Morgunblaðið - Sunnudagur - 09.12.2012, Blaðsíða 24

*Heimili og hönnunÍslenskir hönnuðir eru iðnir við að hanna jólaskraut sem eflaust prýðir mörg heimili fyrir jólin »26
B
örnin mín eru endalaus uppspretta hugmynda en þau
taka virkan þátt í að t.d. setja bjöllurnar í Náttugl-
urnar og fylla á þær. Þeim finnst þetta svo gaman,“
segir Silja Kristjánsdóttir, textílkennari og konan á
bak við merkið Náttuglur.
Undir merkjum Náttugla framleiðir Silja bæði mjúka
bangsa í tveimur stærðum auk spiladósa,
sem fallið hafa vel í kramið hjá börnum á
ýmsum aldri sem og foreldrum þeirra.
Nafnið komið frá dótturinni
Hugmyndina að Náttuglunum má upp-
haflega rekja til dóttur Silju, Sölku, sem
teiknaði eitt sinn fugl sem hún kallaði Nátt-
uglu og þær mæðgur þrykktu á nokkra boli
og bangsa. Þegar ófáar vinkonur Silju áttu
síðan von á börnum um svipað leyti fyrir
rúmu ári langaði Silju, sem þá var í námi til textílkennara, til
að gera meira með Náttuglurnar og úr urðu bangsarnir og
spiladósirnar. Og framleiðslan hefur undið upp á sig æ síðan.
Mikil natni er lögð í gerð hverrar og einnar fígúru en eng-
ar tvær eru eins. Við framleiðsluna notar Silja litrík og vönd-
uð efni sem henni áskotnast á hinum ýmsu stöðum. Hefur
hún m.a. notast við falleg efni úr flíkum á borð við skyrtur
og kjóla auk bútasaumsefna. Andlit hverrar og einnar
Náttuglu er handsaumað og þess sérstaklega gætt að
augun séu þar vel fest. Þá ber hver og einn bangsi kór-
ónu á höfði auk þess sem silkiborðar úr ýmsum litum
eru á þeim öllum, sem litlar hendur hafa gaman af
að handfjatla.
Býr Silja að áralangri reynslu
af því að starfa með börnum við
sköpunina en auk þess að sinna
draumastarfinu í Sjálandsskóla
þessa dagana, starfaði hún lengi
vel á leikskólum Hjallastefnunnar.
Náttugla á leið á suðurpólinn
Gaman er að geta þess að þessa dagana leggur ein
Náttuglan land undir fót en sú er í för með-
Vilborgu Örnu Gissurardóttur, vinkonu Silju, sem
gengur þar á suðurpólinn ein síns liðs. Þótti við
hæfi að nefna „vinkonu“ hennar Náttugluna til-
heyrandi nafni og kallast sú Pólíana, sem þykir
viðeigandi. Hægt er að nálgast Náttuglurnar á
fésbókarsíðu þeirra á vefnum auk þess sem þær
fást einnig í verslunum á borð við Ígló, Hrím
hönnunarhús og á fleiri stöðum.
Náttuglurnar eru vinalegar og mjúkar. Þær koma í tveimur stærðum og öllum regnbogans litum. Allar bera þær kórónur á höfði og litríka borða í hliðum sem litlar hendur hafa gaman af að handfjatla.
Arnaldur, 4 ára, og Náttuglur.
Spiladós í ullarskýi.
LEIKFÖNG FYRIR LITLU BÖRNIN
Einstakar náttuglur
NÁTTUGLUR ERU ÍSLENSK HÖNNUN OG HANDVERK FYRIR BÖRN. ENGAR TVÆR ERU EINS EN ALLAR
EIGA ÞÆR SAMEIGINLEGT AÐ BERA KÓRÓNUR Á HÖFÐI OG AÐ VERA FRAMLEIDDAR AF MIKILLI NATNI.
Gunnhildur Ásta Guðmundsdóttir gunnhildur@mbl.is
Náttuglan
er um-
hverfisvæn.Silja
Kristjánsdóttir