Morgunblaðið - 04.03.2014, Síða 20

Bogi Þór Arason
bogi@mbl.is
Stjórnmálaskýrendur telja að Vla-
dímír Pútín, forseti Rússlands, hafi
tekið mikla áhættu með hernaðar-
íhlutuninni í Úkraínu og valdið
mestu krísu í samskiptum Rússa við
Vesturlönd frá lokum kalda stríðs-
ins. Þótt líklegt sé að íhlutunin verði
til þess að almenningur í Rússlandi
þjappi sér saman á bak við Pútín
geti hún einnig haft mjög alvarlegar
afleiðingar fyrir efnahag landsins og
orðið til þess að landið einangrist.
„Þetta er alvarlegasta krísa í
Rússlandi frá árinu 1991 [þegar
Sovétríkin liðu undir lok], það hefur
aldrei verið viðlíka ástand síðan þá,“
sagði Alex Makarkín, stjórnmála-
skýrandi í Moskvu. Hann bætti við
að rússneska hagkerfið væri orðið
svo samofið heimsmarkaðnum, ólíkt
lokuðu hagkerfi Sovétríkjanna, að
efnahagslegar refsiaðgerðir myndu
hafa „hörmulegar afleiðingar“.
Nýju valdhafarnir í Kænugarði
sögðu í gær að rússnesk stjórnvöld
hefðu sent fleiri hermenn til Krím
og skaginn er nú í raun á valdi rúss-
neska hersins.
Ágreiningur meðal ESB-ríkja
Júlía Tímósjenkó, fyrrverandi
forsætisráðherra Úkraínu, sagði að
með hernaðaríhlutuninni hefðu
Rússar í raun lýst yfir stríði á hend-
ur Bretlandi og Bandaríkjunum.
Hún skírskotaði til þess að ríkin tvö,
ásamt Rússlandi, undirrituðu yfir-
lýsingu í desember 1994 þar sem
þau ábyrgðust óbreytt landamæri
Úkraínu gegn því að landið afsalaði
sér sovéskum kjarnavopnum.
Sergej Lavrov, utanríkisráðherra
Rússlands, sagði í gær að aðgerðum
rússneska hersins á skaganum yrði
haldið áfram til að vernda rúss-
neska borgara og hagsmuni, þrátt
fyrir mótmæli stjórnvalda á Vestur-
löndum. Hernaðaríhlutunin varð til
þess að gengi hlutabréfa í rússnesk-
um fyrirtækjum lækkaði um 13% að
meðaltali í gær. Gengi rússnesku
rúblunnar hefur aldrei verið lægra
Mesta krísa
frá kalda
stríðinu
Sagðir setja úrslitakosti
» Her Úkraínu sagði í gær að
Rússar hefðu sett úkraínskum
hermönnum í Krím úrslitakosti
og hótað árásum á þá ef þeir
gæfust ekki upp.
» Talsmaður rússneska sjó-
hersins í Krím neitaði þessu og
forseti rússneska þingsins
sagði að enn væri ekki þörf á
slíkum árásum.
 Gæti aukið vinsældir Pútíns í Rúss-
landi en einnig stórskaðað efnahaginn
Rússarnir komnir Her-
menn, líklega rússneskir,
í borginni Feodosía í Krím.
20 FRÉTTIRErlent
MORGUNBLAÐIÐ ÞRIÐJUDAGUR 4. MARS 2014
Suðurafríski spretthlauparinn Oscar
Pistorius lýsti yfir því við upphaf
réttarhaldanna gegn honum í Pret-
oríu í Suður-Afríku í gær að hann
væri saklaus af ákæru um að hafa
myrt unnustu sína, Reevu Steen-
kamp, með fullri vitund fyrir ári.
Pistorius hefur sagt að hörmulegt
slys hafi átt sér stað um kvöldið,
hann hafi haldið að innbrotsþjófur
væri í húsinu og skotið Steenkamp í
ógáti.
Pistorius er 27 ára gamall. Báðir
fætur voru teknir af honum þegar
hann var barn að aldri og hleypur
hann á málmfjöðrum.
Þrjár lykilspurningar munu að lík-
indum standa upp úr í réttarhöld-
unum.
Rifust Pistorius og Steenkamp
kvöldið sem hann skaut hana til
bana? Pistorius sagði í yfirlýsingu að
þau hefðu tekið það rólega heima
fyrir um kvöldið, borðað saman,
hann síðan horft á sjónvarp en hún
gert jógaæfingar áður en þau gengu
til náða. Ákæruvaldið hafnar þessu
og styðst við vitnisburð nágranna,
sem sögðust hafa heyrt öskur og
rifrildi frá húsi Pistorius.
Í öðru lagi er spurningin hvort
lögregla raskaði gögnum á vett-
vangi. Rannsóknarlögreglumað-
urinn Hilton Botha hefur viðurkennt
að hafa farið inn í húsið án þess að
vera í réttum skófatnaði, skráning
skotfæra hafi misfarist og rangar
ályktanir verið dregnar.
Í þriðja lagi er spurningin hvers
vegna Pistorius hringdi ekki á lög-
reglu heldur umsjónarmann í hinni
lokuðu húsaþyrpingu þar sem hann
bjó og einkareknu læknaþjónustuna
Netcare. Hefur því verið haldið fram
að hann hafi vísað frá tveimur ör-
yggisvörðum, sem hringdu og
spurðu hvort eitthvað amaði að eftir
að hafa heyrt skothljóð.
EPA
Fyrir rétti Oscar Pistorius kemur í réttarsal. Hann er sakaður um morð á
unnustu sinni. Móðir hennar, June Steenkamp, er önnur frá hægri.
Pistorius lýsir
yfir sakleysi
 Svara leitað við þremur spurningum
– með morgunkaffinu
PAPPÍR • POKAR • RÚLLUR
Sérprentanir í minni eða stærri upplögum!
PAPPÍR HF • Kaplahrauni 13 • 220 Hafnarfirði • Sími 565 2217 • pappir@pappir.is • www.pappir.is
Íslensk
framleiðsla
Tapashúsið | Ægisgarður 2, 101 Reykjavík | info@tapashusið.is
TAPASHÚSID BORDPANTANIR
Í SÍMA 512-8181
2 FYRIR 1
Á MÁNUDÖGUM OG RIÐJUDÖGUM
AF TÍVOLÍ MATSEÐLI
GLÆSILEGUR
NÝR MATSEÐILL
LIFANDI TÓNLIST UM H
ELGAR