Morgunblaðið - Sunnudagur - 09.12.2012, Blaðsíða 53

9.12. 2012 MORGUNBLAÐIÐ SUNNUDAGUR 53
Viðar Gunnarsson bassa-
söngvari syngur einsöng á
árlegum aðventutónleikum
Karlakórs Reykjavíkur í
Hallgrímskirkju um helgina. Fyrstu
tónleikarnir eru á laugardag kl. 17 og
tvennir á sunnudag, kl. 17 og 20.
2
Bókaflóðið er í algleymingi
og rithöfundar eru á ferð og
flugi um landið og skemmta
væntanlegum lesendum
með lestri úr bókum sínum. Á laug-
ardag er m.a. dagská með höfundum
í MÍR-salnum kl. 14 og á sunnudag í
Húsinu á Eyrarbakka kl. 16 og á
Gljúfrasteini á sama tíma.
4
Tónleikaröð Frostrósa á
aðventu hefst með fimm tón-
leikum í Eldborgarsal Hörpu
um helgina, þrennum á laug-
ardag og tvennum á sunnudag.
Barna-, karla- og kvennakórar syngja
jólalög með söngstjörnunum.
5
Dagskrá verður í Ásmund-
arsafni við Sigtún á laug-
ardag kl. 14 sem tileinkuð er
sögu fyrstu byggðar í Laug-
ardal. Þar verður rakin saga hverf-
ishlutanna Túns, Teiga, Lækja, Laug-
arness, Sunda, Heima, Langholts,
Voga, Skeifu og Fens. Starfsmenn
Minjasafns Reykjavíkur fara yfir sögu
hverfisins í máli og myndum.
3
Orri Huginn Ágústsson
leikur í Ævintýrinu um Auga-
stein sem sýnt er í Tjarnarbíói
á sunnudag kl. 14. Þetta er
hugljúft jólaævintýri í leikstjórn Kol-
brúnar Halldórsdóttur, og fjallar um
það hvernig jólasveinar urðu góðir.
MÆLT MEÐ
1
Út er kominn diskur með leik HalldórsHaraldssonar píanóleikara á verkumeftir Frédéric Chopin og Franz Liszt.
Að mestu er um að ræða endurhljóðblöndun á
upptökum sem komu út á hljómplötu árið
1986 en er löngu uppseld. Halldór Víkingsson
tók verkin upp á sínum tíma með stafrænni
tækni og var brautryðjandi á því sviði hér.
Hann er hvatamaður að þessari nýju útgáfu,
ásamt Þórarni Stefánssyni, útgefanda Polif-
onia Classics, en þeir eru báðir fyrrverandi
nemendur Halldórs. Þar sem geisladiskur hef-
ur meira rými en hljómplatan var unnt að
bæta við tveimur verkum á diskinn. Annað er
áður óbirt upptaka frá 1986, af Scherzo nr. 1 í
h-moll eftir Chopin, en að auki var í sumar
hljóðritaður leikur Halldórs á Harmonies du
Soir eftir Liszt.
Halldór segir ánægjulegt að þessar upp-
tökur frá 1986 eigi sér framhaldslíf. „Þórarinn
var að ýta á mig að gefa þessa plötu út á
diski og þegar við fórum að athuga það þá
hafði Halldór geymt upptökurnar,“ segir pí-
anóleikarinn. „Eins og tæknin er í dag fékk
ég allt heila klabbið og gat hlustað á allar tök-
urnar, yfirleitt þrjár til fimm af hverju verki,
og valið á diskinn þær sem mér þóttu koma
best út.
Verkin eftir Liszt eru öll frá fyrra Weimar-
tímabilinu hans. Á þessum árum var hann að
berjast við margt, íbúar borgarinnar voru á
móti honum, tónlistarmenn skildu ekki hvað
hann var að fara en hann var mesta fram-
úrstefnu-tónskáld þess tíma. Þetta var enginn
dans á rósum en samt semur hann þá þessi
stórkostlegu verk.“
Halldór segist hafa glímt síðustu ár við
„ákveðið handavesen“, sem líklega hafi komið
til vegna of mikilla æfinga, en nú sé hann að
ná sér. „Ég tók þessa etíðu eftir Liszt upp í
sumar og það gekk vel. Ég hef smám saman
orðið betri. Nú er ég að spila og æfa mig. Ég
vona að það gangi.“
Halldór segir að í stafrænu vinnslunni hafi
nafna hans Víkingssyni tekist að ná mikilli
mýkt í tóninn, og fyllingu, en samt skýrleika.
„Mér finnst áferðin mjög lifandi en það er
kúnst að ná því,“ segir hann.
Halldór Haraldsson er einn okkar kunnustu
píanóleikara. Í námi sínu við Tónlistarskólann
í Reykjavík nam hann lengst af hjá Árna
Kristjánssyni og Jóni Nordal og síðan lauk
hann framhaldsnámi í London árið 1965.
Fyrstu opinberu tónleika sína hélt hann hér
sama ár og hefur síðan haldið fjölda tónleika,
heima og erlendis, meðal annars flutt marga
píanókonserta með Sinfóníuhljómsveit Íslands.
Hann kenndi við Tónlistarskólann í Reykjavík
frá 1966 og var skólastjóri 1992-2003. Hann
kenndi við LHÍ til síðasta vors. Halldór er
heiðursfélagi Félags íslenskra tónlistarmanna.
HALLDÓR HARALDSSON LEIKUR PÍANÓVERK EFTIR CHOPIN OG LISZT
„Gat hlustað á allar tökurnar“
Á GEISLADISKI HALLDÓRS HAR-
ALDSSONAR ERU ENDURHLJÓÐ-
BLANDAÐAR UPPTÖKUR FRÁ 1986
OG AÐ AUKI EIN SÍÐAN Í SUMAR.
„Þetta var enginn dans á rósum en samt semur
hann þá þessi stórkostlegu verk,“ segir Halldór
um tónverkin sem hann leikur eftir Liszt.
Morgunblaðið/Einar Falur
Morgunblaðið/Árni Sæberg
„Þegar ég vinn samstarfsverkefni
þá ögrar það mér alltaf og hefur á
endanum góð áhrif á myndlistina
mína,“ segir Hrafnhildur.