Morgunblaðið - 26.02.2013, Blaðsíða 6

6 FRÉTTIRInnlent
MORGUNBLAÐIÐ ÞRIÐJUDAGUR 26. FEBRÚAR 2013
Morgunblaðið gefur þann
14. mars út glæsilegt
sérblað um HönnunarMars
–– Meira fyrir lesendur
Pöntunarfrestur
auglýsinga:
fyrir kl. 16,
föstudaginn
8. mars.
nÁnari
uPPlýsingar
gefur:
Katrín Theódórsdóttir
Sími: 569 1105
kata@mbl.is
Hátíðin verður haldin
víðs vegar um Reykjavík
þar sem saman koma
íslenskir hönnuðir og
sýna fjölbreytt úrval
nýrrar íslenskrar hönn-
unar og arkitektúrs af
margvíslegu tagi.
HönnunarMars
DesignMarch
Reykjavík .– . .
Ágúst Ingi Jónsson
aij@mbl.is
Loðnuskipin voru flest að veiðum í
grennd við Vestmannaeyjar í gær og
voru aðstæður heldur erfiðar í
sunnanátt. Loðnan er enn frekar
dreifð og menn sakna þess að
fremsti kökkurinn verði þéttari eins
og oft gerist á þessum árstíma. Um
helgina varð vart við vikursalla, að
því er talið er, í maga loðnu úr einum
farmi, sem fékkst undan Eyjafjalla-
jökli. Þessa varð einnig vart á sömu
slóðum í fyrravetur. Slík loðna fer
ekki í frystingu á Japansmarkað, en
eftirlitsmenn þaðan fylgjast náið
með framleiðslunni.
Frá Akranesi til Þórshafnar
Afli hefur þó verið þokkalegur og
jafnt og þétt gengur á kvóta íslensku
skipanna, sem er um 460 þúsund
tonn. Samkvæmt upplýsingum á vef
Fiskistofu er búið að veiða vel yfir
helming kvótans.
Loðnu er landað þessa dagana frá
Akranesi austur um til Þórshafnar
og er hún ýmist fryst fyrir Japan og
Austur-Evrópu eða brædd í mjöl og
lýsi. Hrognafylling loðnunnar var í
gær komin yfir 20% og gæti frysting
hrogna fyrir markað í Japan byrjað í
vikunni. Loðnuvertíð lýkur venju-
lega að lokinni hrygningu síðari
hluta mars, en útgerðarmenn vonast
til að vertíðin standi út mánuðinn
þar sem a.m.k. hluti loðnunnar er
seinn á ferðinni.
Víða vart við loðnu
Loðna hefur fundist víða fyrir
sunnan land og m.a. bárust fréttir af
loðnu í Meðallandsbug í gær. Kap II
er við loðnuleit á vegum útgerðanna
fyrir norðan land og varð vart við
loðnu norður af Horni um helgina.
Á sunnudag barst fyrsta loðnan á
vertíðinni til fiskimjölsverksmiðju
Síldarvinnslunnar í Helguvík. Það
var Vilhelm Þorsteinsson EA sem
kom þangað með fullfermi, 2.400
tonn.
Eggert Ólafur Einarsson, verk-
smiðjustjóri í Helguvík, segir á
heimasíðu Síldarvinnslunnar að þar
birti svo sannarlega yfir mönnum
þegar fyrsta loðnulöndunin á sér
loks stað enda hafi starfsmenn verk-
smiðjunnar beðið í töluverðan tíma
eftir því að hlaðið loðnuskip komi í
höfnina. Í verksmiðjunni í Helguvík
eru 10-12 fastir starfsmenn en á
vinnslutíma fjölgar starfsmönn-
unum og eru þeir þá um 20 talsins.
Minna til Helguvíkur
„Á síðustu vertíð var tekið á móti
um 42.000 tonnum af loðnu í Helgu-
vík en sýnt þykir að magnið verður
mun minna á þessari vertíð. Kvótinn
á yfirstandandi vertíð er minni en á
þeirri síðustu, loðnan hefur verið
dreifðari og veðráttan ekki nægilega
hagstæð til veiða. Allir þessir þættir
stuðla að því að Helguvíkurverk-
smiðjan mun fá minna í sinn hlut. Í
fyrra barst fyrsta loðnan til Helgu-
víkur hinn 8. febrúar en nú ekki fyrr
en liðlega hálfum mánuði síðar,“
segir á heimasíðu SVN.
Ljósmynd/Börkur Kjartansson
Víkingar Talsverð samvinna er á milli skipa á miðunum og þá sérstaklega á milli „kompanískipa“. Í síðustu viku
nutu skipverjar á Lundey NS góðs af því er Víkingur AK var kominn með fullfermi og var loðnu dælt yfir í Lundey,
þaðan sem myndin er tekin. Á myndinni sjást skipverjar á Víkingi taka á móti línunni sem skotið var frá Lundey.
Hrognafrysting gæti
byrjað síðar í vikunni
- Að veiðum við Eyjar - Vart við vikursalla í loðnunni
Lögreglan á höfuðborgarsvæðinu
leitar nú tveggja manna sem
frömdu rán í versluninni 10-11 í
Þverbrekku í Kópavogi síðastliðið
föstudagskvöld en tilkynning um
ránið barst lögreglunni kl. 23.17.
Ræningjarnir beittu starfsmann
verslunarinnar ofbeldi og höfðu á
brott með sér einhverja fjármuni.
Mennirnir eru ófundir og rann-
sakar lögreglan nú málið. Myndir
náðust af ræningjunum á öryggis-
myndavélar í versluninni og hvet-
ur lögregla þá sem geta gefið
upplýsingar um mennina að hafa
samband við lögregluna á höfuð-
borgarsvæðinu í síma 444-1000.
Upplýsingar má einnig senda í
tölvupósti á netfangið
abending@lrh.is
Rán í Vesturbænum upplýst
Lögreglan á höfuðborgarsvæð-
inu hefur upplýst tvö rán sem
framin voru í Vesturbæ Reykja-
víkur um helgina. Karl á þrítugs-
aldri hefur játað að hafa framið
þau bæði, en maðurinn hefur ver-
ið úrskurðaður í gæsluvarðhald
til 22. mars á grundvelli almanna-
hagsmuna. Fyrra ránið átti sér
stað á föstudagskvöld, en það
seinna á laugardag. Ránin voru
framin í verslununum Pétursbúð
og 10-11 í Vesturbæ Reykjavíkur.
Samkvæmt upplýsingum frá lög-
reglunni tengjast þessi rán ekki
ráninu sem framið var í verslun
10-11 í Kópavogi síðastliðið föstu-
dagskvöld.
Lýst eftir grunuð-
um ræningjum
- Beittu starfsmann 10-11 ofbeldi
Rán Myndir náðust af ræningjunum
á öryggismyndavélar í búðinni.
Ágúst Ingi Jónsson
aij@mbl.is
„ASÍ getur ekki stutt að frumvarpið
verði að lögum nema gerðar verði á
því veigamiklar breytingar,“ segir
m.a. í niðurlagi umsagnar Alþýðu-
sambands Íslands um frumvarp um
stjórnun fiskveiða, sem send hefur
verið atvinnuveganefnd Alþingis.
ASÍ telur að of langt sé gengið í
frumvarpinu í sértækum aðgerðum
sem veiki rekstrargrundvöll sjávar-
útvegsins.
Umsögnin er byggð á stefnu ASÍ í
atvinnumálum og fram koma marg-
víslegar athugasemdir. Í umsögninni
segir m.a.: „Frumvarpið virðist
þannig hvorki til þess fallið að há-
marka þjóðhagslegan ávinning af
sjávarauðlindinni og tryggja þjóð-
inni eðlilega auðlindarentu né heldur
að tryggja að sjávarútvegurinn sé
arðsamur og búi við hagstætt og
stöðugt rekstrarumhverfi. Þá má
draga í efa að frumvarpið stuðli að
farsælli samfélagsþróun með hags-
muni komandi kynslóða að leiðarljósi
og að það treysti atvinnu og byggð í
landinu.
Helstu veikleikar frumvarpsins
eru að verið er að veikja rekstrar-
grunn sjávarútvegsins,“ segir í
ályktun ASÍ.
Biðja um vinnufrið
Útvegsbændafélag Vestmanna-
eyja hefur sent atvinnuveganefnd
umsögn um frumvarpið og er þar
mælst „einlæglega til þess að frum-
vörpin verði lögð til hliðar í eitt skipti
fyrir öll og að sjávarútveginum verði
gefinn vinnufriður og þar með tæki-
færi til að halda áfram að vaxa og
dafna með eðlilegum hætti, þjóðar-
búinu til heilla“.
Útvegsbændur í Vestmannaeyj-
um telja að lögfesting boðaðra breyt-
inga á stjórn fiskveiða muni skaða
sjávarútveginn stórlega og varan-
lega og veita þar með sjávarbyggð-
um landsins og atvinnulífi lands-
manna þung högg.
Í umsögn Félags vélstjóra og
málmtæknimanna segir að varað
hafi verið við róttækum breytingum
á lögunum í umsögn um fyrra frum-
varp. Nú sé komið fram annað frum-
varp sem gangi enn lengra í að skapa
mikla óvissu um fyrirkomulag og
framtíð fyrirtækja í sjávarútvegi.
VM harmar að ekkert samráð hafi
verið haft við hagsmunaaðila í grein-
inni.
ASÍ vill veigamiklar breytingar
- ASÍ styður ekki frumvarp um stjórn fiskveiða að óbreyttu - Útvegsbændur í Eyjum mælast til þess
að frumvörpin verði lögð til hliðar í eitt skipti fyrir öll - VM segir að gengið sé lengra í að skapa óvissu
Siðfræðistofnun
» Siðfræðistofnun Háskóla Ís-
lands fjallar í umsögn sinni um
nokkur atriði og áhrif fisk-
veiðistjórnunar á samfélagið.
» M.a. er bent á að skoða þurfi
gaumgæfilega hvernig ákvæði
í þessu frumvarpi samrýmast
frumvarpi til laga um nýja
stjórnarskrá sem nú er til um-
fjöllunar á Alþingi.