Morgunblaðið - 20.11.2012, Blaðsíða 12

12 FRÉTTIRInnlent
MORGUNBLAÐIÐ ÞRIÐJUDAGUR 20. NÓVEMBER 2012
Viðar Guðjónsson
vidar@mbl.is
Kate Hoey fer fyrir armi breska
Verkamannaflokksins sem vill ganga
úr Evrópusambandinu. Nýleg könn-
un í Observer sýnir að meirihluti
kjósenda Verkamannaflokksins vill
ganga úr sambandinu en slíkar skoð-
anir eru enn í miklum minnihluta
meðal þingmanna flokksins. Lengi
hefur verið meirihluti fyrir því að
ganga úr ESB meðal Breta.
Hoey hélt í gær fyrirlestur á veit-
ingastaðnum Rúbín um vaxandi and-
stöðu Breta við ESB og þær „hætt-
ur“ sem hún segir stafa af inngöngu.
„Hlutverk fyrirlestrarins er ekki að
segja Íslendingum hvað þeir ættu að
gera, en svo kann að vera að ástæður
þess að andstaða hefur vaxið í Bret-
landi komi Íslendingum við,“ segir
Hoey.
„Þær þjóðir sem ganga þar inn eru
í raun að segja skilið við sjálfstæði
sitt,“ segir Hoey.
Vanmáttugir Bretar
Hún er á vagni þeirra sem vilja yf-
irgefa sambandið og segir hún and-
stöðuna við það vera að mestu leyti
tengda því lýðræðislega ferli sem
fram fer innan sambandsins. Þá sýn
hafi hún fengið þegar hún varð ráð-
herra innanríkismála í Bretlandi árin
1998-1999 og dvaldi oft og tíðum í
Brussel. Hún segir að innan ESB
einkennist pólitíkin af hrossakaupum
á bak við tjöldin. „Í þá daga gátum
við (Bretar) ennþá haft áhrif í Evr-
ópusambandinu. Sambandið hefur
síðan þá þróast meira í átt að sam-
bandsríki í stað þess að vera banda-
lag um innri markað. Lýðræðið hefur
fengið að gjalda þess,“ segir Hoey.
Hún segir að Bretar telji sig van-
máttuga með sína 67 fulltrúa á Evr-
ópuþinginu en á því sitja 754 fulltrú-
ar allra þjóða. Í flestum málum
ræður einfaldur meirihluti. Hún tel-
ur líklegt að Íslendingar fengju einn
fulltrúa þar. „Evrópusinnar segja að
það sé mikilvægt að taka þátt í lýð-
ræðisferlinu sem þar er. Raunveru-
leikinn er hins vegar sá að þú hefur
nánast engin áhrif. Að segja annað er
óskhyggja,“ segir Hoey.
Getur skilið umsókn Íslands
Hún varar Íslendinga við því að
láta af stjórn á sínum fiskimiðum.
„Ef ég væri íslenskur sjómaður þá
myndi ég ekki taka neinum samningi
sem væri í boði. Því þú vilt ekki láta
stjórn á svo mikilvægri auðlind í
hendur skrifræðisbákns sem ekki
hefur skilning á sérþörfum landsins,“
segir Hoey.
„Ég get skilið af hverju Íslend-
ingar sóttu um aðild,“ segir hún og
vísar þar til efnahagsástandsins sem
ríkti eftir hrun hér á landi. „En ég
get ekki skilið af hverju Íslendingar
eru enn í aðildarviðræðum þar sem
svo margt hefur breyst í Evrópu síð-
an Ísland sótti um,“ segir hún. „Ís-
lendingar geta gert samninga við
þau lönd sem þeir vilja, flutt vörur
þangað sem þeir vilja. Hví skyldi
þjóð með alla þessa möguleika, mið-
að við landfræðilega legu, vilja ganga
í Evrópusambandið?“ spyr Kate Ho-
ey.
Morgunblaðið/Eva Björk
Kate Hoey Andstaða við Evrópusambandið hefur vaxið meðal Breta. Nú er svo komið að meirihluti kjósenda
Verkamannaflokksins vill ganga úr ESB. Skoðanakannanir benda til þess að mikill meirihluti sé fyrir útgöngu.
Telur Breta lítil áhrif
hafa innan ESB
 Segir pólitík innan ESB einkennast af hrossakaupum
Héraðsdómur Reykjavíkur dæmdi í
gær 42 ára gamlan karlmann, Aron
Karlsson, í tveggja ára fangelsi fyr-
ir stórfelld fjársvik.
Aron var sakfelldur fyrir að hafa
sem stjórnarmaður félagsins
Vindasúlna ehf. blekkt Arion
banka, Glitni og Íslandsbanka til að
létta veðum af húsi við Skúlagötu í
Reykjavík í desember 2009. Í kjöl-
farið seldu Vindasúlur kínverska
sendiráðinu húsið.
Aron var einnig dæmdur til að
greiða bönkunum þremur samtals
rúmar 160 milljónir króna í skaða-
bætur. Þá lagði dómurinn hald á
tæpar 97 millljónir króna, sem voru
inni á bankareikningi félags Arons.
Í niðurstöðu dómsins segir, að við
ákvörðun refsingar sé litið til þess
að Aron hafði einbeittan ásetning
til verksins og brotið hafi verið
þaulskipulagt.
Áfrýjar
Aron sendi í gær frá sér yfirlýs-
ingu og segir þar að dómnum verði
áfrýjað enda hafi hann ekkert gert
rangt. Dómur héraðsdóms sé hon-
um mikil vonbrigði og niðurstaðan
byggð á röngum forsendum. „Mér
finnst í þessu tilfelli að bankakerfið
hafi fengið að njóta vafans í málinu
en ég ekki,“ segir í yfirlýsingunni.
Tveggja ára fang-
elsi fyrir fjársvik
Náttúrustofa Suðurlands og Sæ-
heimar í Eyjum voru með ljósgildru
til fiðrildaveiða í Stórhöfða í sumar
líkt og tvö síðustu sumur. Alls náð-
ust 309 fiðrildi og var grasvefari al-
gengastur, en einnig voru grasygla,
brandygla, Scrobipalpa samad-
ensis, hrossygla og jarðygla al-
gengar. Gildran var tæmd vikulega
frá frá 23. apríl til 5. nóvember.
Einnig veiddust dumbygla, sand-
ygla, flikruvefari, hringygla, gul-
ygla, dílamölur, túnfeti, garðygla
og gráygla, segir á heimasíðu Nátt-
úrustofu Suðurlands. Garðygla og
gráygla höfðu ekki komið í Stór-
höfðagildruna áður, en nú vantaði
fjórar tegundir sem annaðhvort
veiddust 2010 (gammaygla, Bryot-
ropha similis og kálmölur) eða 2011
(tígulvefari).
Grasvefari algeng-
astur í Stórhöfða
Ingvar P. Guðbjörnsson
ipg@mbl.is
„Það virðist einhver einn einstak-
lingur vera að ganga mjög ákveðið
fram og lengra en rétt er að gera við
þessar aðstæður,“ sagði Elsa B.
Friðfinnsdóttir, formaður Félags ís-
lenskra hjúkrunarfræðinga [FÍH],
um bréf sem gengur á milli hjúkr-
unarfræðinga þessa dagana þar sem
þeir eru hvattir til að segja upp
störfum hjá Landspítala - háskóla-
sjúkrahúsi [LSH] vegna óánægju
með að nýr stofnanasamningur sé
ekki klár. Elsa segir bréfið félaginu
algerlega ótengt og að unnið sé fag-
lega að málum hjá FÍH. Að fundað
hafi verið með fjármálaráðherra í
síðustu viku og að í þessari viku
standi til að hitta þrjá þingflokka og
auk þess velferðarráðherra í þeim
tilgangi að afla fjár til spítalans
vegna nýs stofnanasamnings.
„Það strandar á því að það er ekki
til fé innan spítalans til að klára
þennan hluta kjarasamningsins sem
við undirrituðum í fyrra,“ segir Elsa
og á við umrætt bréf og bætir við:
„Svona lagað getur spillt fyrir því
sem félagið er að gera. Við erum auð-
vitað bundin friðarskyldu og við er-
um með gilda kjarasamninga.“
Björn Zoëga, forstjóri LSH, sagð-
ist ekki vita af bréfinu en sagðist vita
af af ákveðinni undiröldu. Hann
sagði ekki meiri uppsagnir í gangi en
venjulega og að í gildi sé stofnana-
samningur og að LSH hafi reynt að
koma á nýjum samningi, en krafa sé
uppi um kjarabætur í honum. Hann
segir LSH ekki hafa fjármagn frá
ríkinu til þess. Hann segir samninga
við FÍH hafa gengið vel þar til í
haust. „Þá hleypur í þetta mikill
kjarabaráttuandi og þá varð þetta
erfiðara, en það er samt verið að
vinna í þessu,“ segir Björn.
Hvatt til uppsagna á LSH
 Hjúkrunarfræðingar hvattir til uppsagna vegna ókláraðs stofnanasamnings
 Ekki á ábyrgð félagsins, segir formaður  Forstjóri segir lítið um uppsagnir
Björn
Zoëga
Elsa B.
Friðfinnsdóttir
Kate Hoey er norðurírsk og hefur
verið á þingi fyrir breska Verka-
mannaflokkinn frá árinu 1989.
Hún sinnti innanríkisráðuneyt-
inu árin 1998-1999 og var íþrótta-
málaráðherra í ríkisstjórn Tonys
Blairs frá 1999-2001. Hún hefur
margsinnis farið gegn vilja flokks-
ins og setti sig m.a. gegn foryst-
unni þegar ráðist var inn í Írak árið
2003. Hún hefur verið andsnúin
veru Breta í Evrópusambandinu en
alla jafna er stuðningur við ESB
mikill innan Verkamannaflokksins
þó kjósendur hans séu á öðru máli
nú. Hún er mikill íþrótta-
áhugamaður og hefur m.a. starfað
fyrir Arsenal, Tottenham og
Chelsea sem menntafulltrúi. Þrátt
fyrir það studdi hún ekki að Ól-
ympíuleikarnir yrðu haldnir í Lond-
on árið 2012.
Andsnúin veru Breta í ESB
KATE HOEY HEFUR SETIÐ Á ÞINGI Í 23 ÁR
Orkuhúsinu / Suðurlandsbraut 34 / 108 Reykjavík / S. 517 3900 / www.flexor.is
Skór á alla
fjölskylduna
í Flexor
10.990
3.990
6.990
10.990
9.530
Stærðir 20–27
Stærð 36–41
Stærð 36–41
Stærðir 36–41
Stærðir 36–41