Skinfaxi - 01.03.2014, Page 8

8 SKINFAXI – tímarit Ungmennafélags Íslands
L
eikdeild Umf. Skallagríms í Borgar-
nesi frumsýndi söng- og gamanleik-
inn Stöngin inn í félagsheimilinu
Lyngbrekku 14. mars sl. Stöngin inn er
bráðskemmtilegt nýtt verk eftir Guðmund
Ólafsson leikara. Stöngin inn var frumsýnd
í fyrsta sinn fyrir ári hjá sameiginlegu leik-
félagi Ólafsfjarðar og Siglufjarðar. Hlaut
verkið þá verðlaun sem athyglisverðasta
leiksýning áhugaleikfélaganna og var í
kjölfarið sýnd í Þjóðleikhúsinu.
Vísar í forngrískan gamanleik
„Leikritið vísar í forngríska gamanleikinn
Lýsiströtu þar sem konurnar reyna að fá
karlana til að láta af stríðsrekstri með því
að setja þá í kynlífsbann en hér eru það
konurnar í litlu bæjarfélagi sem freista
þess að fá karlana til að sýna sér meiri
athygli, og hætta að horfa á fótbolta í
tíma og ótíma, með kynsvelti. Hugmynd-
in virkar þrælvel og er vel heppnað og
gamansamt innlegg í umræðuna um
samskipti kynjanna.“ (Úr umsögn dóm-
nefndar um verkið.)
Sextán leikarar
Leikarar á sviðinu eru sextán talsins. Þar
af eru átta nýliðar í leikdeild Umf. Skalla-
gríms en alls koma yfir þrjátíu manns að
sýningunni með einum eða öðrum hætti.
Samlestur hófst í byrjun desember. Falleg
Leiklistarstarf
Söng- og gamanleikinn Stöngin inn
sýndur í Lyngbrekku
og fjörug Abbalög leika stórt hlutverk og
var leikhópurinn við stífar söngæfingar
hjá Theodóru Þorsteinsdóttur í Tónlistar-
skóla Borgarfjarðar í janúar. Í febrúar tóku
við sviðsæfingar í Lyngbrekku undir leik-
stjórn Rúnars Guðbrandssonar leikstjóra
sem hlotið hefur frábæra dóma fyrir leik-
sýningar sem hann hefur stýrt á undan-
förnum árum. Birna Hafstein stýrir dans-
atriðum. Þriggja manna hljómsveit leikur
með á sýningum undir stjórn Steinunnar
Pálsdóttur.