Morgunblaðið - 14.02.2014, Blaðsíða 6

6 FRÉTTIRInnlent
MORGUNBLAÐIÐ FÖSTUDAGUR 14. FEBRÚAR 2014
Guðni Einarsson
gudni@mbl.is
Reykjavíkurborg er að undirbúa
ræktun æðarunga í vor til að lífga
upp á fuglalíf Tjarnarinnar og
Vatnsmýrar. Sótt hefur verið um
leyfi til umhverfis- og auðlind-
aráðuneytisins til eggjatöku. Eggj-
unum verður ungað út í Hús-
dýragarðinum. Þegar ungarnir
verða orðnir stálpaðir verða þeir
líklega fluttir í fuglafriðlandið í
Vatnsmýri, að sögn Þórólfs Jóns-
sonar garðyrkjustjóra. Þar verða
ungarnir fóðraðir þar til þeir verða
sjálfbjarga. Hann sagði þetta gert
að ráðum fuglafræðinganna Jó-
hanns Óla Hilmarssonar og Ólafs
K. Nielsen, sem lengi hafa vaktað
fuglalífið við Tjörnina.
„Þetta verða um þrjátíu egg. Við
eigum eftir að ákveða nákvæmlega
staðinn þar sem ungarnir verða
aldir og útbúa aðhaldið,“ sagði Þór-
ólfur. „Við höfum samið við æð-
arbónda sem hefur reynslu af eldi
æðarunga um að leiðbeina okkur.“
Þórólfur sagði að gangi eldi æð-
arunganna vel komi til greina að
skoða eldi unga annarra andateg-
unda til að styrkja fuglalífið.
Kreppa hjá Tjarnarfuglunum
Viðvarandi viðkomubrestur og
hnignun varpstofna einkennir
fuglalífið við Tjörnina í Reykjavík,
að sögn fuglafræðinganna Jóhanns
Óla Hilmarssonar og Ólafs K. Niel-
sen. Þetta kemur fram í nýrri
skýrslu þeirra fyrir Reykjavík-
urborg um fuglalífið við Tjörnina
árið 2013. Þeir hafa ásamt fleirum
vaktað fuglalíf á Tjörninni allt frá
árinu 1973.
„Niðurstöður vöktunar Tjarn-
arfugla 2013 eru í fullu samræmi
við þá mynd sem dregin hefur verið
upp á liðnum árum og lýsir fugla-
stofnum í kreppu,“ segir í nýju
skýrslunni. „Þrjár af 5 andateg-
undum sem verpa við Tjörnina,
gargönd, duggönd og æður, eru við
það að deyja út.“
Ástæða hnignunar þessara fugla-
tegunda við Tjörnina eru aðallega
taldar vera fæðuskortur, afrán og
skerðing búsvæða. Þeir félagar
hafa gert tillögur til úrbóta sem
einkum ganga út á að borgin hefji
aftur ræktunarstarf í þeim anda
sem einkenndi umhirðu Tjarn-
arfugla á árunum 1956 til 1986.
Áfram verður haldið við end-
urheimt votlendis í friðlandinu í
Vatnsmýri. „Framkvæmdir hófust
2012 og hafa haft jákvæð áhrif á
fuglalífið. Kríuvarpið hefur verið í
uppsveiflu og endur komið upp
ungum undir verndarvæng hennar.
Það er von okkar að þessar breyt-
ingar hafi jafnframt áhrif á varp
anda, það þéttist og fái vernd í frið-
landinu,“ eru lokaorð skýrslu
þeirra Jóhanns Óla og Ólafs.
Morgunblaðið/Ómar
Vatnsmýri Fuglafriðlandið er nú umlukið síki sem hindrar m.a. aðgang katta. Landið hefur verið lækkað til að
breyta grunnvatnsstöðu fuglunum til hagsbóta. Kríuvarp hefur aukist og endur komið upp ungum í skjóli kríanna.
Reykjavíkurborg ætlar að
rækta æðarunga í Vatnsmýri
 Aðgerðir til þess að lífga upp á fuglalífið á Tjörninni sem á í kreppu
Öðrum áfanga framkvæmda í fuglafriðlandinu í Vatnsmýri er nú að
ljúka. Svæðið er mikið breytt frá því að framkvæmdir hófust þar fyrir
tveimur árum. „Þá grófum við síki allan hringinn en áður var síkið
bara hálfhringur,“ sagði Þórólfur Jónsson, garðyrkjustjóri Reykjavík-
ur. Um leið var svæðið innan við síkið lækkað til að bleyta
það. Þar uxu kerfill og þistill sem eru ágengar plöntur.
Með breyttri grunnvatnsstöðu batnaði svæðið fyrir
fuglana og varð síðra fyrir þistilinn. Í öðrum áfanga var
unnið við svæðið nær Njarðargötu og var landið þar
lækkað til að bleyta það meira. Á því svæði hefur kerfill
verið áberandi.
Verkið hófst að frumkvæði Norræna hússins í
samstarfi við Reykjavíkurborg og Háskóla Íslands.
Þessir aðilar hafa skipt kostnaðinum af fram-
kvæmdunum á milli sín, að sögn Þórólfs.
Öðrum áfanga að ljúka
FUGLAFRIÐLANDIÐ Í VATNSMÝRINNI
Fjármálaráðuneytið sendi í gær
landeigendafélaginu Geysi ehf. bréf
þar sem fyrirhugaðri gjaldtöku fyrir
aðgang að Geysissvæði er mótmælt.
Ennfremur kemur fram að ríkið
áskilji sér rétt sem sameigandi og
einkaeigandi að spildu innan sam-
eignarlandsins, til þess að stöðva
slíka framkvæmd með aðstoð yfir-
valda og dómstóla ef með þarf.
Garðar Eiríksson, talsmaður land-
eigendafélagsins, segir að hann túlki
bréfið sem svo að ríkið telji sig fúst
til samtals um tilhögun mála á svæð-
inu. „Í texta bréfsins er ósk um við-
ræður um málið,“ segir Garðar.
„En þetta breytir engu um áform
okkar […] Við höfum lýst ákveðnum
áformum og ætlum að standa við
þau, en orð eru til alls fyrst og við
fögnum því að menn vilji ræða við
okkur,“ segir Garðar. Hann vill lítið
gefa út það hvort landeigendafélagið
gæti hugsað sér að skjóta málinu til
dómstóla að fyrra bragði. „Eitt verð-
ur að leiða af öðru og ef ágreiningur
er ósættanlegur þá gæti komið til
þess,“ segir Garðar.
vidar@mbl.is
Morgunblaðið/Kristinn
Geysir í Haukadal Ríkið mótmælir
hugmyndum um gjaldtöku.
Ríkið
mótmælir
gjaldtöku
 „Breytir engu um
áform okkar“
Þórólfur Jónsson.
Kristján H. Johannessen
khj@mbl.is
„Héraðsdómur sogar til sín alla orku
og gefur ekkert jákvætt eða gleði-
legt frá sér. En það er einmitt eitt-
hvað sem Lækjartorg þarf á að
halda,“ segir Dagur B. Eggertsson,
formaður borgarráðs. Í máli sínu
vísar Dagur til bréfs borgarstjóra
sem lagt var fram á fundi borg-
arráðs í gær en í því er mælt fyrir
um að hefja formlegar viðræður við
innanríkisráðuneytið um flutning
Héraðsdóms Reykjavíkur af Lækj-
artorgi í nýtt húsnæði sem reisa
mætti á reitnum við Lögreglustöð-
ina við Hlemm.
„Við sjáum í stjórnarsáttmála rík-
isstjórnar að koma eigi á nýju milli-
dómstigi og þá skapast ákveðið færi
á að hagræða og stokka upp í hús-
næðismálum,“ segir Dagur og bætir
við að lögreglustöðvarreiturinn gæti
hentað fyrir allt að 13.000 fermetra
húsnæði. „Þar mætti bæði byggja
yfir héraðsdóm, millidómstigið og
embætti ríkislögreglustjóra sem nú
er í leiguhúsnæði.“ Aðspurður segir
Dagur spennandi tækifæri skapast
fyrir miðborgina fari starfsemi hér-
aðsdóms annað. „Þarna gæti verið
tækifæri til að fá verslanir á borð við
Hennes & Mauritz eða litla miðborg-
arverslunarmiðstöð með mörgum
minni búðum,“ segir hann og bætir
við að borgaryfirvöld finni fyrir sí-
auknum áhuga fjárfesta á svæðinu.
Frumkvæði borgar dregið í efa
Kjartan Magnússon, borgar-
fulltrúi Sjálfstæðisflokks, kveðst ef-
ins um að borgaryfirvöld eigi að hafa
frumkvæði í máli sem þessu. Bendir
hann t.a.m. á að rekstraraðilar í mið-
borginni hafi um langt skeið lagt
áherslu á áframhaldandi skrifstofu-
starfsemi á svæðinu enda hafi þeir
gjarnan hag af.
Dómshús sagt
sefa kátínu
 Vilja starfsemi Héraðsdóms Reykja-
víkur af torginu og á svæði við Hlemm
Morgunblaðið/Þorkell
Rólegt Borgarstjórn vill sjá meira
líf en verið hefur á Lækjartorgi.
Flensan virðist
vera að láta á
sér kræla ef
tekið er mið af
tölfræði sem
birtist á vef
landlæknisemb-
ættisins í gær.
Þar segir að 15
einstaklingar
hafi greinst
með flensuna í
síðustu viku og að fjöldinn fari
vaxandi. Flestir eru með búsetu á
suðvesturhorni landsins, en einn er
búsettur á Austurlandi. Þá segir
að inflúensan sé seinna á ferðinni í
vetur, samanborið við þrjá síðast-
liðna vetur og að hún fari hægt af
stað.
Tilfellum fjölgar í Evrópu
Fram kemur að inflúensan hafi
náð nokkurri útbreiðslu víða í Evr-
ópu og að tilfellum fari fjölgandi
samkvæmt vikulegu yfirliti sótt-
varnastofnunar ESB (ECDC).
Töluvert greindist af báðum inflú-
ensuveirum, þ.e. (H1)pdm09 og
inflúensa A(H3), sem er öðruvísi
en hér á landi þar sem inflúensa
A(H1)pdm09 er ráðandi. Þessar
veirur, sem nú valda árlegum
inflúensufaraldri í mönnum, komu
fyrst fram í heimsfaraldrinum
2009 með inflúensu A(H1)pdm09
og í heimsfaraldrinum 1968 með
inflúensu A(H3). vidar@mbl.is
Fimmtán flensu-
tilfelli í síðustu viku
og fer fjölgandi
Kvef Inflúensa legg-
ur marga í rúmið.