Morgunblaðið - 13.04.2013, Side 14

14 FRÉTTIRInnlent
MORGUNBLAÐIÐ LAUGARDAGUR 13. APRÍL 2013
Gunnar Dofri Ólafsson
gunnardofri@mbl.is
„Ég upplifi að sannleiksreglan sé
kannski aðeins sett til hliðar til að ná
fram ákæru. Kannski finnst mönn-
um það bara allt í lagi, en ég er ekki
sáttur við það. Þegar farið er með
þessum hætti í mál munu menn víkja
af þessari sannleiksreglu því menn
missa hlutlægnina,“ segir Brynjar
Níelsson hæstaréttarlögmaður í
tengslum við ákvörðun Gests Jóns-
sonar og Ragnars Hall að segja sig
frá Al Thani-málinu svokallaða.
„Maður skynjar þetta ekki með
sama hætti hjá öðrum rannsóknar-
aðilum. Ég lýsti þeim áhyggjum
mínum fyrir fjórum árum þegar ég
vildi ekki láta stofna sérstakt emb-
ætti til að rannsaka þessi brot þar
sem lagt væri upp að gefa út margar
ákærur. Ég hef áhyggjur af því,“
segir Brynjar.
Hlutlægni teflt í tvísýnu
„Ég hef sjálfur verið verjandi í
rannsóknum hjá sérstökum sak-
sóknara og ég upplifi sama viðhorf
og Gestur og Ragnar virðast lýsa.“
Brynjar óttast að við þessar aðstæð-
ur geti menn ekki gætt þeirrar hlut-
lægni sem þeim beri skylda til.
Brynjar telur jafnframt að dóm-
arinn í málinu hafi gert rétt þegar
hann neitaði Gesti og Ragnari um að
segja sig frá málinu svona stuttu fyr-
ir aðalmeðferð.
„Málshraðareglan spilaði kannski
ekki stóra rullu í þeirri ákvörðun
heldur miklu frekar það að það var
búið að ákveða þessa dagsetningu og
að ætla að segja sig frá máli sé í raun
ótækt á þessum tímapunkti. Ég hef
fullan skilning á því og afstöðu dóm-
arans til þess.“
Skýringar verjenda eðlilegar
„Þessi afsögn er hins vegar stað-
reynd og ég held að allir séu sam-
mála um að þetta sé slæm staða, eitt-
hvað sem menn geri ekki að gamni
sínu eða sem hluta í einhverri leik-
fléttu eða töfum,“ segir Brynjar.
Brynjar telur verjendurna hafa
fært fram ágæt rök fyrir þeirri
ákvörðun sinni að segja sig frá mál-
inu.
„Svo má alltaf deila um hvort
þetta hafi verið rétt ákvörðun hjá
þeim. Persónulega hef ég mikinn
skilning á þessu vegna þess að það er
svo margt athugavert við vinnu-
brögð ákæruvaldsins í málinu. Í stað
þess að ákæruvaldið gæti jafnræðis
og afhendi þau gögn sem óskað er
eftir þá beitir það einhverjum bola-
brögðum,“ segir Brynjar.
Hann bendir á að mikill munur sé
á hlutverki ákæruvalds og verjenda
við sakamál.
Ábyrgðin einnig ákæruvaldsins
„Ég legg ekki minni ábyrgð á
ákæruvaldið á því í hvaða stöðu mál-
ið er. Mér finnst það undarlegt, þeg-
ar ákæruvaldið leggur fram viðamik-
il ný gögn að ekki sé hægt að breyta
því hvenær aðalmeðferðin fer fram.
Málið er þegar búið að taka einhver
þrjú ár í meðferð hjá ákæruvaldinu,“
segir Brynjar.
„Ég held að grunnástæðan fyrir
því að dómarinn hafnar þessari
kröfu verjendanna í upphafi sé að
hann sér fram á að málinu muni
seinka um hálft ár eða svo. Hann á að
gæta þess að málið gangi sem hrað-
ast fyrir sig. Þá getur ákæruvaldið
ekki ákveðið hvaða gögn þeir telja
rétt að leggja fyrir, án þess að verj-
endur fái nokkuð um það að segja,“
segir Brynjar. „Ég held því að sökin
á því hvernig þessu máli er komið
liggi ekki síður hjá ákæruvaldinu og
ég get vel skilið verjendurna.“
Sannleiksreglan verður
undir hjá sérstökum
Morgunblaðið/Kristinn Ingvarsson
Dómsmál Brynjar Níelsson lýsir
skilningi á ákvörðun verjendanna
 Hæstaréttarlögmaður sýnir ákvörðun verjenda skilning
Íslykill, veflykill sem Þjóðskrá Ís-
lands hefur þróað til að tryggja ein-
falda og örugga leið til auðkenn-
ingar inn á vefi, var kynntur í gær.
Lykilinn má nota til innskráningar
á einstaklingsmiðaðar síður hjá
stofnunum, sveitarfélögum, fé-
lagasamtökum og fyrirtækjum sem
nýta sér innskráningarþjónustu Ís-
land.is. Einstaklingar og fyrirtæki
geta þegar pantað Íslykil í gegnum
island.is. Lykill samanstendur af
kennitölu og leyniorði.
Í tilkynningu frá innanríkisráðu-
neytinu segir að líta megi á Íslyk-
ilinn sem einskonar nafnskírteini á
netinu. Þá segir að innskráning-
arþjónustu Ísland.is hafi verið
hleypt af stað fyrir fimm árum og
lagt grunninn að öflugari rafrænni
stjórnsýslu. Undanfarin ár hafa um
70 vefir boðið upp á innskráningu
með veflykli ríkisskattstjóra og raf-
rænum skilríkjum.
Nefnd um eflingu sveitarstjórn-
arstigsins og nefnd um rafræna
stjórnsýslu og rafrænt lýðræði kall-
aði eftir því að innanríkisráðherra
beitti sér fyrir breytingum á sveit-
arstjórnarlögum þannig að íbúa-
kosningar gætu verið rafrænar ef
sveitarstjórn óskaði þess. Jafn-
framt var óskað eftir því að inn-
skráningarþjónustan Ísland.is yrði
þannig búin að hún gæti sinnt því
hlutverki að auðkenna kjósendur í
íbúakosningum sveitarfélaga. Ráð-
herra hefur brugðist við hvoru
tveggja.
Í tilkynningunni segir að með Ís-
lyklinum sé nú sköpuð umgjörð sem
bjóði upp á mikla möguleika í raf-
rænni stjórnsýslu og rafrænu lýð-
ræði í framtíðinni.
Auðkenning Ögmundur Jónasson innanríkisráðherra kynnir Íslykilinn.
Ýtir undir þróun á
rafrænu lýðræði
Bæjarlind 14-16 | 201 Kópavogur | Sími 519 7100 | mannverk.is
B
lá
fj
öl
l