Morgunblaðið - 03.09.2013, Qupperneq 40

40 MENNING
MORGUNBLAÐIÐ ÞRIÐJUDAGUR 3. SEPTEMBER 2013
Hádegistónleikaröð Hafnarborgar
hefst að nýju í dag með tónleikum
Sólrúnar Bragadóttur. Sólrún kem-
ur fram ásamt Antoníu Hevesi pí-
anóleikara og flytja þær meðal ann-
ars aríur eftir óperutónskáldin
Mascagni, Verdi og Bellini.
„Ég valdi að syngja þær aríur
sem eru í uppáhaldi hjá mér í
augnablikinu. Það var úr mörgum
að velja,“ segir Sólrún. Hún segir
þetta vera miklar dramarullur sem
hún túlkar. „Þetta snýst mikið um
ástina en aðeins ein endar vel. Ann-
ars deyja persónurnar hver af ann-
arri,“ segir hún og hlær.
Sólrún hefur ekki sungið neitt
þessara hlutverka á sviði, „því mið-
ur,“ segir hún, en hún hefur hins
vegar sungið allar aríurnar á tón-
leikum, utan eina, sem er úr Á valdi
örlaganna. „Ég komst að því að hún
smellpassar mér,“ segir söngkonan
sem hefur verið búsett í Danmörku
undanfarin fjórtán ár.
„Þegar maður er í svona miklu
stuði finnst mér skylda mín sem Ís-
lendingur að koma heim með listina
mína,“ segir hún um mikilvægi þess
að koma heim að syngja á tón-
leikum. Hún vonar að starfsemi Ís-
lensku óperunnar eigi eftir að efl-
ast í Hörpu og að fleiri tækifæri
muni bjóðast íslenskum söngvurum
til að koma fram í Eldborg.
Sólrún lauk mastersgráðu í ein-
söng og til söngkennara við háskól-
ann í Bloomington í Indiana í
Bandaríkjunum. Að námi loknu
fékk hún starf sem fyrsti lýríski
sópraninn við leikhúsið í Kais-
erslautern í Þýskalandi og því næst
sólistastöðu við Óperuhúsið í Hann-
over. Hún hefur komið fram hjá Ís-
lensku óperunni, óperunni í Palm
Beach í Flórída og fjölmörgum óp-
eruhúsum víða um Evrópu.
Antonía Hevesi píanóleikari hef-
ur frá upphafi verið listrænn
stjórnandi hádegistónleika í Hafn-
arborg og valið með sér marga af
fremstu söngvurum landsins.
Tónleikarnir hefjast kl. 12 í dag
og standa yfir í um hálfa klukku-
stund. Þeir eru öllum opnir á með-
an húsrúm leyfir. efi@mbl.is
Syngur aríurnar sem
eru í uppáhaldi núna
 Sólrún Bragadóttir á hádegistónleikum í Hafnarborg
Söngkonan Sólrún Bragadóttir. Píanóleikarinn Antonía Hevesi.
Hross í oss er fyrsta kvik-mynd leikstjóransBenedikts Erlingssonarí fullri lengd. Myndin
dregur upp gráglettnar svipmyndir
af samlífi manna og hesta í ís-
lenskri sveit. Hún er safn nokkurra
afmarkaðra sagna sem þó tengjast
allar innbyrðis. Þegar þær birtast á
tjaldinu hver á eftir annarri skap-
ast spenna á milli þeirra, þær bæta
hver við aðra og spyrðast saman í
sagnasveig.
Myndin hefst á ástarbríma í
sumarbyrjun. Sólveig (Charlotte)
er yfir sig ástfangin af Kolbeini
(Ingvar E.), álitlegasta manni sveit-
arinnar. Hann lítur hana líka hýru
auga en stóra ástin og djásnið hans
er verðlaunamerin Grána. Grána
girnist hins vegar graðhestinn
Brún og öll sveitin sem fylgist
spennt með þessu flókna tilhugalífi,
veit að þetta getur ekki endað
öðruvísi en með ósköpum. Þessi
fyrsta saga er sú sterkasta í
sveignum og yfirskyggir hinar tölu-
vert. Þær sem á eftir koma eru
frekar eftirminnilegar svipmyndir
en sterkar sögur. Þar kynnast
áhorfendur meðal annars Vern-
harði (Steinn Ármann) sem hættir
öllu fyrir sopann og hestinum hans
Jarpi, sem fórnar sér staðfastlega
fyrir húsbónda sinn. Háskalegar
erjur Gríms (Kjartan) við nágranna
sinn um afmarkanir jarða setja
svip sinn á framvinduna sem og
knýjandi þrá Jóhönnu (Sigríður
María) að temja frelsisunnandi
merina Rauðku. Aðkomumaðurinn
Juan Camillo (Juan Camillo) hrífst
heilshugar af Jóhönnu, náttúru
landsins og umfram allt íslenska
hestinum með ófyrirsjáanlegum af-
leiðingum en mál allra þessara per-
sóna og hrossa eru svo til lykta
leidd í réttum þegar hausta tekur.
Vissulega getur samneyti manna
og hesta verið bæði göfugt og fag-
urt en jafnframt geta samskiptin
orðið hálfkynleg og klaufsk. Mynd-
in gerir þessum margbreytileika
ágætlega skil og munar þar mest
um stórkostlega frammistöðu leik-
ara. Ótrúlega lítið er um samtöl í
myndinni en leikræn tilþrif felast
meira í svipbrigðum, ýmiss konar
hljóðum og annarri líkamlegri tján-
ingu. Túlkun hrossanna er ekki síð-
ur áhrifarík en mannanna enda er
hlutur þeirra í sögunum engu
minni en mannanna. Tví- og ferfæt-
lingar eru einnig einstaklega vel
paraðir saman. Í útliti jafnt sem at-
ferli líkjast eigendurnir hestunum
með sinni frýsandi frygð, upp-
brettum efri vörum, atorkusömu
tilhugalífi og mistækri valdabar-
áttu. Hestarnir eru samt langtum
tignarlegri, falslausari og einlægari
en mannfólkið svo deila má um
hvort séu skynlausari skepnur,
menn eða hin eiginlegu dýr.
Bergsteinn Björgúlfsson stýrði
kvikmyndatöku myndarinnar og sú
vinna hans minnir um margt á áður
unnin störf hans í Draumalandinu.
Stórbrotin landslagsmyndataka og
óður til náttúru og dýralífs ein-
kennir báðar myndirnar sem og
nokkur áfellisdómur yfir sjálfshags-
munastefnu, drambi og drottnunar-
áráttu mannsins. Römmun mynd-
efnis er þó furðuleg á stöku stað.
Hestar eru vissulega í burð-
arrullum en það fer kannski ekki
vel á því að klippa hausa af knöp-
um þeirra þótt það sé óneitanlega
afar spaugilegt. Betra væri að hafa
rammann aðeins víðari og lofa
hausunum að tróna efst í jaðri
myndflatar eða ramma fákana inn
þrengra. Íðilfagrar nærmyndir af
stórum augum hrossanna sem
spegla manninn og gerðir hans eru
eru á hinn bóginn afar vel heppn-
aðar. Það sama má segja um tónlist
myndarinnar sem magnar áhrif
myndefnis hvort heldur sem er í
þjóðlegum söng karlakórs eða
dynjandi kvikmyndatónlist sem er
taktföst líkt og hestar á stökki.
Leikstjórinn og handritshöfund-
urinn virðist fara létt með að færa
sig af fjölum leikhússins og upp á
tjald kvikmyndahússins því Hross í
oss er afar frumleg og áhugaverð
mynd sem nýtir mátt og megin
kvikmyndamiðilsins vel.
Af ástum, afbrýði og frýsandi frygð
Tignarlegur Ingvar E. Sigurðsson glæsilegur á merinni Gránu í Hross í oss. Ferðamaðurinn Juan Camillo dáist að manni og hrossi á hjólfáki sínum.
Smárabíó, Háskólabíó,
Borgarbíó Akureyri, Sambíóin
Keflavík og Bíóhöllin, Akranesi.
Hross í oss bbbbn
Leikstjórn og handrit: Benedikt Erlings-
son. Aðalhlutverk: Ingvar E. Sigurðsson,
Charlotte Bøving, Steinn Ármann Magn-
ússon, Kjartan Ragnarsson, Sigríður
María Egilsdóttir og Juan Camillo Rom-
an Estrada. 85 mín. Ísland, 2013.
HJÖRDÍS
STEFÁNSDÓTTIR
KVIKMYNDIR
Morgunblaðið
gefur út
glæsilegt
sérblað um
Heimili og
hönnun
föstudaginn
20. sept.
Skoðuð verða húsgögn og innréttingar, skrautmunir
og fylgihlutir fyrir heimilið, litir og lýsing ásamt mörgu
öðru sem er huggulegt fyrir veturinn.
SÉRBLAÐ
Heimili & hönnun
–– Meira fyrir lesendur
NÁNARI UPPLÝSINGAR GEFUR:
Katrín Theódórsdóttir
Sími: 569 1105
kata@mbl.is
PÖNTUNARFRESTUR AUGLÝSINGA:
fyrir kl. 16 mánudaginn 16. september.