Morgunblaðið - 20.11.2012, Blaðsíða 10
10 DAGLEGT LÍFÚtivist og hreyfing
MORGUNBLAÐIÐ ÞRIÐJUDAGUR 20. NÓVEMBER 2012
María Ólafsdóttir
maria@mbl.is
Trausti Valdimarsson erlæknir að mennt, fæddurárið 1957. Hann hefurstundað reglulega líkams-
rækt frá 20 ára aldri og ferðast á
reiðhjóli til vinnu sinnar í dag.
Trausti hætti að reykja 1986 en
hann segist hafa lært þann ósið í
sveit 13 ára gamall þegar enn þótti
„smart“ að reykja. Hann fór sitt
fyrsta hálfmaraþon 1987 og fyrsta
maraþon árið 1990 en keppnishlaup
hans í maraþoni skipta tugum. Árið
2006 hóf Trausti sundæfingar í kjöl-
far meiðsla og hóf í framhaldi af því
keppni í þríþraut. Hann hefur fimm
sinnum lokið keppni í Járnkarli sem
er lengsta keppnisvegalengdin í þrí-
þraut.
Æfir í hópi þríþrautarfólks
„Síðan ég hætti að reykja í
kringum þrítugt hef ég smám sam-
an aukið við hreyfinguna og sér-
staklega nú síðastliðin ár þegar
börnin eru flogin úr hreiðrinu og
maður hefur meiri tíma fyrir sjálfan
sig. Ég hjóla yfirleitt allt sem ég fer
innanbæjar þá daga sem ég vinn í
Reykjavík en þrjá daga vikunnar
vinn ég á Akranesi og það er jú
bannað að hjóla í göngunum. Ég bý
í smáíbúðahverfinu og hjóla niður í
Domus Medica sem er frekar stutt
og fljótlegra að fara á hjóli en bíl í
morgunumferðinni. Yfirleitt er ekki
lengra en 10 km á milli staða innan-
bæjar á hjóli í Reykjavík. Það er
alltaf gott að hjóla og á veturna er
þetta bara spurning um að vera á
rétt útbúnu hjóli með nagladekk og í
góðum fötum, gulum jakka yfir og
með góð ljós. Fyrir utan daglegar
ferðir hjólum við oft á Þingvelli eða
Hvalfjörðinn á æfingum fyrir Járn-
karlinn. Ég æfi reglulega í stórum
hópi með Þríþrautardeild Ægis.
Einnig hef ég farið tvisvar sinnum
til Mallorca í hreyfingarferð og
hjólað þá daglega um alla eyjuna.
Ég reyni að stunda einhverja
hreyfingu á hverjum degi og þegar
ég æfi hvað mest þá hjóla ég, hleyp
og syndi til skiptis. Þegar rólegra
er að gera hjá mér næ ég að hreyfa
mig allt upp í 20 tíma á viku. Það er
ekki bara gott fyrir líkamann að
hreyfa sig heldur er sérstaklega
gott fyrir heilann að prófa nýja
hreyfingu og flóknari. Hreyfing
getur jafnvel seinkað elliglöpum,“
segir Trausti.
Spila misvel úr genunum
Trausti hélt nýverið fyrirlestur
um gildi líkamsræktar út frá eigin
reynslu þar sem hann kom meðal
annars inn á hvaða áhrif öldrun
hefði á heilsu okkar. Trausti segir
genin hafa sín áhrif en um leið skipti
máli hvernig fólki spili úr genunum
sem það fær úthlutuð.
„Við eldumst auðvitað mishratt
og sumir eru óheppnir og fá ekki
eins góð gen. Það er viss áhætta
bundin í genunum og fólk með lak-
ari gen er gjarnara á að fá ýmsa-
sjúkdóma eins og t.d. kransæða-
sjúkdóma. En svo er misjafnt
hvernig við spilum úr því sem við
fáum. Ef við tökum hlaup sem dæmi
þá getur fólk ekki orðið afreksfólk í
slíku nema það sé svo heppið að fá
Hættu að gera það,
hættu að geta það!
Trausti Valdimarsson læknir hjólar til vinnu sinnar í Reykjavík og æfir þar að auki
þríþraut en hann hefur lokið Járnkarlinum fimm sinnum. Trausti segir aldrei of
seint að byrja að hreyfa sig en genin hafi líka sitt að segja og mikilvægt sé að spila
rétt úr því sem fólk fái. Trausti segir stjórnvöld geta haft sín áhrif og þannig sé t.d.
mikilvægt að eldri borgarar fái frítt í sund, slíkt geti létt á heilbrigðiskerfinu.
Í Húsdýragarðinum Trausti með Ólaf Trausta, hér eins árs, á bakinu.
Þegar kemur að heilsunni skiptir
miklu máli hvað við látum ofan í okk-
ur. Sumum finnst það kannski hljóma
leiðinlega að borða ýmiss konar holl-
ustu- og léttari rétti en svo þarf alls
ekki að vera. Mestu skiptir að matur-
inn líti vel út og gleðji augað um leið
og magann. Á pinterestsíðunni
www.pinterest.com/indigonat/
yummy-healthy-food, má finna ýmis
konar hugmyndir að léttum og góð-
um mat sem hægt er að fá sér fyrir
eða eftir góða æfingu. Á síðunni má
t.d. finna tandorilax, zucchinibuff
með bragðmikilli tzatzikisósu og
skemmtilega lagað ávaxtasalat þar
sem ávextir eru skornir út með köku-
mótum til að breyta svolítið til. Það
er um að gera að skoða litríkar síður
sem þessar með skemmtilegum hug-
myndum að góðum mat.
Vefsíðan pinterest.com/indigonat/yummy-healthy-food/
Ljósmynd/Norden.org
Matargerð Mestu skiptir að vera með ferskt og gott hráefni í höndum.
Bragðgóð og falleg matargerð
Langhlauparadeildin stendur fyrir hlaupa-
syrpu í vetur og fer næsta hlaup fram
laugardaginn 24. nóvember næstkomandi.
Hlaupið hefst við líkamsræktarstöðina
Bjarg kl. 11:00 og þaðan er hlaupinn 10 km
hringur. Hlaupið er upp Austursíðu inn á
malarveg sem liggur að Vestursíðu, niður
Vestursíðu, eftir göngustíg í gegnum
Giljahverfi, Hlíðarbraut, Skógarlundur,
Mýrarvegur, Hringteigur, Mímisbraut,
Mýrarvegur, Skógarlundur, Hlíðarbraut,
Austursíða, Bugðusíða að Bjargi.
Þátttökugjald er 500 krónur en frítt
fyrir börn og unglinga sem æfa frjálsar
íþróttir hjá UFA. Skráning er á staðnum
frá kl. 10:30 á hlaupadag og er keppt bæði
í stiga- og liðakeppni en allar nánari upp-
lýsingar má nálgast á www.hlaup.is.
Endilega …
… hlaupið langhlaup á Akureyri
Hlaup Sprækir garpar spretta úr
spori á Akureyri næstu helgi.
Æfingabúðir verða haldnar fyrir
áhugafólk um skíðagöngu næst-
komandi helgi, 22.-25. nóvember.
Eru búðirnar haldnar í samstarfi við
Skíðafélag Ísfirðinga, Ísafjarðarbæ
og Hótel Ísafjörð en þjálfari er
Daníel Jakobsson og um áburðar-
kennslu sér Kristbjörn R. Sig-
urjónsson. Gefst hér gott tækifæri
til að æfa gönguskíðatæknina og
koma sér í rétta gírinn fyrir vetur-
inn. Kennsla hefst á fimmtudegi en
sá dagur er tileinkaður tækniæf-
ingum og daginn eftir halda æfing-
ar áfram en einnig er jóga á dag-
skránni. Á laugardeginum hefst
dagurinn með æfingu fram að há-
degishléi en eftir það verður áburð-
arkennsla í Gönguhúsi. Eftir seinni-
partsæfingu verður síðan sameigin-
legur kvöldmatur og loks æfing á
sunnudagsmorgni áður en göngu-
skíðagarpar halda heim.
Nánari upplýsingar má nálgast á
vefsíðu Skíðagöngufélagsins Ullar
ullur.wordpress.com.
Æfingabúðir í skíðagöngu
Tækniæfingar, áburðarkennsla
og jóga á dagskránni
Ísafjörður Það er ekki amalegt að geta farið um á gönguskíðum í svona færð.
Skannaðu kóðann
til að fara inn á
vefsíðuna.