Morgunblaðið - 09.12.2013, Blaðsíða 15

FRÉTTIR 15Erlent
MORGUNBLAÐIÐ MÁNUDAGUR 9. DESEMBER 2013
Fáðu þetta heyrnartæki
lánað í 7 daga
- án skuldbindinga
Bókaðutímaí fríaheyrnarmælingu
ogfáðuAltatilprufu ívikutíma
Sími5686880
PrófaðuALTAfráOticon
Glæsibæ | Álfheimum 74 | 104 Reykjavík | Þjónusta á landsbyggðinni | Sími 568 6880
| www.heyrnartækni.is |
Góðheyrnerokkuröllummikilvæg.ALTAeruný
hágæðaheyrnartæki fráOticonsemgeraþér kleift
aðheyra skýrt ogáreynslulaust í öllumaðstæðum.
ALTAheyrnartækinerualvegsjálfvirkoghægter
að fáþau ímörgumútfærslum.
Hólmfríður Gísladóttir
holmfridur@mbl.is
Fjöldi mótmælenda safnaðist saman
á Sjálfstæðistorginu í Kíev í Úkraínu
í gær og kallaði eftir afsögn forset-
ans, Viktors Janúkóvítsj. Mótmæl-
endur veifuðu úkraínska fánanum og
fána Evrópusambandsins og reistu
eins og hálfs metra háan varnargarð
umhverfis stjórnarráðsbyggingar til
að varna þingmönnum aðgangs að
skrifstofum sínum.
Evrópusinnaðir Úkraínumenn
hafa efnt til daglegra mótmæla frá
því að forsetinn ákvað að skrifa ekki
undir samstarfssamning við Evr-
ópusambandið vegna þrýstings frá
Rússum, sem vilja að Úkraína gangi
í tollabandalag Rússlands, Hvíta-
Rússlands og Kasakstans.
Júlía Tímósjenkó, fyrrverandi for-
sætisráðherra Úkraínu, sagði í yf-
irlýsingu í gær að mótmælendur
kölluðu eftir umsvifalausri afsögn
Janúkóvítsj. „Hann er ekki lengur
forseti ríkis okkar, hann er harð-
stjóri sem verður að svara til saka
fyrir hvern blóðdropa sem hefur fall-
ið,“ las Yevgenía Tímósjenkó, dóttir
Júlíu, fyrir mótmælendur. Uppskar
hún fagnaðarlæti fólksins, sem hróp-
aði: „Segðu af þér!“
Skömmu eftir að ræðuhöldum
lauk tilkynnti öryggislögreglan SBU
að hún hefði hafið rannsókn á
meintri tilraun til valdaráns af hálfu
ótilgreindra stjórnmálamanna en
rannsóknin er talin beinast gegn
lykilfólki innan stjórnarandstöðunn-
ar.
Virðast styðja Klitschko
Margt bendir til þess að hnefa-
leikakappinn og stjórnarandstöðu-
leiðtoginn Vitali Klitschko njóti
stuðnings leiðtoga Vestur-Evrópu-
ríkjanna en hann mun funda með
Laurent Fabius, utanríkisráðherra
Frakklands, í París á miðvikudag.
Þá hefur Der Spiegel greint frá því
að Angela Merkel, kanslari Þýska-
lands, og hópur evrópskra íhalds-
flokka hyggist auka stuðning sinn
við Klitschko, m.a. með því að sjást
með honum við opinber tækifæri.
Janúkóvítsj reitti andstæðinga
sína til frekari reiði þegar hann
fundaði með Vladimir Pútín Rúss-
landsforseta á föstudag en kannanir
sýna að Janúkóvítsj myndi lúta í
lægra haldi fyrir Klitschko í forseta-
kosningunum 2015, ef gengið yrði til
annarrar umferðar.
Krefjast afsagnar forsetans
 Hundruð þúsunda mótmæltu í Kíev í gær  Lögregla opnar rannsókn á meintri
tilraun til valdaráns  Ekki forseti heldur harðstjóri, segir Tímósjenkó
AFP
Fjöldafundur Mótmælendur felldu m.a. og eyðilögðu styttu af Lenín.
150 þingmenn
Demókrata-
flokksins, í neðri
deild taílenska
þingsins, sögðu
af sér í gær en
leiðtogi þeirra,
Abhisit Vejjajiva,
sagði þá ekki
geta sinnt skyld-
um sínum lengur
og harmaði að þingmeirihlutinn
hlustaði ekki á vilja þjóðarinnar.
Stjórnarandstæðingar hafa kallað
eftir því að forsætisráðherrann
Yingluck Shinawatra segi af sér en
hún hefur gert þeim tilboð um að
boða til kosninga, að því gefnu að
þeir heiti að virða hið lýðræðislega
ferli.
„Ríkisstjórnin er tilbúin til að
rjúfa þing ef meirihluti er fyrir
því,“ sagði Yingluck í sjónvarps-
ávarpi en bætti við að ef mótmæl-
endur eða stærri stjórnmálaflokkar
settu sig upp á móti því eða vildu
ekki samþykkja úrslit kosninganna,
myndi það aðeins framlengja
óvissuástandið í landinu.
TAÍLAND
150 þingmenn neðri
deildar taílenska
þingsins segja af sér
Abhisit Vejjajiva
„Við höfum talið 394 látna síðustu
þrjá daga,“ sagði Laurent Fabius,
utanríkisráðherra Frakklands, um
helgina en 400 franskir hermenn
voru sendir til Mið-Afríkulýðveld-
isins eftir að blóðug átök brutust út
í höfuðborginni Bangui á fimmtu-
dag. Íbúar borgarinnar, sem hafa
haldið sig heimafyrir síðustu daga,
fögnuðu komu frönsku hersveit-
anna í gær en biðu þess að þær
tryggðu öryggi í úthverfunum.
Herlið Frakka í Mið-Afríkulýð-
veldinu taldi 1.200 fyrir en heima-
menn í bænum Bouar dönsuðu og
börðu potta og pönnur á laugardag
þegar 200 franskir hermenn komu
þangað frá Kamerún. Francois
Hollande, forseti Frakklands,
sagði blóðbaðið í landinu skelfilegt
en Frakkar myndu ekki senda
frekari herafla til Mið-Afríkulýð-
veldisins. Hins vegar hygðist Afr-
íkubandalagið fjölga hermönnum
alþjóðlega heraflans í ríkinu úr
3.600 í 6.000.
Hollande sagði jafnframt að
hlutverk herliðsins yrði að afvopna
uppreisnarhermenn, sem hefðu
hegðað sér líkt og glæpamenn,
nauðgað konum og jafnvel myrt
sjúklinga á sjúkrahúsum. Starfs-
menn Rauða krossins í Bangui
vörðu laugardegi við að heimta
sundurbarðar og -skornar líkams-
leifar af götum borgarinnar.
Íbúar fagna komu
franskra hermanna
AFP
Dauði Átök hafa geisað milli kristinna og múslíma í landinu frá því í mars.
 Eiga að koma í veg fyrir hroðaverk
Að minnsta kosti fimmtíu og þrír
þjóðarleiðtogar munu sækja minn-
ingarathafnir um friðarleiðtogann og
fyrrverandi forsetann Nelson Man-
dela, sem lést á fimmtudag, að sögn
utanríkisráðherra Suður-Afríku,
Maite Nkoana-Mashabane. Margir
verða viðstaddir minningarathöfn á
Soccer City-leikvanginum í Jóhann-
esarborg á þriðjudag en fámennari
hópur verður viðstaddur útför frið-
arverðlaunahafans í þorpinu Qunu
næstkomandi sunnudag.
Meðal þeirra sem talið er að muni
heiðra Mandela eru Barack Obama,
forseti Banda-
ríkjanna, Franc-
ois Hollande, for-
seti Frakklands,
David Cameron,
forsætisráðherra
Bretlands, Mah-
mud Abbas, for-
seti Palestínu,
Karl Bretaprins,
Ban Ki-moon og
Kofi Annan. Þá er gert ráð fyrir að
Oprah Winfrey og Bono verði meðal
þeirra stjarna sem verða viðstaddar
minningarathöfnina.
53 þjóðarleiðtogar munu
sækja minningarathafnir
Nelson Mandela