Skinfaxi - 01.06.2013, Page 45

SKINFAXI – tímarit Ungmennafélags Íslands 45
Sambandsþing Ungmenna- og íþróttasambands Austurlands:
Stefnan að gera meira en við höfum gert áður
63. Sambandsþing Ungmenna- og
íþróttasambands Austurlands, UÍA,
var haldið í Egilsbúð í Neskaupstað
14. apríl sl. Á þinginu voru gerð upp
helstu verk síðasta árs og stefnan
mótuð fyrir það næsta. Stefán
Skafti Steinólfsson, stjórnarmaður í
UMFÍ, sat þingið og flutti ávarp.
Tveir einstaklingar voru sæmdir
gullmerki UMFÍ fyrir góð störf inn-
an UÍA og ungmennafélagshreyf-
ingarinnar. Þetta eru þeir Stefán
Þorleifsson, 97 ára, og Jóhann
Tryggvason sem var jafnframt
þingforseti.
Gunnar Gunnarsson var endur-
kjörinn formaður UÍA en tvær breyt-
ingar urðu á stjórninni. Sigrún Helga
Snæbjörnsdóttir og Vilborg Stefánsdóttir
gengu úr stjórn og í þeirra stað koma ný
inn Guðrún Sólveig Sigurðardóttir og
Sóley Dögg Birgisdóttir.
Stefán Þorleifsson og Jóhann Tryggvason voru sæmdir
gullmerki UMFÍ á þingi UÍA á Neskaupstað. Á milli
þeirra er Stefán Skafti Steinólfsson, stjórnarmaður í
UMFÍ.
„Við erum ánægð með starfið
innan UÍA og reksturinn var mjög
góður á síðasta ári. Við erum að
undirbúa okkur fyrir starfsemi
sumarsins enda í mörg horn að
líta í þeim efnum. Það gengur vel
hjá okkur og nú er stefnan að gera
meira en við höfum gert áður,“
sagði Gunnar Gunnarsson, for-
maður UÍA.
Þorbjörg Ólöf Jónsdóttir, blak-
kona úr Þrótti, er íþróttamaður
UÍA árið 2012. Þorbjörg Ólöf var
kjölfestan í ungu Þróttarliði sem
á árinu varð í öðru sæti í bæði
Íslandsmóti og bikar þrátt fyrir að
hafa misst nær allt byrjunarliðið
í upphafi keppnistímabils. Hún var valin í
íslenska landsúrtakið og frelsingi ársins í
Mikasa-deild kvenna. Auk þess að keppa
í íþróttinni hefur Þorbjörg gegnt ýmsum
störfum fyrir bæði Blaksambandið og
blakdeild Þróttar.
Mannvit hf. I Grensásvegi 1 I 108 Reykjavík I s: 422 3000 I www.mannvit.is
Mannvit leggur áherslu á trausta og faglega
ráðgjöf sem byggir á áratuga reynslu og þekkingu.
Mannvit vinnur náið með iðnfyrirtækjum,
sveitarfélögum, verktökum, tæknifyrirtækjum,
fj árfestum, sjávarútvegs-, nýsköpunar- og
orkufyrirtækjum.
Mannvit er með yfi r 400 starfsmenn sem sinna
fj ölbreyttum og krefj andi verkefnum hér á landi
og erlendis. Markmið Mannvits er velferð á grunni
þekkingar og vísinda en viðhorfum til verkefna
og viðskiptavina verður best lýst með gildum
fyrirtækisins: Traust, víðsýni, þekking og gleði.
Traust, Víðsýni, Þekking og Gleði