Morgunblaðið - 01.02.2013, Qupperneq 44

FÖSTUDAGUR 1. FEBRÚAR 32. DAGUR ÁRSINS 2013
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 399 ÁSKRIFT 4390 HELGARÁSKRIFT 2750 PDF Á MBL.IS 4190 I-PAD ÁSKRIFT 4190
1. Einkennilegt hljóð raskaði …
2. Fær að heita Blær
3. „Ég man þó öll partíin“
4. Hjúkrunarfræðingum settir …
»MEST LESIÐ Á mbl.is
FÓLK Í FRÉTTUM
 David Gordon Green, leikstjóri
Prince Avalanche, bandarískrar end-
urgerðar kvikmyndarinnar Á annan
veg, segist í viðtali á vefnum Indie-
Wire vilja gera þrjár kvikmyndir til
viðbótar, byggðar á þeirri íslensku.
Blaðamaður spyr hvort honum sé al-
vara og segir hann svo vera. Green
segist hafa áhuga á því að gera
hasarútgáfu af myndinni í Ástralíu,
Bollywood-söngvamynd og tyrk-
neskur aðstoðarleikstjóri Prince
Avalanche hafi áhuga á því að end-
urgera myndina í heimalandi sínu.
Davíð Óskar Ólafsson, einn fram-
leiðenda Á annan veg, kannast við
þessar hugmyndir Greens. Hann seg-
ir Green hafa rætt þetta í Texas í
fyrra þegar hann og fleiri sem komu
að gerð Á annan veg hittu leikstjór-
ann við tökur á Prince Avalanche.
Prince Avalanche verður sýnd á kvik-
myndahátíðinni í Berlín, 7.-17. febr-
úar næstkomandi.
Þrjár endurgerðir Á
annan veg í viðbót?
 Bardagakappinn Gunnar Nelson
mun keppa við Brasilíumanninn
Jorge Santiago í blönduðum bar-
daglistum (MMA) laugardaginn 16.
febrúar í Lundúnum og verður bar-
daginn m.a. sýndur í beinni útsend-
ingu í Smárabíói.
Santiago mun vera erfiðasti and-
stæðingur Gunnars til þessa og má
því búast við æsispenn-
andi
bardaga.
Frekari
upplýs-
ingar má
finna á vef
Senu.
Bardagi Gunnars
sýndur í Smárabíói
SPÁ KL. 12.00 Í DAG Hæg breytileg átt og víða bjartviðri, en suð-
austan 5-10 m/s SV-til og stöku skúrir eða él. Bætir í vind í kvöld.
Frost 0 til 10 stig, mest í innsveitum fyrir norðan.
VEÐUR
„Ég sagði við mömmu þegar
ég var fjögurra ára að ég
ætlaði að verða atvinnu-
maður í fótbolta og hef allt-
af stefnt á þetta. Nú hefur
það gengið eftir og þá er
það mitt að sýna mig og
sanna hjá félaginu,“ sagði
knattspyrnumaðurinn
Rúnar Már Sigurjónsson.
Rúnar hefur verið lánaður
frá Val til Zwolle í hollensku
úrvalsdeildinni út þetta
tímabil. »1
Sagði mömmu
þetta fjögurra ára
„Það var sláandi fyrir okkur þegar
Anna Úrsúla Guðmundsdóttir kom
inn í klefa rúmum klukkutíma fyrir
leik með lepp fyrir öðru auganu og
sagðist ekki verða með eftir að hafa
fengið högg á augað á æfingu í gær-
kvöldi. Fréttirnar þjöppuðu okkur vel
saman, við vorum staðráðnar í að
leggja okkur allar fram í vörninni þótt
Önnu væri sárt saknað,“ sagði Dagný
Skúladóttir, hornamaður Vals, eftir
að liðið vann Fram, 27:22, í uppgjöri
efstu liða úrvalsdeildar
kvenna í hand-
knattleik í
gær. »3
Meiðsli Önnu þjöppuðu
Valsliðinu saman
Gífurleg spenna var í uppgjöri fjög-
urra efstu liðanna í úrvalsdeild karla í
körfubolta í gærkvöld. Grindvíkingar
eru einir á toppnum eftir sigur á Þór
frá Þorlákshöfn, 89:87, og Snæfell
gerði góða ferð í Garðabæinn og
lagði þar Stjörnuna að velli, 89:88.
Þór og Snæfell eru því jöfn í öðru til
þriðja sæti, tveimur stigum á eftir
Grindvíkingum. »2-3
Gífurleg spenna í
Grindavík og Garðabæ
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Ingvar P. Guðbjörnsson
ipg@mbl.is
„Við kaupum þetta hús gagngert til
þess að laga það, varðveita það sem
menningarminjar og opna það al-
menningi,“ segir Ragnheiður Jóna
Jónsdóttir, stjórnarformaður Hann-
esarholts, sjálfseignarstofnunar í húsi
Hannesar Hafstein, ráðherra Ís-
lands, á Grundarstíg 10.
„Þetta er ekki safn um Hannes
Hafstein. Hinsvegar er hann tilefnið
og þegar maður fer að skoða það sem
hann skildi eftir sig fyrir okkur er þar
ýmislegt sem á ennþá erindi til okkar
og er gott að heyra. Við viljum sækja
í söguna, endurvinna það og nýta í
nútímanum á þann hátt sem vantar.“
Aðstaða til söguskráningar
Eitt af því sem Ragnheiður segir
að læra megi af sögunni er að við
þurfum ekki alltaf að vera í keppni,
það þurfi ekki alltaf að vera sigurveg-
ari, sökudólgur og tapari. Hún nefnir
átökin milli Valtýinga og heima-
stjórnarmanna árið 1904.
„Fólk segir stundum að það vanti
umræðuhefð á Íslandi,“ segir hún og
vísar til þjóðfélagsins í dag.
„Mér finnst farið illa með orðið
gagnrýni. Mér finnst það í raun þýða
niðurrif. Mér finnst það ekki notað til
að rýna til gagns. Við viljum ýta undir
að fólk geti lært að tala saman hérna
á þann hátt að við ræktum okkur.
Þetta er svona grasrótarmenning-
arhús,“ segir Ragnheiður sem ásamt
eiginmanni sínum Arnóri Víkingssyni
og börnum keypti húsið.
Eitt herbergið verður tileinkað
hversdagssögunni. Þar mun
fólk geta komið og unnið við
að skrásetja söguna sem það
man og vill deila. „Við viljum
að þetta verði einskonar brú
milli almennings og fræða,“
segir Ragnheiður.
Háaloftið í húsinu
verður tileinkað börnum
en þar hyggst Ragnheið-
ur, sem er doktor í menntunar-
fræðum, tengja börn við söguna í
gegnum leik.
Í húsinu verður hægt að halda
fundi, minni ráðstefnur, málþing og
aðrar uppbyggjandi samkomur.
Í viðbyggingu við húsið er nýr
glæsilegur salur sem sérstaklega er
hannaður fyrir tónlistarflutning.
Fyrsti opni viðburðurinn verður 9.
febrúar á Vetrarhátíð Reykjavíkur
þar sem þemað er „Myrkur“ Úlfhild-
ar Dagsdóttur og tónlistarflutningur
finnska Vetrarbandalagsins sem
henta mun tilefninu. Daginn
áður verður húsið hinsvegar
formlega tekið í notkun þar sem
Guðjón Friðriksson sagnfræð-
ingur fjallar um Hannes.
Á vefsíðunni hannesarholt.is
má kynna sér betur starfið og
hugsunina á bak við stofnun menn-
ingarseturins Hannesarholts.
Brú milli almennings og fræða
 Hús Hannesar
Hafstein opnað
fyrir almenningi
Morgunblaðið/Kristinn
Hannesarholt Arnór Víkingsson og Ragnheiður Jóna Jónsdóttir fyrir utan hús Hannesar, Grundarstíg 10.
Hannes Hafstein fæddist 1861 og
lést 1922, 61 árs að aldri. Hann
útskrifaðist með próf í lögum frá
Kaupmannahöfn 1886. Var síðar
sýslumaður, meðal annars á Ísa-
firði. Hannes var frá 1. febrúar
1904 skipaður ráðherra Íslands-
mála, fyrstur Íslendinga og
gegndi því til 1909 fyrir Heima-
stjórnarflokkinn en aftur frá 1912
til 1914 fyrir Sambandsflokkinn.
Embætti Íslandsráðherra
færði Hannesi meiri
völd en nokkur Íslend-
ingur hafði haft öldum
saman. Sem ráðherra hélt hann
uppi málstað Íslands gagnvart
Danmörku en var háðari vilja Al-
þingis en danski Íslandsráðherr-
ann hafði verið. Hannes var virt
skáld og eftir hann liggur gríð-
arlegur fjöldi ljóða, en hans er að
auki minnst fyrir glæsimennsku,
bæði í framkomu og ásýnd.
Hannes flutti inn í Grundarstíg
10 árið 1915 og bjó þar ásamt
börnum sínum, móður og
tengdamóður til æviloka. Í dag
eru 109 ár síðan Hannes varð
ráðherra.
Ljóðskáldið og glæsimennið
HANNES HAFSTEIN, RÁÐHERRA ÍSLANDS
Hannes
Hafstein
Á laugardag Sunnan 13-18 m/s með slyddu og síðar rigningu, en
úrkomulítið NA-til á landinu. Vestlægari síðdegis með skúrum og
síðar éljum á vestanverðu landinu. Hiti 2 til 7 stig, en kólnar aftur.