Morgunblaðið - 13.04.2013, Qupperneq 41

MINNINGAR 41
MORGUNBLAÐIÐ LAUGARDAGUR 13. APRÍL 2013
✝ Stefanía BjörgÁstvaldsdóttir
fæddist á Sauð-
árkróki 11. sept-
ember 1926. Hún
andaðist á Dval-
arheimili aldraðra,
Sauðárkróki, 3.
apríl síðastliðinn.
Foreldrar henn-
ar voru Ástvaldur
Einarsson, f. 7.8.
1889, d. 23.8. 1955,
og Sigurbjörg Pálsdóttir, f. 12.5.
1894, d. 24.8. 1949. Systur Stef-
aníu eru Ingibjörg Kristín, f.
18.9. 1916, d. 14.2. 1933. Álf-
heiður, f. 30.5. 1918, d. 14.10.
2009, og Pála Sigurrós, f. 27.9.
1921, d. 1.7. 2005.
Stefanía giftist í desember
1945 Geiraldi Gíslasyni, f. 7.12.
1910, d. 29.6. 1977. Sonur þeirra
er Gylfi B. Geiraldsson, f. 5.6.
1946, maki hans er Jóhanna
Evertsdóttir, f.
31.1. 1946. Dætur
þeirra eru: 1. Sig-
rún Björg, f. 26.10.
1967, maki Jón E.
Jónsson, f. 2.6.
1965. Börn: Sæ-
mundur, f. 16.1.
1991, Sandra, f.
27.1. 1994, Hanna
Rún, f. 24.2. 2000,
og Jón Gylfi, f. 24.2.
2000. 2. Stefanía
Huld, f. 30.6. 1973, maki Óskar
Þ. Sveinsson, f. 3.5. 1974. Börn:
Telma Lind, f. 17.9. 2000, og
Hekla Ósk, f. 21.11. 2007. 3.
Gerður Alda, f. 27.8. 1978, maki
Kristinn V. Traustason, f. 2.3.
1976, barn, Rebekka Ásta, f.
14.2. 2004.
Stefanía Björg verður jarð-
sungin frá Sauðárkrókskirkju í
dag, 13. apríl 2013, og hefst at-
höfnin kl. 11.
Hún amma Lilla er dáin. Þó svo
að ég hafi náð að kveðja þig
nokkrum sinnum en þú alltaf náð
að hressa þig við er þetta alltaf
pínu erfitt. Þegar ég flutti til Kan-
ada kom ég við hjá þér og kvaddi
þig með innilegu faðmlagi og þótti
mér vænt um það. Það eru marg-
ar minningar sem þjóta um hug-
ann núna. Þegar ég var lítil var
alltaf gott að fara til ömmu Lillu,
bæði áttir þú heima við hliðina á
skólanum, sem var auðvitað mjög
hentugt fyrir mig, og alltaf var til
nóg í gogginn hjá þér, lummur og
alls konar gúmmilaði. Mér er
minnisstætt eitt atvik. Ég og Auð-
ur vinkona komum mjög oft við
hjá þér í smásnæðing, í þetta
skiptið varstu að útbúa kjötbollur.
Amma Lilla hélt nú það að við
ættum að slafra niður nokkrum
kjötbollum, ég borðaði mínar með
bestu lyst en henni Auði vinkonu
fannst þetta ekki jafngott og mér.
Þegar þú sást ekki til stakk hún
þeim alltaf í vasann á úlpunni
sinni og þú varst svo ánægð með
hvað henni fannst bollurnar þínar
góðar. Í hvert skipti sem bollurn-
ar hurfu af diskinum í vasann hjá
henni settir þú alltaf meira á disk-
inn. Að lokum þorði hún að segja:
Ég er orðin södd, takk fyrir mig.
Úff hvað hún var ánægð þegar við
loksins fórum heim og hún gat
tæmt kjötbollurnar úr vasanum!
Elsku amma mín, mér finnst
leiðinlegt að geta ekki verið með
þér í dag, ég kveð þig á minn hátt,
kveiki á kerti og set fallegt lag á
fóninn.
Þín
Gerður
Elsku Lilla amma, við munum
sakna þess að hitta þig ekki þegar
við komum á Krókinn næst. Það
var alltaf svo gott að koma og
hitta þig, alltaf var til nammi í
skápnum sem við fengum hjá þér.
Takk fyrir alla ullarsokkana, púð-
ana og máluðu diskana. Takk fyr-
ir allar góðu stundirnar sem við
áttum saman.
Þínar
Telma Lind, Hekla Ósk
og Rebekka Ásta.
Hún var mjög góð langamma.
Ég fór oft í heimsókn til hennar
með mömmu og hún var alltaf
jafnglöð að sjá okkur og gaf okkur
oftast eitthvert gotterí.
Hún gaf mér marga hluti sem
hún málaði á. Það hefði verið
gaman ef hún hefði getað komið í
ferminguna mína á næsta ári.
Hvíldu í friði elsku amma.
Hanna Rún.
Elsku amma, Lilla amma, er
fallin frá, það verður skrýtið að
koma á Krókinn og hitta þig ekk-
ert meira. Ég er svo ánægð að við
skyldum koma norður um
páskana og náði ég að hitta þig áð-
ur en þú fórst í þitt ferðalag. Það
eru nú nokkrar ferðirnar sem ég
hef komið norður síðan ég flutti
suður og þú varst svo lasin að við
héldum að við hittum þig ekkert
aftur en alltaf hresstist þú og ég
hitti þig í næstu ferð. Þannig hélt
ég að þetta yrði núna líka þegar
ég keyrði suður á mánudeginum
annan í páskum. Mér er minnis-
stæðust ferðin norður sem var í
byrjun desember og þá sátum við
systurnar hjá þér lengi á laugar-
deginum og við ræddum um
heima og geima og svo hentir þú
okkur út eins og vanalega: „Jæja,
er þá ekki bara best að þið farið
núna“ eins og þú sagðir alltaf og
þá vissum við að þú vildir fá frið til
að hvílast.
Þegar ég kom á sunnudeginum
til þín og ætlaði að sitja hjá þér í
smástund áður en ég færi suður
var ég nú hissa, þá varst þú komin
á fætur og stóðst fyrir framan
spegilinn og varst að punta þig og
ætlaðir nú aldeilis ekki að kveðja
þennan heim strax. Þú hafði gam-
an af handavinnu, prjónaðir ull-
arsokka og saumaðir púða, þeir
slógu nú aldeilis í gegn púðarnir
sem stelpurnar fengu í jólagjöf í
ár með hunda- og kisumyndunum
á. Einnig málaðir þú mikið á
postulín og eru þeir ófáir diskarn-
ir og bakkarnir sem þú gafst mér í
hverri ferð sem ég kom til þín.
Minningarnar eru margar þegar
maður sest niður og rifjar upp ár-
in sem við áttum saman, en með
þessum orðum kveð ég þig, elsku
amma, og vona að þið afi getið
tekið upp þráðinn á ný á nýjum
stað þar sem þér á eftir að líða
miklu miklu betur.
Vertu, Guð faðir, faðir minn,
í frelsarans Jesú nafni,
hönd þín leiði mig út og inn,
svo allri synd ég hafni.
Þín
Stefanía.
Hún var alltaf kölluð Lilla af
ættingjum og vinum, en hét fullu
nafni Stefanía Björg.
Nú þegar hún kveður þetta líf,
langar mig að minnast hennar
með nokkrum orðum.
Lilla var móðursystir mín,
yngst fjögurra systra og hún var
alltaf samofin lífi mínu.
Við bjuggum öll saman,
mamma mín og pabbi, afi og
amma og systurnar þrjár (sú
fjórða lést á unga aldri) þar sem
nú er Freyjugata 11 á Sauðár-
króki.
Þegar ég kom í heiminn var
Lilla aðeins þrettán ára og á þeim
árum fæddust börnin heima.
Amma mín sagði mér strax og
ég hafði vit á, hvað Lilla hefði ver-
ið dugleg og mjög fullorðinsleg
við að hjálpa til með barnið. Hún
þvoði og straujaði öll barnaföt og
allt annað sem til þurfti. Þannig
var hún alla starfsævi sína, harð-
dugleg og myndarleg til allra
verka.
Í minningu minni sem barn
finnst mér ég hafa litið á hana sem
ævintýrapersónu, af því að hún
var ung, falleg, kát og uppátækja-
söm.
Á unglingsárum mínum hafði
ég mikla ánægju af að heimsækja
hana og kynntist henni betur.
Þá var hún gift kona með einn
lítinn dreng. Það var alltaf tekið
vel á móti mér. Við settumst og
spjölluðum um alla heima og
geima og oftast var gítarinn tek-
inn fram, og við sungum saman
nýjustu dans- og dægurlögin.
Lilla var mjög rómantísk, afar
ljóðelsk og hafði gaman af því að
grúska í ættfræði. Hún var mikil
hannyrðakona og prýddi heimili
sitt og mitt síðar á ævinni með
verkum sínum, sem voru aðallega
útsaumur. Þar sást hvað hún var
listræn og hafði fagran litasmekk.
Þótt ég og fjölskylda mín flytt-
um frá Króknum var alltaf mjög
gott og sterkt samband á milli
okkar og heimsóknir tíðar.
Elsku Lilla mín, ég veit að síð-
ustu áratugir hafa verið þér erf-
iðir vegna veikinda þinna, samt
gátum við oft átt margar ánægju-
stundir.
Við fjölskyldan kveðjum þig
með söknuði og geymum í huga
okkar allar góðu stundirnar sem
við áttum saman.
Blessuð sé minning þín.
Ásta Hálfdánardóttir
og fjölskylda.
Södd lífdaga kvaddi Stefanía
Ástvaldsdóttir. Stuttu fyrir and-
látið þakkaði hún okkur, sem hjá
henni voru, velgjörðir allar sér til
handa. Hún hlakkaði til endur-
funda við ástvinina sem farnir
voru.
Við Stefanía vorum frænkur og
okkur var vel til vina. Mamma
mín og Stefanía voru systradætur
– mjög kært hafði verið með
mæðrum þeirra, bæði í gleði og
sorg, og svo einnig frænkunum,
dætrum þeirra, sem oft minntust
þessara góðu æskudaga eins og á
einu heimili væri.
Stefanía var móður minni af-
skaplega góð þegar hún þurfti á
að halda og við lát hennar urðu
heimsóknir mínar til Stefaníu
reglulegri og styttra á milli okkar
funda. Stefanía hafði ákveðnar
skoðanir á mönnum og málefnum
og sagði þær umbúðalaust. Hún
var ekki allra eins og sagt er en
vinföst. Hún dvaldi oft við minn-
ingar liðinna tíma og við nutum
þess að ræða þær. Frænka mín
var þrifin og vinnusöm – hún var
mikil hannyrðakona en gigtin sem
hún þjáðist af í áratugi – reyndar
frá barnæsku – skerti afkastagetu
hennar og lífsgæði mikið. Hún var
þakklát ástvinum sínum sem
sinntu henni vel.
Ég þakka fyrir stundirnar okk-
ar og á sannarlega eftir að sakna.
Aðstandendum sendi ég samúð-
arkveðjur. Stefanía er kært
kvödd. Blessuð sé minning henn-
ar.
Kristín.
Stefanía Björg
Ástvaldsdóttir
Elsku Steini, hvað mig tekur
þetta sárt. Þú hefðir átta að eiga
mörg, mörg ár með henni Beötu
þinni. Í síðasta bollukaffinu hjá
Andrési og Jensínu, tengdafor-
eldrum Beötu, rétti ég að henni
smáglaðning og fékk stórt og inni-
legt faðmlag með orðunum „Þú
ert alltaf svo góð.“ Þarna er Beötu
rétt lýst; hún sá alltaf það góða í
öllum og var alltaf jákvæð. Börn
hændust mjög að henni og ekki að
ástæðulausu því hún var þannig
Beata Rybak
Andrésson
✝ Beata RybakAndrésson
fæddist í Tomas-
zow Lubelski í Pól-
landi 31. maí 1974.
Hún lést á Land-
spítalanum í Foss-
vogi 20. mars 2013.
Jarðarför Beötu
fór fram í Landa-
kotskirkju 5. apríl
2013.
manneskja, hlý og ein-
læg. Fyrir nokkrum
árum hjálpaði hún
mér í nokkra daga. Þá
áttum við mörg og
skemmtileg samtöl
saman. Ég skynjaði
hve vænt henni þótti
um Ísland og hún gat
ekki beðið eftir að
veiðitíminn byrjaði.
Hún var náttúrubarn í
eðli sínu.
Beata var vel menntuð sem
efnafræðingur og hún tók íslensk-
una strax föstum tökum og talaði
fallegt mál. Sem skrifstofumaður
á geðdeild LSH var hún vel liðin
og var kölluð duglega konan. Nú
eiga Steini, Sissó bróðir hennar og
fjölskyldan öll um sárt að binda.
Ég bið Guð að gefa ykkur kraft og
styrk í framtíðinni. Innilegustu
samúðarkveðjur frá fjölskyldu
minni til ykkar allra.
Margrét.
ÚTFARARSTOFA
KIRKJUGARÐANNA
Vesturhlíð 2 • Fossvogi • Sími 551 1266 • www.utfor.is
útfararstjóri
útfararþjónusta
Önnumst alla þætti útfararinnar
Þegar andlát ber að höndum
Arnór L. Pálsson
framkvæmdastjóri
Ísleifur Jónsson Frímann Andrésson
útfararþjónusta
Jón Bjarnason
útfararþjónusta
Hugrún Jónsdóttir uðmundur Baldvinsson
útfararþjónusta
G Þorsteinn Elíasson
útfararþjónusta
Ellert Ingason
útfararþjónusta
REYNSLA • UMHYGGJA • TRAUST
✝
Hjartanlegar þakkir fyrir auðsýnda samúð og
vináttu við andlát og útför ástkæru móður
okkar, tengdamóður, ömmu og langömmu,
GUÐBJARGAR LILJU
GUÐMUNDSDÓTTUR,
Dúddýjar,
Kleppsvegi 2,
Reykjavík,
sem andaðist fimmtudaginn 14. mars.
Sérstakar þakkir til starfsfólks Landspítalans í Fossvogi,
deildar 2 B og starfsfólks hjúkrunarheimilisins Markar við
Suðurlandsbraut, fyrir einstaka hjúkrun, alúð og umhyggju.
Bragi Guðmundur Kristjánsson, Erna Eiríksdóttir,
María Anna Kristjánsdóttir, Jesús S.H. Potenciano,
barnabörn og barnabarnabörn.
✝
Innilegar þakkir til allra þeirra sem sýndu
okkur samúð og hlýhug vegna andláts og
útfarar elskulegs eiginmanns míns, föður
okkar, tengdaföður, afa og langafa,
JÓNS ÓLAFSSONAR,
Fagurgerði 5,
Selfossi.
Ólöf E. Árnadóttir,
Steingerður Jónsdóttir, Örlygur Karlsson,
Ólafur Jónsson,
Skafti Jónsson, Bente Nielsen,
barnabörn og barnabarnabörn.
✝
Innilegar þakkir fyrir auðsýnda samúð og
hlýhug við andlát og útför elskulegrar eigin-
konu minnar, móður minnar, tengdamóður
og ömmu,
ERNU STEFANÍU GISSURARDÓTTUR
húsfreyju,
Skólagerði 58,
Kópavogi.
Matthías Guðmundsson,
Birna Matthíasdóttir, Jorge H. Fernandez Toledano,
Erna Caridad Fernandez Birnudóttir,
Birta Clara Fernandez Birnudóttir.
✝
Innilegar þakkir fyrir auðsýnda samúð og
hlýhug við andlát og útför okkar elskulega
KARLS VALDIMARSSONAR.
Sérstakar þakkir til starfsfólks gjörgæslu-
deildar Landspítalans í Fossvogi fyrir
kærleiksríkt viðmót og umönnun.
Fyrir hönd fjölskyldunnar,
Sigurður Vigfússon.
✝
Innilegar þakkir fyrir auðsýnda samúð og
hlýhug vegna andláts elskulegrar móður
okkar, tengdamóður, ömmu og langömmu,
ÁSLAUGAR JÓNSDÓTTUR
forvarðar,
Austurbrún 2.
Sérstakar þakkir fær starfsfólk Sóltúns.
Sigurjón Þ. Ásgeirsson,
Hlynur V. Ásgeirsson, Patricia Bono,
Þórunn H. Óskarsdóttir, Sigurður A. Jónsson,
Hrafnkell S. Óskarsson, Arndís B. Huldudóttir,
Margrét L. Óskarsdóttir, Rúnar Salvarsson,
barnabörn og barnabarnabarn.
✝
Elskulegur faðir okkar, tengdafaðir og afi,
ÁRNI VILHJÁLMUR JÓNSSON
frá Mjóafirði,
Fífuhvammi 17,
Kópavogi,
lést á Landspítala í Fossvogi mánudaginn
8. apríl.
Útförin fer fram frá Fossvogskirkju mánudaginn 15. apríl
kl. 15.00.
Blóm og kransar vinsamlegast afþakkaðir, þeim sem vilja
minnast hans er bent á líknarfélög.
Jenný G. Godby, Jim Dale Godby,
Jón Steinar Árnason, Gunnhildur Olga Jónsdóttir,
Halla María Árnadóttir, Tryggvi L. Skjaldarson,
barnabörn, langafa- og langalangafabörn.