Morgunblaðið - Sunnudagur - 09.12.2012, Blaðsíða 57

9.12. 2012 MORGUNBLAÐIÐ SUNNUDAGUR 57
Mary Poppins sem fyrst mætti
til leiks árið 1934 snýr aftur í
nýrri útgáfu. Ráðagóða barn-
fóstran nýtur stöðugra vin-
sælda meðal barna enda á hún
engan sinn líka. Þessi klassíska
barnabók er skrifuð af mikilli
hugmyndaauðgi og hlýtur að
koma öllum í gott skap jafn
skemmtileg og hún er. Bók sem
verður að vera til í bókaskáp
barnanna.
Mary Poppins
snýr aftur
Ungir knattspyrnuáhugamenn hljóta að
setja bækur um uppáhaldsliðin sín og
uppáhaldsleikmenn á jólagjafalist-
ann. Nokkrar slíkar bækur eru
fáanlegar fyrir þessi jól.
Stuðningsmenn Man-
chester United geta fagnað
bók um félagið sem ber undirtit-
ilinn „Stærstir og bestir“. Stuðnings-
mönnum liðsins finnst það örugglega
ekkert ofsagt.
Í bókinni Barcelona er saga þess félags
rakin og Eiður Smári Guðjohnsen kemur þar við sögu. „Lið sem
er meira en fótboltafélag,“ segja íbúar Barcelona.
Bókin um Real Madrid hefur undirtitilinn „Sigursælasta lið í heimi“. Ekki amalegt að styðja
lið sem sigrar yfirleitt alltaf. Enginn furða að Spánverjar skuli segja: „Að spila fyrir Real Madrid
er eins og að snerta himininn.“
Síðast, en vitanlega ekki síst, skal nefna bók um Zlatan Ibrahimovic. Á bókarkápu segir:
„Þó að hann sé stór og stæðilegur er enginn liprari og hættulegri uppi við markið.“ Sem sagt
alvöru knattspyrnumaður.
Bækurnar eru vitanlega ríkulega myndskreyttar og í þeim öllum er að finna stafaþraut og
spil.
SIGURSÆL FÓTBOLTALIÐ OG
SANNUR AFREKSMAÐUR
Mánasöngv-
arinn eftir
Margréti
Örnólfs-
dóttur og
Signýju Kol-
beinsdóttur
er bók sem
einkennist af
listfengi. Signý
skapar ein-
staklega
skemmtilegar
fígúrur og ger-
ir litríkar myndir sem fanga augað. Margrét
skrifar söguna sem er viðburðarík og gerist á
ævintýraeyjunni Tulipop. Ókunnug skugga-
jurt birtist um nótt og svo er hafið ekki einu
sinni sjálfu sér líkt. Það er ekki nema von að
íbúum eyjarinnar bregði. Sveppasystkinin Búi
og Glói verða að bjarga málum og fá hjálp frá
hæfileikaríkum vinum sínum.
Búðu til þín eigin litadýr er óvenjuleg
bók fyrir börn. Þar gefst þeim kostur á því
skapa sínar eigin dýramyndir úr 2.000 lím-
miðum sem finna má í bókinni. Börnunum er
kennt að búa til fimm ólík dýr en síðan geta
þau einnig búið til hvaða dýr sem er. Þrívídd-
argleraugu fylgja bókinni sem verður til þess
að þeir sem setja þau á sig sjá dýrin lifna við.
Þetta er skemmtileg bók fyrir skapandi og
listræn börn. Alveg örugglega öðruvísi
barnabók.
SKEMMTILEGAR FÍGÚRUR Á ÆVINTÝRA-
EYJU OG DÝR TIL AÐ SKAPA
Einar Már Guðmundsson er í
fínu formi í Íslenskum kóngum
þar sem hann segir sögu
Knudsenana í Tangavík. Sú ætt
er fjölmenn og skrautleg og
hefur komið víða við. Í bland
við frásagnir af hinni flokks-
hollu Knudsen-ætt eru sagðar
sögur af ýmsum atburðum í
þjóðlífi.
Bókin einkennist af einstakri
frásagnargleði, litríkum per-
sónum, miklum húmor og
beittri þjóðfélagskrufningu.
Þetta er spriklandi fjörug bók
sem unun er að lesa.
Skrautlegir
Knudsenar og
spriklandi fjör
Morgunblaðið/Kristinn
Einar Már Guðmundsson
Hryllingur,
húmor og
barnabækur
ÁHUGAVERÐAR BÆKUR
EINAR MÁR GUÐMUNDSSON SKEMMTIR LES-
ENDUM SÍNUM Í ÍSLENSKUM KÓNGUM OG STEF-
ÁN MÁNI GERIR LESENDUR SÍNA SKELFINGU
LOSTNA Í HÚSINU. HIN ÓDAUÐLEGA MARY
POPPINS SNÝR AFTUR TIL ÍSLENSKRA LESENDA
OG KRISTÍN HELGA GUNNARSDÓTTIR GLEÐUR
DÝRAVINI Í EINSTAKLEGA LJÚFRI OG SKEMMTI-
LEGRI BÓK UM LÍFSGLAÐAN HUND.
Grímsævintýri Kristínar Helgu Gunnarsdóttur er yndisleg ævisaga hundsins
Gríms Fífils, sem gengur illa að hemja eðli sitt og skorar ekki hátt í hundaskól-
anum. Hundurinn segir sjálfur sögu sína sem er full af ævintýrum og óvæntum
uppákomum. Eigandi hans, Besta, er svo skynsöm og sjarmerandi persóna í
bókinni að ekki er annað hægt en að kinka kolli til hennar í viðurkenning-
arskyni. Sagan af þessum ærslafulla hundi er svo sannarlega líkleg til að heilla
unga dýravini. Halldór Baldursson gerir myndirnar.
Ærslafullur og
lífsglaður Grímur Fífill
Stefán Máni gefur hvergi eftir í tæp-
lega 600 blaðsíðna sálfræðitrylli,
Húsinu. Bókin er spennandi og
hrollvekjandi og lokakaflarnir svo
æsispennandi að það er erfitt að
stilla sig um að kíkja aftast til að sjá
hvernig fer. Illmenni bókarinnar,
Teddi, er mögnuð sköpun. Sá kar-
akter gleymist ekki svo glatt enda
er honum ekkert heilagt. Lög-
reglumaðurinn Hörður er síðan
gott mótvægi við hann. Spennubók
sem svíkur ekki.
Frábær spennutryllir frá Stefáni Mána
Stefán Máni
*Mér finnst að enginn ætti að skrifaævisögu sína fyrr en eftir sinn dag.Samuel Goldwyn BÓKSALA 25. NÓV. - 1. DES.
Allar bækur
Listinn er byggður á upplýsingum frá Rannsóknasetri verslunarinnar
1 Gísli á UppsölumIngibjörg Reynisdóttir
2 ReykjavíkurnæturArnaldur Indriðason
3 HáriðTheodóra Mjöll
4 KuldiYrsa Sigurðardóttir
5 ÚtkallÓttar Sveinsson
6 Aukaspyrna á AkureyriGunnar Helgason
7 Fimmtíu dekkri skuggarE L James
8 Stóra Disney heimilisréttabókinDisney
9 Jólasyrpa 2012Walt Disney
10 ÓsjálfráttAuður Jónsdóttir
Uppsafnað frá áramótum
1 Iceland Small WorldSigurgeir Sigurjónsson
2 Grillréttir HagkaupsHrefna Rósa Sætran
3 Heilsuréttir fjölskyldunnarBerglind Sigmarsdóttir
4 Fimmtíu gráir skuggarE.l. Jones
5 Heilsuréttir HagkaupsSólveig Eiríksdóttir
6 ReykjavíkurnæturArnaldur Indriðason
7 Eldar kviknaSuzanne Collins
8 HungurleikarnirSuzanne Collins
9 EnglasmiðurinnCamilla Läckberg
10 SnjókarlinnJo Nesbø
MÁLSHÁTTUR VIKUNNAR
Skammt er öfganna milli.