Morgunblaðið - Sunnudagur - 09.12.2012, Blaðsíða 37

x
~
OR
“
Notaðu
gæsalappir til að
afmarka orðasambönd
Ef þú ert að leita að ákveðnu nafni, eða
orðasambandi, þá er hægt að setja nafnið (eða
leitarstreng) í gæsalappir, og þá mun Google einungis
birta niðurstöður þar sem leitarstrengurinn birtist
orðrétt eins og hann er í gæsalöppunum. Þannig skilar
leitin: davíð oddsson niðurstöðum þar sem bæði nöfnin,
Davíð og Oddsson birtast á síðu, en leitin: „davíð oddsson“
myndi einungis skila þeim síðum þar sem þessi tvö nöfn
standa saman. Þetta getur einnig verið gagnlegt við
að finna tilvitnanir í sönglagatexta, bíómyndir eða
bókmenntaverk, svo dæmi séu nefnd. Það er
þó rétt að fara varlega í notkun gæsalappa,
því slík leit skilar mjög afmörkuðum
niðurstöðum.
Notaðu
Google til þess að
reikna eða umbreyta
magntölum eða einingum
Það er mjög einfalt að nota google sem reiknivél.
Ef þú slærð inn leitina: 2 x 3 færðu umsvifalaust
leitarniðurstöðuna 6. Það sama er hægt að gera við
hverja aðra stærðfræðiformúlu sem hægt er að leysa á
reiknivél. Þá getur Google einnig umbreytt magntölum og
mælieiningum fyrir rúmmál og massa, svo sem .oz í gr. eða
mílum í metra, svo eitthvað sé nefnt. Eins og oft áður
getur þetta nýst vel við bakstur þegar heimfæra þarf
uppskrift sem notast við breskar eða bandarískar
mælieiningar. Sem dæmi má nefna leitarstrenginn:
Pounds in kg sem skilar strax reiknivél sem
umbreytir öllum helstu mælieiningum.
Fáðu niðurstöður
fyrir svipuð hugtök
Stundum getur verið gagnlegt að fá
niðurstöður fyrir samheiti eða hugtök
sem tákna það sama. Það er hægt að nota
tildumerki (~) á undan orði til þess að kalla
fram niðurstöður fyrir samheiti. Sökum þess
að orðabanki Google á íslensku er fremur
takmarkaður, gagnast þessi aðferð nær
eingöngu þegar leitað er á ensku. Þannig
skilar leitarstrengurinn: ~food bæði
niðurstöðum fyrir food, cuisine,
nutrition og cooking.
Leitaðu að ólíkum
orðum eða möguleikum
fyrir sama hlut
Ef þú vilt fá tvær ólíkar niðurstöður úr leit, annað-
hvort A eða B, þá er hægt að nota skipunina OR
(takið eftir hástöfunum) til þess að fá ólíkar niðurstöður
saman. Segjum sem svo að þú viljir fræðast um ævisögur
um Halldór Laxness. Ef þú slærð inn leitarstrenginn: ævisaga
„halldór laxness“ „hannes hólmsteinn“ OR „halldór guðmundsson“
færðu allar niðurstöður þar sem orðið ævisaga og nafnið
Halldór Laxness koma fyrir saman með annaðhvort nafni
Hannesar Hólmsteinns eða Halldórs Guðmundssonar. Ef
ekki væri notast við OR í þessari leit, fengjust einungis
niðurstöður þar sem orðið kemur fyrir ásamt öllum
þremur nöfnunum á sömu síðu. Þetta getur líka
verið gagnlegt við að leita að uppskriftum, líkt
og leitarstrengurinn: uppskrift lamb OR
nautakjöt -svínakjöt.
9.12. 2012 MORGUNBLAÐIÐ SUNNUDAGUR 37
Finnski tölvuleikurinn Angry Birds hefur notið
mikilla vinsælda, en hina bústnu fugla má nú
sjá víðar en á tölvu- og snjallsímaskjám.
Í kjölfar mikilla vinsælda leiksins,
sem hefur verið hlaðið niður yfir 12
milljón sinnum af notendum snjallsíma,
hafa aðrar vörur sprottið upp í kring-
um hann.
Alþekkt er að bíómyndir séu
gerðar eftir bókum. Eftir bíó-
myndum verða svo
gjarnan til tölvu-
leikir. Í tilviki
Angry Birds
virðist ferlið
ganga í hina átt-
ina.
Leikurinn fór í
loftið 2009 og ekkert
lát virðist á vinsældum
hans, en hann er nú til
bæði fyrir snjallsíma frá
Apple og þá sem notast við
Android stýrikerfið.
Tölvuleikjaframleiðandinn Ro-
vio, sem gefur leikinn út, hefur nú fært
út kvíarnar svo um munar. Til að mynda hafa
komið út alls níu bækur tengdar tölvu-
leiknum. Ein þeirra hefur verið þýdd á ís-
lensku og kemur út nú fyrir jólin, en
hún ber nafnið Angry Birds Svíns-
legar eggjauppskriftir, og hefur
að geyma uppskriftir að rétt-
um sem innihalda egg.
Allt í anda leiksins að
sjálfsögðu.
Teiknimynda-
serían Angry
Birds er í bí-
gerð, en fyrir
jólin í fyrra
kom út sér-
stakur jóla-
þáttur af
Angry Birds
sem átti að
gefa tóninn
fyrir frekari
teiknimynda-
gerð. Þá er áætl-
að að kvikmynd
byggð á tölvu-
leiknum komi út árið
2015.
TÖLVULEIKURINN ANGRY BIRDS FÆRIR ÚT KVÍARNAR
Fyrst tölvuleikur – svo bók – svo bíómynd
Opnunartímar:
Smáralind
Virka daga 11-19 | Fimmtudaga 11 - 21 | Laugardaga 11 - 18
Sunnudaga 13 - 18 | Sími 512 1330
Laugavegi 182
Virka daga 10-18 | Laugardaga 11 - 16 | Sími 512 1300
Tvöfalt hraðari
og
ótrúlega skarpur
iPad 4
með Retina skjá