Skinfaxi - 01.06.2013, Side 31

SKINFAXI – tímarit Ungmennafélags Íslands 31
Virk lýðræðisþátttaka ungmenna snýst
um meira en árlegan fund með bæjar-
stjórn fyrir framan myndavélar. Hún snýst
um samræður og samskipti alla daga árs-
ins. Stjórnvöld verða að hafa ungmenni í
huga og með í ráðum þegar þau fjalla um
tillögur er þau varða og gæta þess að ung-
menni séu í stöðu til að hafa áhrif á þau
málefni er þau snerta.
Í þessu sambandi minnir ráðstefnan sér-
staklega á 12. grein Barnasáttmála Sam-
einuðu þjóðanna um rétt barna og ung-
menna til að láta skoðanir sínar í ljós og
hafa áhrif á öll mál er þau varða og að
tekið sé réttmætt tillit til þeirra í samræmi
við aldur og þroska. Sérstaklega sé höfð í
huga 4. grein sáttmálans sem fjallar um
ábyrgð ríkis og sveitarfélaga á að tryggja
þau réttindi sem Barnasáttmáli Sameinuðu
þjóðanna kveður á um. Ráðstefnan bend-
ir einnig á 17. grein, um aðgang að upp-
lýsingum sem stuðli að alhliða þroska.
Þátttaka í lýðræði og samfélaginu krefst
þjálfunar. Enginn einstaklingur stekkur
fullmótaður fram á sjónarsviðið. Ráðstefn-
an hvetur því öll sveitarfélög landsins til
að koma á fót ungmennaráðum. Ráðin
hafi sömu stöðu og aðrar nefndir sveitar-
félaga, til dæmis hvað varðar vald yfir
fjármagni. Ráðin séu sýnileg og framboð í
þau opin hverju því ungmenni sem áhuga
hefur. Ráðstefnan fagnar því að stjórnvöld
hafi brugðist jákvætt við áskorun hennar
frá því í fyrra og fullgilt Barnasáttmála
Sameinuðu þjóðanna. Að sama skapi er
mikilægi þess að fullgildingin fái þá um-
ræðu sem hún verðskuldar ítrekað og að
stjórnvöld virði þá skuldbindingu sem felst
í Barnasáttmála Sameinuðu þjóðanna.
Ráðstefnan þakkar Ungmennafélagi
Íslands fyrir að standa fyrir ráðstefnu á
borð við Ungt fólk og lýðræði. Hún gefur
ungu fólki færi á að mynda tengsl, ræða
viðhorf sín, koma þeim á framfæri og sanna
fyrir því að það geti haft áhrif. Hvatt er til
þess að ráðstefna sem þessi verði haldin
á hverju ári og megi aðrir taka UMFÍ sér til
fyrirmyndar.