Morgunblaðið - 07.05.2013, Síða 10

„Ég var alltaf í fótbolta á yngri árum
og hélt mér síðan svolítið í formi með
hlaupum í seinni tíð. Það var síðan
eiginlega ekki fyrr en í lok árs 2009
þegar seinni strákurinn minn fædd-
ist að ég fór að fá grillu fyrir því að
hlaupa Laugaveginn og þá fór ég að
hlaupa svona mikið,“ segir Örvar
Steingrímsson ofurhlaupari. Fram
að þessum tíma hafði Örvar mest-
megnis verið í bumbubolta en fór þó
eitt hálfmaraþon árið 2008. „Hlaupið
átti fyrst að vera svo hentugt og átti
að taka stuttan tíma frá fjölskyld-
unni. Það fór síðan fljótlega að vinda
upp á sig. Þegar maður fer að lengja
hlaupatúrana þá er maður oft rúma
tvo tíma að. Sérstaklega um helgar
þegar maður tekur löngu hlaupin.
En auðvitað er þetta gott sport að
því leytinu að ég fer bara inn og út
um dyrnar eins og hentar heimilislíf-
inu best.“ Aðspurður hvort hann hafi
ekki orðið var við öfund meðal
hlaupafólks vegna skjóts og góðs ár-
angurs hans í íþróttinni segir hann
að því sé einmitt öfugt farið. „Manni
finnst það vera menningin hérna
heima, það er svo mikill vinskapur í
kringum þetta.“
Hljóp yfir sig í Boston
Örvar hleypur að meðaltali um 50-
70 kílómetra á viku og en þegar
álagið er mest hleypur hann rúm-
lega 100 kílómetra á einni viku. Þeg-
ar hann er spurður hvort hann fái
aldrei nóg af hlaupum segir hann að
það hafi gerst í Boston-maraþoninu
fyrir ári. „Það var svo heitt og þetta
var svo erfitt og tók það mikið frá
manni að ég gaf aðeins eftir þegar
því hlaupi var lokið.“ Örvar hljóp
Laugaveginn fyrst árið 2010 og svo
aftur 2011. Í seinna hlaupi sínu varð
hann í öðru sæti og var fyrstur af Ís-
lendingunum og kláraði á 5:02. „Ég
ætla að fara aftur Laugaveginn núna
í ár. Ég veit samt ekki hvort ég get
bætt tímann minn þó að það sé auð-
vitað stefnan.“
1.500 kílómetra á skópari
Í tilefni af 40 ára afmæli Eflu,
verkfræðistofunnar sem Örvar vinn-
ur hjá, voru teknar myndir af starfs-
fólkinu með leikmuni tengda áhuga-
málinu. „Ef maður ætlar að hlaupa
mikið þá þarf maður að eiga nóg af
skóm. Þessir skór sem ég er með á
myndinni eru heilir í sjálfu sér en
eru allt skór sem eru búnir á kíló-
metrum. Maður getur í mesta lagi
hlaupið um 1.500 kílómetra á einu
skópari. Maður finnur það alveg
ótrúlega fljótt þegar skór eru búnir.
Þá allt í einu fær maður smá verk í
hné sem hverfur um leið og maður
fer í nýtt par. Sérstaklega þegar
maður er að hlaupa allt að 100 kíló-
metrum yfir vikuna þá skiptir máli
að vera í heilum skóm.“
Átti að vera hentugt
með fjölskyldulífinu
Örvar Steingrímsson byrjaði að hlaupa að einhverju ráði árið 2009 til að halda
sér í formi. Á örskömmum tíma varð Örvar einn af fremstu hlaupurum landsins
og var meðal annars fyrsti Íslendingurinn í Laugavegshlaupinu árið 2011.
10 DAGLEGT LÍFÚtivist og hreyfing
MORGUNBLAÐIÐ ÞRIÐJUDAGUR 7. MAÍ 2013
sér markmið að vinna keppnina
Hjólað í vinnuna í ár hlær hann og
segir það alls ekki vera markmiðið.
„Við teljum að þegar 80%
starfsmanna taki þátt í átakinu sé
það sigur út af fyrir sig. Það spinn-
ast líka alltaf miklar umræður í
kringum þetta á kaffistofunni. Til
hvers við erum að þessu og af
hverju við ættum að hjóla frekar en
að keyra. Þessi umræða er svo góð,
að fólk hugsi þetta aðeins. Það fara
líka svo margir að hjóla reglulega
eða taka strætó í vinnuna í kringum
svona hjólaátak. Þegar maður er
Hjólar 4.000 km á
ári í vinnuna
Það var svo sem engin breyting á daglegum venjum hjá Óla Þór Hilmarssyni þeg-
ar hann tók fyrst þátt í átakinu Hjólað í vinnuna fyrir 10 árum síðan en hann hef-
ur hjólað í vinnuna síðastliðin 15 ár. Hann tekur engu að síður þátt og segir
sigurinn ekki fólginn í hjóluðum kílómetrum sem hann og samstarfsmenn leggja
að baki heldur þann að margir starfsmenn Matís taka virkan þátt.
Morgunblaðið/Kristinn
Hvatning Óli Þór Hilmarsson segir það lykilatriði hjá fyrirtækjum sem vilja
hvetja til þess að starfsmenn hjóli til vinnu að góð aðstaða sér fyrir hendi.
hjólafólkið. Að það sé hægt að kom-
ast í sturtu og geyma hjólið á góð-
um stað.“ Óli Þór segir að lífsstíll-
inn hafi smitandi áhrif á aðra
fjölskyldumeðlimi sem ýmist hjóla
eða ganga mikið með honum. „Það
er reyndar partur af því að búa í
miðbænum að maður er oft fljótari
að fara gangandi eða hjólandi en á
bíl.“
Sigurinn fólginn
í fjölda þátttakenda
Þegar Óli Þór er spurður hvort
starfsfólkið hjá Matís hafi ekki sett
Signý Gunnarsdóttir
signy@mbl.is
Ég hef tekið þátt í þessufrá upphafi og mitt fyrir-tæki, Matís, og það eruyfirleitt um 80% starfs-
manna fyrirtækisins sem taka
þátt,“ segir Óli Þór Hilmarsson
stoltur af hjólaglöðu samstarfsfólki
sínu sem vílar ekki fyrir sér að
hjóla, sumir hverjir bæjarfélaga og
úthverfa á milli upp í Grafarholt.
„Fyrirtækið hefur svo oft verið í út-
jaðri bæjarins, áður í Keldnaholti
og nú uppi í Grafarholti og það er
eins og fólki finnist þá meira varið í
þetta þegar vegalengdin er örlítið
lengri en gerist og gengur og það
er í raun svolítið merkilegt. Við
vorum um tíma niðri á Skúlagötu,
alveg í miðbænum og þá var einna
minnsta þátttakan þegar við vorum
þar,“ segir Óli Þór. Hann vill líka
meina að önnur ástæða góðrar þátt-
töku starfsmanna Matís sé sú að
þar vinni margt ungt fólk sem sjái
hvatningu í langri vegalengd.
Menn fá greitt
fyrir að hjóla
Óli býr í miðbænum og hjólar
því tæpa 12 kílómetra hvora leið.
„Ég hjóla allt árið og hef gert það
undanfarin 15 ár. Átakið sjálft er í
raun engin breyting fyrir mig og
það er líka stór hópur meðal starfs-
mannanna sem hjólar reglulega.
Við erum líka með svokallaðan sam-
göngusamning í fyrirtækinu og
menn fá í rauninni greitt fyrir að
hjóla. Það er líka eitt lykilatriði hjá
fyrirtækjum sem vilja hvetja til
þessa að hafa góða aðstöðu fyrir
Enn á ný fer verkefnið Hjólað í vinn-
una af stað. Keppnin byrjar á morgun
og stendur til 28. maí. Allir geta tekið
þátt í Hjólað í vinnuna svo framarlega
sem þeir nýta eigin orku til að koma
sér til og frá vinnu þ.e. hjóla, skokka,
ganga, nota línuskauta o.s.frv. Þeir
sem nýta almenningssamgöngur
geta einnig tekið þátt en þá er skráð
sú vegalengd sem gengin eða hjóluð
er til og frá stoppistöð.
Eftirfarandi regla er sett til að
koma til móts við einstaklinga sem
búa í öðru sveitarfélagi en þeir starfa
og hafa ekki aðgang að almennings-
samgöngum. Þeir geta notast við
einkabíl hluta af leiðinni en þá þurfa
þeir að ganga minnst 1,5 km eða
hjóla minnst 3 km hvora leið og upp-
fylla þannig ráðleggingar landlækn-
iss um daglega hreyfingu. Skráið
ykkur á hjoladivinnuna.is.
Vefsíðan www.hjoladivinnuna.is
Morgunblaðið/hag
Jákvætt Það hefur jákvæð áhrif á heilsuna og umhverfið að ferðast á hjólinu.
Nýttu eigin orku og hjólaðu
Skannaðu kóðann
til að fara inn á
vefsíðuna.