Morgunblaðið - 20.11.2012, Blaðsíða 21

saman. Í framhaldi af því þurfti ég
að leggjast inn á lungnadeild og
fjarstýra börnunum og koma þeim
í fóstur í einhverja daga meðan ég
væri að ná mér.
Eldri dóttir mín og tengdasonur
voru mín styrkasta stoð á meðan á
þessu stóð. Þau komu með mér
loks þegar niðurstöðurnar lágu fyr-
ir og við sátum eins og dauðadæmd
í einhverju örlitlu fundarherbergi á
Borgarspítalanum þegar ungur
læknir útskýrði hver staðan væri.
Lungnakrabbamein – og hann út-
skýrði í stórum dráttum hvers
kyns það væri. Hann var líka dálít-
ið miður sín og sagði að því miður
væri ekkert þarna okkur til sálu-
hjálpar sem hann gæti boðið okkur.
En hann vildi ekki láta okkur fara
fyrr en hann væri búinn að finna
krabbameinslækni handa mér og
honum tókst það.
Síðan tók við erfiður tími – lyfja-
gjöf og allt sem henni fylgdi. Ekki
má heldur gleyma angist sálarinnar
og kvíða fyrir því sem framundan
væri. Áhyggjur vegna unglinganna
minna, hvað yrði um þau ef illa
færi fyrir mér. Ég gekk eins vel
frá þeirra málum og ég gat með
samþykki þeirra og stóru systur
þeirra.
Þetta reyndi mjög á okkur öll.
Ég leitaði allra leiða til að létta af
okkur áhyggjum, hitti félagsráð-
gjafa, sálfræðing og fleiri fræðinga
auk læknisins míns. Þrátt fyrir það
þá sárvantaði mig að hitta ein-
hverja sem hefðu lent í svona og
lifað af. En svoleiðis fólk lá nú ekki
á lausu, þrátt fyrir að á annað
hundrað manns greindust með
lungnakrabbamein á ári.
Ég grúskaði líka á netinu en það
voru ekki miklar upplýsingar til á
íslensku og flestar sem voru til á
okkar ástkæra ylhýra voru dálítið
gamlar. Best reyndist mér danska
síðan www.cancer.dk. Þar voru góð-
ar og vel fram settar upplýsingar á
mannamáli.
Ári eftir að lyfjagjöfinni lauk fór
ég í lungnaskurð og nú eru liðin
átta ár frá þeirri aðgerð. Það var
ýmislegt sem ég notaði mér til
bjargráða meðan á þessu stóð,
sumt var hefðbundið annað óhefð-
bundið. Endurhæfing stóð mér ekki
beint til boða eftir þetta allt en ég
kríaði út dvöl á Heilsustofnun sem
gerði mér svo gott að ég og lækn-
irinn minn erum alveg sammála um
að þangað eigi ég að fara annað
hvert ár.
Ég hét sjálfri mér að ef ég hefði
þetta af þá myndi ég ekki skorast
undan að styðja aðra sem lentu í
svipuðum sporum. Fyrir tilviljun sá
ég auglýsingu þar sem námskeið
var í boði fyrir fólk sem vildi veita
jafningjastuðning og ég var svo
heppin að komast á það. Í fram-
haldi að því stofnuðum við nokkur
stuðningshóp fyrir fólk sem hefur
fengið lungnakrabbamein og að-
standendur þeirra og við hittumst
einu sinni í mánuði í Skógarhlíðinni.
Og enn hefur safnast í sarpinn.
Nú er komin heimasíða um lungna-
krabbamein,www.lungnakrabba-
mein.is á íslensku og ég efast ekki
um að hún muni koma mörgum að
notum.
22. nóvember verður haldin ör-
ráðstefna í Ráðgjafarþjónustu
Krabbameinsfélagsins, Skógarhlíð
8, í tengslum við alþjóðlegan ár-
veknidag gegn lungnakrabbameini.
Þorlákshöfn, 12.11.2012.
» Ári eftir að lyfja-
gjöfinni lauk fór
ég í lungnaskurð og
nú eru liðin átta ár
frá þeirri aðgerð.
Höfundur er í forsvari fyrir Stuðn-
ingshóp um lungnakrabbamein.
UMRÆÐAN 21
MORGUNBLAÐIÐ ÞRIÐJUDAGUR 20. NÓVEMBER 2012
Aukablað um bíla fylgir
Morgunblaðinu alla þriðjudaga
BMW X5 M SPORT
Ekki sætta þig við málamiðlanir þegar þú getur fengið það besta. BMW X5 M SPORT
fæst með með misaflmiklum vélum, 8 gíra sjálfskiptingu og veglegum búnaði.
Komdu við og skoðaðu það nýjasta frá BMW.
BMW M Sport xDrive
30d, 245 hestöfl – 7,4 l / 100 km* – 7,6 sek. í hundrað
40d, 306 hestöfl – 7,5 l / 100 km* – 6,6 sek. í hundrað
Verð frá: 13.790 þús.Tryggið ykkur nýjan BMW X5 á hagstæðu verði.
Breytingar verða á vörugjöldum 1. jan. nk.
ATHUGIÐ!
BL Sævarhöfða 2, sími 525 8000
E
N
N
E
M
M
/
S
ÍA
/
N
M
5
5
2
3
7
*Miðað við uppgefnar viðmiðunartölur framleiðanda um eldsneytisnotkun í blönduðum akstri.
Hrein
akstursgleði
BMW
www.bmw.is