Morgunblaðið - 01.02.2013, Page 16

16 FRÉTTIRInnlent
MORGUNBLAÐIÐ FÖSTUDAGUR 1. FEBRÚAR 2013
Jónína Sif
jse4@hi.is
Um tíu þúsund manns hafa skrifað
undir áskorun til þingmanna um að
samþykkja ekki nýtt stjórn-
arfrumvarp til náttúruverndarlaga
óbreytt. Að undirskriftasöfnuninni
stendur hópur áhugamanna um
ferðafrelsi sem telur að frumvarpið
muni takmarka frelsi almennings
til að ferðast um hálendi Íslands.
„Þetta heftir okkur Íslendinga
sem viljum ferðast með okkar tjald
og okkar fjölskyldu og blanda sama
þessum hefðbundna ferðamáta að
keyra á einhvern stað, ganga
styttri vegalengdir og tjalda úti í
náttúrunni,“ segir Elín Björg
Ragnarsdóttir, lögfræðingur og
einn aðstandenda undirskriftasöfn-
unarinnar. „Það eru í raun þeir ein-
ir sem geta borið allt sitt á bakinu
sem mega tjalda utan alfaraleiðar,“
segir Elín en hópurinn lagði í gær
áherslu á málflutning sinn með því
að tjalda í miðborg Reykjavíkur.
Samkvæmt frumvarpinu á að
skrá alla þá slóða sem leyfilegt er
að aka á hálendinu í kortagrunn.
Elín telur þetta ekki minnka ut-
anvegaakstur og bendir á að slík
skráning sé afar flókin og kostn-
aðarsöm í framkvæmd. Merkja
þurfi hvern einasta slóða, hvort
sem leyfilegt sé að aka hann eða
ekki, til þess að koma í veg fyrir að
einstaklingar séu teknir fyrir ut-
anvegaakstur þegar þeir fylgi slóð-
um sem þeir hafi ef til vill fylgt
margoft áður.
Þá bendir Elín jafnframt á að
ekki hafi verið rannsakað hversu
mikið af skemmdum af völdum ut-
anvegaaksturs sé til komið vegna
nauðsynlegra aðgerða í tengslum
við björgunarstörf, smölun, viðhald
á rafmagnslínum o.þ.h. miðað við
skemmdir eftir ferðamenn.
Takmarkar ferðalög
Þá taki frumvarpið almannarétt
úr samhengi þar sem réttur fólks
til að njóta kyrrðar og næðis án
truflunar af mannvirkjum eða um-
ferð vélknúinna farartækja sé sett-
ur hærra en umferðarréttur og
réttur almennings til að njóta
þeirra gæða sem landið býður upp
á.
Elín segir að með þessu sé
þrengt að möguleikum þeirra, sem
vilja ferðast á vélknúnum ökutækj-
um um hálendið auk þess sem regl-
ur um tjöld og ferðavagna séu hert-
ar. Gangi frumvarpið fram verði
nánast eingöngu leyfilegt að nota
tjaldvagna, fellihýsi og hjólhýsi á
skipulögðum tjaldsvæðum og ein-
ungis megi tjalda til einnar nætur
sé ekki um skipulagt tjaldsvæði að
ræða. Þá verði réttur landeigenda
til að loka landi sínu fyrir allri um-
ferð rýmkaður, auk þess sem frum-
varpið heimili reglugerðabreytingar
sem geti takmarkað ferðafrelsið
enn frekar.
Verið að takmarka
frelsi til að ferðast
Morgunblaðið/Kristinn
Útilega Óvenjuleg sjón blasti við í miðbæ Reykjavíkur í gær þegar slegið
var upp tjöldum, róið á Tjörninni og rennt þar fyrir torfundinn fisk.
Aðstandendur heimasíðunnar ferdafrelsi.is tjölduðu í miðbæ Reykjavíkur,
réru kajökum og veiddu í Tjörninni. Markmiðið var að vekja athygli á tak-
mörkunum á ferðafrelsi almennings sem talið er að hljótist af nýju
stjórnarfrumvarpi um náttúruvernd. Þeir sem eru á móti frumvarpinu
segja að það takmarki aðgengi almennings að hálendinu, sérstaklega
þeirra sem geta ekki gengið langar leiðir með búnað sinn.
Útilega í miðbænum
MÓTMÆLI Í MIÐBÆ REYKJAVÍKUR
GLUGGAR OG GLERLAUSNIR
idex.is - sími: 412 1700
- merkt framleiðsla
• tré- eða ál/trégluggar
og hurðir
• hámarks gæði og ending
• límtré úr kjarnaviði af norður
skandinavískri furu
• betri ending
— minna viðhald
• lægri kostnaður þegar fram
líða stundir
• Idex álgluggar eru íslensk
framleiðsla
• hágæða álprófílakerfi
frá Schüco
• Schüco tryggir lausnir
og gæði
• Þekking og þjónusta
• Áralöng reynsla
Fjölbreytilegt útlit hentar mismunandi tegundum bygginga
Byggðu til framtíðar
með gluggum frá Idex
Þórunn Kristjánsdóttir
thorunn@mbl.is
Stjórn félagsins Nemendur og trú
hyggst leggja fram kæru um helgina
til umboðsmanns Alþingis þess efnis
að reglur Reykjavíkurborgar um
samskipti trú- og lífsskoðunarfélaga
við leik- og grunnskóla og frístunda-
heimili borgarinnar standist hvorki
lög né sáttmála.
Stjórn félagsins Nemendur og trú
bað menntamálaráðuneytið um um-
sögn um hvort reglurnar stæðust
grunnskólalög. „Við fengum þau svör
frá menntamálaráðuneytinu að það
væri ekki að hlutast til um ákvarðanir
sveitarfélaga,“ segir Dögg Harðar-
dóttir, formaður stjórnar Nemenda
og trúar.
Þess var farið á leit við innanrík-
isráðuneytið að skoða hvort reglurnar
stæðust mannréttindi; almenn rétt-
indi foreldra og barna. „Þar var gefið
upp að svarið gæti tafist vegna anna.
Við höfum ekkert heyrt síðan í byrjun
nóvember,“ segir Dögg.
Í kjölfar svara frá menntamála-
ráðuneytinu sendi stjórn félagsins
Nemenda og trúar efnislegar athuga-
semdir við reglurnar til skóla og frí-
stundasviðs. „Síðar hvöttum við það
til að afnema reglurnar,“ segir Dögg
enn fremur.
Verður ekki skilið að
„Það er verið að taka trúarmenn-
inguna og gera að jaðarmenningu.
Það er bara yfirgangur,“ segir Björn
Erlingsson, sóknarnefndarmaður í
Grafarvogskirkju. Björn segir að guð-
rækni milli kirkju, skóla og heimila sé
menningarstarf; barnamenning.
„Pólistísk rétthugsun í hvað telst vera
viðurkennd barnamenning eða ekki í
skilningi reglnanna er hæpin. Börnin
eiga rétt á að samfélagið styðji þau í
að rækta þá menningu sem þau eru
sprottin úr, þar með talið trúna. Þetta
verður ekki skilið að,“ segir Björn.
Kæra vegna sam-
skipta við trúfélög
 Samskipti trú- og lífsskoðunarfélaga við leik- og grunn-
skóla og frístundaheimili borgarinnar standast ekki lög
Greinargerð
» Stjórn Nemenda og trúar
segja reglurnar brjóta gegn
foreldrarétti og vera óviðeig-
andi, óréttmæta og ólöglega
íhlutun í menningar- og trúarlíf
barna í þeirra eigin skóla og
frístundaumhverfi.
» Að auki er bent á að Reykja-
víkurborg bregðist skyldum
sínum við að stuðla að þroska
barna í trúar- og menningar-
legum efnum í samræmi við
trúarsiði samfélagsins.Kæra Samtökin starfa óháð stjórn-
málaflokkum og trúfélögum.
Almenn ánægja var með samstarf
kirkju og skóla á aðventunni 2012.
Þetta sýnir könnun Biskupsstofu
sem lögð var fyrir 93 sóknarpresta.
Könnunin var lögð fyrir á öllu land-
inu og 65 sóknarprestar tóku þátt í
henni. Samkvæmt könnuninni er al-
gengara að leikskólar heltist úr lest-
inni. Enginn munur var á milli lands-
byggðar og höfuðborgarsvæðisins.
„Við vorum ánægð með niðurstöð-
una. Þetta byggist á gagnkvæmum
skilningi á samstarfi milli kirkju og
skóla,“ segir Árni Svanur Daní-
elsson, fjölmiðlafulltrúi Bisk-
upsstofu.
Hann segir að þátttaka skóla í
kirkjustarfi hvíli í mörgum tilvikum
á langri hefð.
Samkvæmt reglum Reykjavík-
urborgar um samskipti skóla og frí-
stundaheimila við trú- og lífsskoð-
anafélög skulu heimsóknir í kirkju á
skólatíma vera undir handleiðslu
kennara og sem liður í fræðslu um
trú og lífsskoðanir.
Á fjórum stöðum er ekkert sam-
starf milli kirkju og skóla á aðventu
og vekur athygli að þar af eru þrjú
prestaköll í Reykjavíkurprófasts-
dæmi vestra. Flestir prestar segja að
samstarfið við kirkju og skóla sé
óbreytt en margir nefna að einn og
einn skóli eða leikskóli hafi helst úr
lestinni.
„Ástæðan fyrir því að við lögðum
þessa könnun fyrir er sú að við vild-
um kanna hvernig þessum sam-
skiptum er háttað,“ segir Elín El-
ísabet Jóhannsdóttir, fræðslufulltrú
á þjónustusviði Biskupsstofu.
Elín tekur í sama streng og Árni
um almenna ánægju presta með
samskiptin við skólann.
Hún telur presta vilja koma til
móts við skólana. „Menn eru að fikra
sig áfram í þessu samstarfi um
hvernig það eigi að vera í okkar nú-
tíma- fjölmenningarsamfélagi.“
Í könnuninni gátu prestar komið
skoðunum sínum á framfæri í einum
lið. Í tveimur tilvikum hafa prestar
upplifað að skólastjórar séu óörygg-
ir eða tvístígandi þegar kemur að
samstarfi kirkju og skóla. „Það kom
mér á óvart hversu fáir það voru,“
segir Elín.
„Ég tel að samtal hafi orðið á milli
skóla og kirkjunnar og það er mik-
ilvægt,“ segir Elín.
Ánægja með samstarf
Morgunblaðið/Eggert
Könnun Færri leikskólar tóku þátt í
kirkjustarfi á aðventunni 2012.
 Könnun lögð
fyrir sóknarpresta
af Biskupsstofu
 Tjölduðu í
miðbænum í
mótmælaskyni