Skinfaxi - 01.06.2013, Blaðsíða 20

20 SKINFAXI – tímarit Ungmennafélags Íslands
„Mér finnst það meiriháttar að fá að halda
Unglingalandsmót UMFÍ í annað sinn. Það
var gaman og mikil reynsla að halda þetta
mót árið 2007 hér í bænum og gerði það
að verkum að íþróttamálin og bygging
íþróttamannvirkja komu fyrir alvöru
almennilega á dagskrá. Eftir það hefur
orðið enn meiri uppbygging íþróttamann-
virkja svo það er virkilega gaman að halda
mótið í ár. Það var mikil lyftistöng fyrir
okkur að halda mótið 2007. Ég held að
bæjarbúar hafi haft mikla ánægju af því
og það skiptir miklu máli. Við fengum um
leið tækifæri til að sýna svæðið og fá fjöld-
ann allan af gestum sem vonandi eiga
eftir að njóta þess hve bærinn okkar er
fallegur,“ sagði Hjalti Þór Vignisson, bæjar-
stjóri Sveitarfélagsins Hornafjarðar, í sam-
tali við Skinfaxa.
Eins og kom hér fram að framan fór
Unglingalandsmót UMFÍ fram á Horna-
firði 2007. Fyrir mótið átti sér stað mikil
uppbygging sem síðar hélt áfram og má
segja að aðstæður allar til íþróttaiðkana
séu mjög fullkomnar. Mótið á Hornafirði
2007 þótti takast afar vel og var fram-
kvæmdaaðilum til sóma.
Hjalti sagði að fyrir mótið 2007 hefði
verið byggð mótokrossbraut og íþrótta-
og frjálsíþróttaleikvangur og þá var til-
búin á teikniborðinu ný sundlaug sem ætl-
unin var að taka í notkun fyrir Unglinga-
landsmótið en það tókst ekki.
Sundlaugin risin
„Sundlaugin er nú risin, flott og mikið
mannvirki. Fyrirtækið Skinney-Þinganes
tilkynnti á sínum tíma að það ætlaði sér
að taka þátt í uppbyggingu á knattspyrnu-
húsi og leggja til þess um 60 milljónir í til-
efni af 60 ára afmæli fyrirtækisins. Síðan,
vegna ýmissar þróunar, bæði vegna
gengisbreytinga og hrunsins, þá hækkaði
kostnaður við byggingu mannvirkisins
gríðarlega mikið. Þá vorum við lengi að
veltast með skipulagsmálin, hvar húsið
ætti að rísa og hvernig það ætti að líta út.
Í stuttu máli sagt þróuðust málin þannig
að sveitarfélagið leggur hálfan gervigras-
völl, 50x70 metra. Fyrir síðustu áramót
byggir Skinney-Þinganes yfir þennan
gervigrasvöll og gefur samfélaginu og
sveitarfélaginu þetta hús sem við köllum
Báruna sem var frábær viðbót við þá upp-
byggingu sem hafði átt sér stað í sveitar-
félaginu. Eftir það höfum við gert ýmis-
legt og núna ætlum við að setja upp
strandblakvelli, bæta mótokrossaðstöð-
una og byggja upp reiðhöll með hesta-
mönnum. Einnig höfum við verið að vinna
með skotfélaginu við að setja upp skotvöll
en um fram allt höfum við lagt áherslu á
fjölbreytnina. Við ætlum síðan að átta okk-
ur á því hvernig uppbygging á íþrótta-
mannvirkjum verði til næstu tíu ára. Við
erum í þeim efnum að horfa til nýs íþrótta-
salar og þá jafnvel með tengingu á milli
núverandi íþróttasalar og sundlaugar. Þá
hugsanlega með líkamsræktaraðstöðu í
huga, þannig að við erum hvergi hætt,“
sagði Hjalti Þór.
Mikill íþróttaáhugi
Hjalti Þór sagði íþróttaáhuga alltaf hafa
verið mikinn í bænum og íþróttaiðkun
almennt mikla. Alltaf hefur verið lögð
áhersla á fjölbreytni, almenna þátttöku
og að hafa í boði eitthvað fyrir alla. Ung-
mennafélagið Sindri stendur sig vel í starfi
sínu en þar er ötult fólk sem leggur á sig
ómælda vinnu í mörgum deildum. Ung-
mennasambandið Úlfljótur er sömuleiðis
öflugt og undirdeildir þess.
Sígandi lukka er best
„Það er metnaður af hálfu sveitarfélags-
ins til þess að íþrótta- og æskulýðsmálin
séu í góðu lagi. Það skiptir miklu máli, þeg-
ar fólk er að velja sér búsetu, að aðstaða
íþróttaiðkunar, íþróttastarf, almennt tóm-
stundastarf fyrir börn og unglinga og
skóla- og atvinnumál séu vel stödd að
grunni til. Við þurfum einnig að bjóða
upp á menningar- og tómstundastarf fyrir
fullorðna og þetta erum við alltaf að gera
í sæmilega góðu jafnvægi. Þetta þarf að
taka skref fyrir skref og mottóið okkar hin
síðustu ár hefur verið að sígandi lukka sé
best í öllum málum. Horfa fram á veginn
og byggja okkur upp, taka eitt skref í einu,
og okkur hefur miðað að minnsta kosti
ágætlega hvað íþróttamálin varðar. Svo
okkur líði ennþá betur þarf að vera snyrti-
legt og fallegt í kringum okkur,“ sagði
Hjalti Þór.
Hlökkum bara til
– Það er að heyra á þér að það sé bara
tilhlökkun hjá ykkur að takast á við Ungl-
ingalandsmótið?
„Jú, það er mikið rétt. Mér finnst undir-
búningurinn hafa gengið vel í góðri sam-
vinnu við starfsfólk UMFÍ. Allur undirbún-
ingur er á áætlun og við kvíðum engu og
hlökkum bara til. Þetta er stór viðburður
og þeir verða ekki öllu stærri hér,“ sagði
Hjalti Þór Vignisson, bæjarstjóri Sveitar-
félagsins Hornafjarðar, í samtali við Skinfaxa.
16. Unglingalandsmót UMFÍ á Höfn í Hornafirði:
Hjalti Þór Vignis-
son, bæjarstjóri
Sveitarfélagsins
Hornafjarðar.
MEIRIHÁTTAR AÐ HALDA
UNGLINGALANDSMÓT Í ANNAÐ SINN
Hjalti Þór Vignisson, bæjarstjóri Sveitarfélagsins Hornafjarðar: