Morgunblaðið - 01.02.2013, Blaðsíða 38

38 MENNING
MORGUNBLAÐIÐ FÖSTUDAGUR 1. FEBRÚAR 2013
Sex viðburðir eru á dagskrá
Myrkra músíkdaga í dag:
 kl. 12:15 í Kaldalóni Hörpu:
Þórarinn Stef-
ánsson píanó-
leikari frum-
flytur verk eftir
Oliver Kentish,
Kolbein Bjarna-
son, Karólínu
Eiríksdóttur,
Ríkarð Örn Páls-
son og Tryggva
M. Baldvinsson. Einnig flytur
hann verk eftir Sveinbjörn Svein-
björnsson, Jón Leifs, Hallgrím
Helgason og Magnús Blöndal Jó-
hannsson.
 kl. 15:00 í Kaldalóni: Laufey
Sigurðardóttir fiðluleikari og El-
ísabet Waage hörpuleikari flytja
verk eftir Jórunni Viðar, Þuríði
Jónsdóttur, Mist Þorkelsdóttur og
Ragnhildi Gísladóttur.
 kl. 17:00 í Kaldalóni: Nemendur
úr Tónlistarskóla
Álftaness á aldr-
inum 7-18 ára
flytja verk sem
samin voru í til-
efni af 25 ára af-
mæli skólans.
Höfundar eru
John Speight,
Helga Sigríður
E. Kolbeins,
Andrea Ósk Jónsdóttir, Helena
Rós Jónsdóttir, Karólína Eiríks-
dóttir, Ari Bergur Gunnarsson,
Helga Guðrún Albertsdóttir, Haf-
dís Sól Jóhannsdóttir, Tryggvi M.
Baldvinsson, Guðný Erla Sig-
urjónsdóttir, Jens Davíð Roberts-
son og Hilmar Örn Hilmarsson.
 kl. 20:00 í Norðurljósum: Caput
frumflytur fjóra
nýja einleiks-
konserta eftir
Áskel Másson,
Snorra Sigfús
Birgisson, Þórð
Magnússon og
Jónas Tómasson
undir stjórn
Guðna Franz-
sonar og Snorra
Sigfúsar Birgissonar. Einleikarar
eru Bryndís Halla Gylfadóttir á
selló, Hávarður Tryggvason á
kontrabassa, Tinna Þorsteins-
dóttir á píanó og Þórhallur Birg-
isson á fiðlu.
 kl. 22:30 í Norðurljósum: Hljóm-
eyki flytur verk
eftir Hafdísi
Bjarnadóttur
undir stjórn
Mörtu Halldórs-
dóttur. Á gítar
leika Hafdís
Bjarnadóttir og
Ragnar Em-
ilsson.
 kl. 00:00 í Stemmu í Hörpu:
Opnun hljóð- og vídeóinnsetningar
til kynningar á Calmus Automata
verkefninu. Frumflutt verður verk
eftir Kjartan Ólafsson.
Fjöldi verka
frumfluttur
Silja Björk Huldudóttir
silja@mbl.is
„Þetta er sálfræðitryllir sem fjallar
um aðdragandann að glæp,“ segir
Jón Atli Jónasson um leikrit sitt
Nóttin nærist á deginum í leikstjórn
Jóns Páls Eyjólfssonar sem frum-
sýnt verður á Litla sviði Borgarleik-
hússins í kvöld kl. 20.
Aðspurður segist Jón Atli hafa
fengið hugmyndina að verkinu fyrir
um tveimur árum þegar vinur hans
sýndi honum hverfi í úthverfi höfuð-
borgarinnar sem hann hafði óvart
keyrt í gegnum. „Það var svo mögn-
uð upplifun að sjá þessi ókláruðu
hverfi,“ segir Jón Atli sem í fram-
haldinu skrifaði smásögu út frá hug-
myndinni sem nefnist Í kjallaranum
og hlaut fyrir hana fyrstu verðlaun í
glæpasagnakeppni Hins íslenska
glæpafélags og DV, Gaddakylfunni,
árið 2011.
Nóttin nærist á deginum fjallar
um hjón á fimmtugsaldri sem standa
allslaus og ein eftir hrunið. Þau búa í
hálfkláruðu einbýlishúsi með kjall-
araíbúð sem var ætluð dóttur þeirra,
manni hennar og barni, þegar hún
kæmi heim úr sérnámi sínu. Þegar í
ljós kemur að hún er ekki á leiðinni
heim ákveður eiginmaðurinn að gera
allt sem í hans valdi stendur til að
halda í drauminn um það sem átti að
verða.
Vilja fanga andrúmsloftið
Spurður hvort túlka megi að-
stæður hjónanna sem táknmynd fyr-
ir íslenskt samfélag, svarar Jón Atli
því neitandi. „Þetta var fyrst og
fremst spennandi viðfangsefni. Þetta
á ekki að vera pólitískt verk heldur
persónulegt, enda er í dramatísku
samhengi alltaf mest spennandi að
sjá hvernig einstaklingurinn tekst á
við stærri atburði sem eru að gerast í
kringum hann. Okkur langaði þannig
að fanga það andrúmsloft sem hefur
ríkt og ríkir á Íslandi,“ segir Jón Atli
og tekur fram að miðað við viðbrögð
áhorfenda á rennslum síðustu daga
megi ljóst vera að viðfangsefnið sé
þungt. „Það er erfitt að horfa á þetta
verk vegna þess hversu nálægur
þessi veruleiki er okkur. Óhætt er að
segja að verkið skilji áhorfendur eft-
ir á erfiðum stað og suma langar
hreint ekkert til að klappa,“ segir
Jón Atli og tekur fram að það sé mik-
il áskorun að setja verkið upp á Litla
sviðinu. „Litla sviðið býður upp á
ákveðna möguleika, en líka miklar
hættur. Þetta er eins og að fara að
spila á alræmdum fótboltavelli.“
Besta hugmyndin ræður
Að sögn Jóns Atla stóð upphaflega
til að setja verkið upp í fyrra og þá
hugðist hann sjálfur leikstýra því.
„En þegar verkefnið frestaðist af
óviðráðanlegum orsökum ákvað ég
að fá Jón Pál til að leikstýra því, þar
sem hann er svo góður leikstjóri, og
sjálfur bara vera til aðstoðar,“ segir
Jón Atli, en þeir Jón Páll hafa unnið
talsvert saman í gegnum tíðina. Jón
Atli var aðstoðarleikstjóri Jóns Páls í
Músum og mönnum auk þess sem
þeir hafa unnið sýningar saman und-
ir merkjum Mindgroup, þeirra á
meðal Zombíljóðin, Góðir Íslend-
ingar og Þú ert hér.
„Segja má að við höfum innleitt
Mindgroup-hugmyndafræðina, sem
er mjög lýðræðisleg, inn í þessa upp-
færslu. Þannig geta allir sem taka
þátt í uppsetningu sýningarinnar
haft skoðun á öllu og lagt í púkkið
hugmyndir. Afstaða Jóns Páls sem
leikstjóra er að besta hugmyndin í
herberginu ráði. Þetta er mjög gef-
andi vinnufyrirkomulag sem skilar
miklu betri árangri.“
Athygli vekur að leikarar verksins
hafa ýmist ekki sést á íslensku leik-
sviði um nokkurt skeið, s.s. Elva Ósk
Ólafsdóttir og Hilmar Jónsson, eða
hafa ekki leikið í atvinnuleikhúsi
fyrr, þ.e. Birta Hugadóttir. Þegar
Jón Atli er spurður hvað legið hafi til
grundvallar leikaravalinu, svarar
hann: „Ég hef miklar mætur á Elvu
og Hilmari enda fylgst með þeim á
leiksviðinu árum saman. Þau eru svo
næm og flinkir listamenn. Birta er
mikið náttúrutalent og það verður
spennandi að fylgjast með henni í
framtíðinni.“
Sálfræðitryllir í kjölfar hruns
 Nóttin nærist á deginum frumsýnt á Litla sviði Borgarleikhússins í kvöld kl. 20
 Jón Atli Jónasson höfundur segir verkið skilja áhorfendur eftir á erfiðum stað
Hálfkarað Elva Ósk Ólafsdóttir og Hilmar Jónsson í hlutverkum sínum sem
hjón sem sitja uppi með hálfklárað einbýlishús eftir efnahagshrunið.
Listabókahelgi Crymogeu hefst í
dag í húsakynnum útgáfunnar að
Barónsstíg 27 og stendur til sunnu-
dags, en opið er alla daga milli kl. 11-
17. „Við héldum listabókahelgina
fyrst í fyrra og viðtökur voru þess
eðlis að ákveðið var að gera þetta að
árlegum viðburði,“ segir Margrét
Áskelsdóttir, kynningarstjóri
Crymogeu. Að sögn Margrétar
verður boðið upp á á þriðja hundrað
titla. „Við verðum með mikið úrval
íslenskra myndlistarbóka og bók-
verka á einum stað. Um er að ræða
vandaðar útgáfur þar sem inntakið
er myndlist, gamla katalóga og ein-
stök bókverk sem listamenn hafa
jafnan dregið upp úr rykugum köss-
um á vinnustofum sínum,“ segir
Margrét og bendir á að nokkrar ger-
semar verði aðeins í einu eintaki og
aðrar í takmörkuðu númeruðu upp-
lagi. Þátttakendur í listabókahelg-
inni eru sjálfstætt starfandi lista-
menn og fræðimenn, auk fjölmargra
forlaga, safna og gallería sem dregið
hafa fram bækur af lagerum sínum
sínum sem sumar hverjar hafa ekki
verið á markaði í áraraðir. Meðal
höfunda eru Ragnheiður Jónsdóttir,
Ingólfur Arnarson, Daði Guðbjörns-
son og Þorvaldur Þorsteinsson.
Listabókahelgi Crymogeu hefst
Morgunblaðið/Styrmir Kári
Gersemar Margrét Áskelsdóttir, kynningarstjóri Crymogeu, með brot af
úrvali þeirra bóka og katalóga sem á boðstólum verða um helgina.
 Eini markaðurinn á Íslandi sem er
helgaður myndlistarbókum
STOFNAÐ 1987
M
ál
ve
rk
:
Sv
al
a
Þó
rð
ar
d
ó
tt
ir
einstakt
eitthvað alveg
Ú r v a l e i n s t a k r a m á l v e r k a o g l i s t m u n a e f t i r í s l e n s k a l i s t a m e n n S k i p h o l t 5 0 a | S í m i 5 8 1 4 0 2 0 | w w w . g a l l e r i l i s t . i s