa hvarvetna vakið
mikla athygli og þeir fjölmörgu sem þau hafa
sótt hafa verið öðrum til mikillar fyrirmyndar
með allri framkomu, hvort sem er í keppni
eða leik. Unglingalandsmótin eru klárlega
með stærri íþróttaviðburðum á Íslandi ár
hvert og eru nú orðin árlegur viðburður um
verslunarmannahelgina.
Unglingalandsmótið á Höfn
Unglingalandsmót verður nú haldið á Höfn
í annað skipti en þar var einnig haldið Ungl-
ingalandsmót árið 2007. Það mót var afar
glæsilegt og aðstaða sem keppendum var
boðið upp á var ljómandi góð.
Uppbygging íþróttamannvirkja hefur hins
vegar verið gríðarleg frá síðasta móti. Ný, stór-
glæsileg sundlaug hefur verið tekin í notkun
sem og stórt knattspyrnuhús. Bæði þessi
mannvirki eru í hjarta bæjarins og munu leika
stórt hlutverk á mótinu.
Dagskrá mótsins
Unglingalandsmótið hefst á föstudegi fyrir
verslunarmannahelgina. Keppni hefst í mörg-
um greinum á föstudagsmorgni og er keppt
frá morgni til kvölds alla mótsdagana. Íþrótta-
keppninni lýkur seinni hluta sunnudags. Móts-
setning er á föstudagskvöldið og mótsslit á
sunnudagskvöld. Fjölbreytt og metnaðarfull
afþreyingardagskrá fyrir alla fjölskylduna
verður alla helgina.
Sjálfboðaliðar
Mikill fjöldi sjálfboðaliða kemur að undir-
búningi og framkvæmd mótsins. Áætlaður
fjöldi þeirra er um 450 talsins.
Keppendur
Allir á aldrinum 11–18 ára geta tekið þátt í
Unglingalandsmótinu. Keppendur greiða eitt
mótsgjald sem er kr. 6.000.- og fá með því
16. Unglingalandsmót UMFÍ á Höfn í Hornafirði:
Fyrsta Unglingalandsmót UMFÍ var
haldið á Dalvík 1992. Unglingalands-
mótin hafa svo sannarlega sannað
gildi sitt sem glæsilegar fjölskyldu- og
íþróttahátíðir þar sem saman koma
þúsundir barna og unglinga ásamt
fjölskyldum sínum og taka þátt í fjöl-
breyttri dagskrá.
Unglingalandsmót haldið í annað sinn á Höfn
heimild til að keppa í einni eða öllum keppnis-
greinum mótsins. Keppendur á síðasta móti,
sem var haldið á Selfossi, voru um 2.000
talsins og mótsgestir um 15.000.
Keppnisgreinar
Keppnisgreinarnar eru: Fimleikar, frjáls-
íþróttir, glíma, golf, hestaíþróttir, íþróttir fatl-
aðra, knattspyrna, körfuknattleikur, móto-
kross, skák, starfsíþróttir, strandblak og sund.
Keppnissvæði
Öll keppnissvæðin eru á Höfn eða í allra
næsta nágrenni. Aðalkeppnissvæðið er í
hjarta bæjarins en þar er frjálsíþróttavöllur,
knattspyrnuvellir, íþróttahús og sundlaug.
Tjaldsvæði
Verið er að útbúa tjaldsvæði í útjaðri bæjar-
ins. Tjaldsvæðið verður vel útbúið með renn-
andi vatni og snyrtingum samkvæmt reglu-
gerðum og eins hafa allir gestir aðgang að
rafmagni.