Morgunblaðið - 14.02.2014, Blaðsíða 21

MORGUNBLAÐIÐ FÖSTUDAGUR 14. FEBRÚAR 2014
Boðað lagafrumvarp ríkisstjórn-
arinnar um afnám lágmarksútsvars
sveitarfélaganna mun ekki koma
fram á þessu
þingi. Unnið er
að endurskoðun
á reglum Jöfn-
unarsjóðs sveit-
arfélaga með það
að markmiði að
þær hafi ekki
áhrif á ákvarð-
anir sveit-
arstjórna um út-
svarsprósentu og
afstöðu til sam-
einingar sveitarfélaga. Ekki verður
um að ræða neinar stórtækar til-
færslur á verkefnum frá ríkinu til
sveitarfélaganna á næstunni. Áður
þarf að ljúka endurskoðun á fram-
kvæmd og fjármögnun flutnings
málefna fatlaðra sem sveitarfélögin
tóku að sér árið 2011.
Þetta kom fram í samtali Morg-
unblaðsins við Hönnu Birnu Krist-
jánsdóttur innanríkisráðherra sem
fer með málefni sveitarfélaganna.
Aðkoma sveitarfélaga
Hanna Birna sagði að hún hefði
fallist á ósk stjórnar Sambands ís-
lenskra sveitarfélaga um aðkomu
að gerð frumvarps um afnám lág-
marksútsvars. Margar spurningar
hefðu vaknað hjá sveitarstjórn-
armönnum um þessi áform, sem
boðuð eru í stjórnarsáttmálanum.
Úr þeim yrði leyst í samráði ráðu-
neytisins og sambandsins. Frum-
varpið kæmi þess vegna ekki fram
fyrr en á næsta þingi.
Þær raddir hafa heyrst að inn-
leiðing lágmarksútsvars í lög fyrir
nokkrum árum hafi leitt til al-
mennrar hækkunar útsvars. Hanna
Birna kvaðst hafa heyrt fullyrð-
ingar um þetta, en sagðist ekki
treysta sér til að dæma um það.
Aðalatriðið væri að í þessu efni
ættu sveitarfélögin að hafa frjálst
val en ekki vera þvinguð af löggjaf-
anum.
Verði hlutlausari
Hanna Birna sagði að embætt-
ismenn í innanríkisráðuneytinu
væru nú að skoða regluverk Jöfn-
unarsjóðs sveitarfélaganna með
sérstöku tillliti til umkvartana
margra sveitarstjórnarmanna um
að það hefði bæði áhrif á ákvarð-
anir um útsvar og afstöðu til sam-
einingar sveitarfélaga. Bent hefur
verið á að sveitarfélög fái minni
tekjur úr sjóðnum ef þau nýta ekki
hámarksútsvar og sameining eins
eða fleiri sveitarfélaga gæti einnig
haft áhrif til lækkunar á fjárveit-
ingum til þeirra úr sjóðnum.
„Hugmyndin er sú að jöfn-
unarsjóðurinn verður hlutlausari á
þessum sviðum en regluverk hans
er núna,“ sagði Hanna Birna. Hún
sagði að þær breytingar sem gera
þyrfti hefðu ekki verið tímasettar,
en ef lagabreytingar yrði að gera
sem líklegt væri kæmu þær ekki
fram fyrr en á næsta þingi.
Hanna Birna sagðist vera hlynnt
frekari tilfærslu verkefna frá ríkinu
til sveitarfélaganna. „Við eigum í
öllum tilvikum að færa þjónustu
eins nálægt fólki og kostur er. Ein
leiðin til þess að færa hana til
sveitarfélaganna,“ sagði hún. Aftur
á móti yrði að horfast í augu við
stöðu mála á þessum vettvangi og
það fjármálaumrót sem væri í þjóð-
félaginu. Hún sagði að nú stæði yf-
ir heildarendurskoðun á fram-
kvæmd og fjármögnun flutnings
málefna fatlaðra til sveitarfélag-
anna.
Skattar séu lágir
„Mín pólitíska skoðun er að við
eigum að halda sköttum ríkis og
sveitarfélaga í lágmarki,“ sagði hún
spurð um það hvort sveitarfélögin
væru að leggja of miklar álögur á
íbúana. Fram hefur komið að allur
þorri sveitarfélaga nýtir sér á
þessu ári rétt til að leggja á há-
marksútsvar. „En ég ætla ekki að
hafa skoðun á því hvernig sveit-
arfélögin haga þessum málum al-
mennt,“ bætti hún við.
Ánægjuleg áskorun
Hanna Birna sat í borgarstjórn
Reykjavíkur í ellefu ár og var
borgarstjóri um skeið. Hún var
spurð hvernig það væri að vera
komin til starfa í ráðuneytinu sem
fer með yfirstjórn málefna sveitar-
félaganna í landinu. „Það er ótrú-
lega ánægjuleg áskorun að vera
hinum megin við borðið,“ svaraði
hún. „Ég held að ég njóti þess í
störfum mínum að hafa unnið
svona lengi á vettvangi sveit-
arstjórna. Það er öflugur hópur hjá
Sambandinu og sveitarstjórnunum
og ég á við hann mikla og góða
samvinnu.“
gudmundur@mbl.is
Afnám lág-
marks bíður
næsta þings
 Regluverk Jöfnunarsjóðs sveitarfé-
laganna í endurskoðun í ráðuneytinu
Morgunblaðið/Ómar
Aldraðir Næsta stórverkefni sem flutt verður frá ríkinu til sveitarfélaganna er málefni aldraðra. Það verður þó
ekki á næstunni því eftir er að greiða úr ýmsum vandamálum. Endurskoðun á tilfærslu málefna fatlaðra til sveitar-
félaganna stendur ennfremur yfir og verður henni að ljúka áður en næstu ákvarðanir verða teknar.
Hanna Birna
Kristjánsdóttir
Margvíslegar upplýsingar um fjármál og
rekstur Reykjavíkurborgar eru aðgengi-
legar á netinu. Starfshópur embættismanna í ráðhúsinu leggur til í nýrri skýrslu að fjárhagsupplýsingar á vef
borgarinnar verði ítarlegri og myndrænni. Kjartan Magnússon telur hugmyndirnar óljósar og ófullnægjandi
miðað við einróma samþykkt borgarstjórnar haustið 2012 þar sem ákveðið var upplýsingar um allar kostnað-
argreiðslur yrðu gerðar almenningi sýnilegar með rafrænum hætti.
SVEITARSTJÓRNARKOSNINGAR
Hátúni 6a • 105 Rvk • Sími 552 4420 • fonix.is
ELDHÚSTÆKI