Morgunblaðið - 13.03.2014, Síða 18

Morgunblaðið/Skapti Hallgrímsson
Góð gjöf Benóný Ásgrímsson, flugstjóri hjá LHG, Grétar Einarsson, björg-
unarsveitarmaður í Vík sem kom að björguninni fyrir 10 árum, og Hákon
Þröstur Guðmundsson, annar skipstjóra á Vilhelm á sínum tíma.
Útgerðarfyrirtækið Samherji á
Akureyri afhenti í gær Landhelg-
isgæslunni að gjöf tvö hágæða
hjartastuðtæki. Tilefnið var að 10
ár eru um þessar mundir síðan
starfsmenn Gæslunnar björguðu
áhöfn Vilhelms Þorsteinssonar eft-
ir að skipið strandaði á Með-
allandsfjörum og drógu síðan skip-
ið á flot. Hákon Þröstur
Guðmundsson, annar skipstjóra á
Vilhelm á sínum tíma, afhenti
Benóný Ásgrímssyni flugstjóra
tækin á Akureyri í gær. „Þessi
tæki eiga eftir að bjarga manns-
lífum, á því er enginn vafi,“ sagði
Georg Lárusson, forstjóri LHG, í
gær.
„Tækin eiga eftir að
bjarga mannslífum“
 Samherji gefur Gæslunni hjartastuðtæki
18 FRÉTTIRInnlent
MORGUNBLAÐIÐ FIMMTUDAGUR 13. MARS 2014
Við sérpöntumallar gerðirbíla frá USA
og Evrópu
Þverholt 6 - 270 Mosfellsbæ - Sími 534 4433 - Fax 534 4430 - is-band@isband.is - www.isband.is
Nýr Ford F350
Komdu til okkar
og kynntu þér
málið,
erum að taka
niður pantanir.
Opið alla virka daga frá 10-18 og laugardaga 11-15
Ford F350 XLT 4x4 Dísel, verð frá 8.950.000 kr. án vsk 7.130.000 kr.
Ford F350 Lariat 4x4 Dísel, verð frá 9.890.000 kr. án vsk 7.880.000 kr.
Ford F350 King Ranch 4x4 Dísel, verð frá 10.490.000 kr. án vsk 8.359.000 kr.
Platinum 4x4 Dísel, verð frá 10.690.000 kr. án vsk 8.518.000 kr.
2014/2015
ÚR BÆJARLÍFINU
Skapti Hallgrímsson
Akureyri
Fyrstu alþjóðlegu íslensku vetrar-
leikarnir – Iceland Winter Games –
fóru fram í Hlíðarfjalli við Akureyri
á laugardaginn og tókust vonum
framar. Keppt var í skíðafimi (Free
skiing) og á brettum. Veðrið var leið-
inlegt fyrir helgi þannig að ekki var
hægt að æfa en úr rættist á meðan
keppni stóð yfir á laugardag.
  
Mótshaldarar fóru að ráðum
veðurfræðings, hófu leik eldsnemma
á laugardag, keppni fór fram eins og
til stóð, og það stóð á endum; þegar
verðlaunaafhending fór fram um
miðjan dag byrjaði að moksnjóa!
  
„Keppnin var tveimur tímum
styttri en ráðgert var, en við náðum
að keyra alla dagskrána og þetta
kom útlendingunum svo sem ekki á
óvart. Norðmennirnir höfðu sagt
okkur að svona staða væri alþekkt,“
sagði Davíð Rúnar Gunnarsson hjá
Viðburðastofu Norðurlands, sem
stóð að mótinu.
  
Keppendur voru um 80, þar af
um 35 útlendingar, en frá útlöndum
komu um 50 manns að meðtöldum
aðstoðarmönnum og fréttamönnum.
  
Davíð gerir ráð fyrir miklu fleiri
útlendingum á næstu árum. Að-
standendur alþjóðlegu mótarað-
arinnar í skíða- og brettafimi voru
nefnilega svo ánægðir með aðstæður
að þeir buðu Akureyringum að halda
svokallað Platínumóti á næsta ári.
Mótið í ár væri silfurmót, þeir Davíð
stefndu að því að halda gullmót
næsta ár en hinir erlendu gestir vilja
ganga skrefi lengri.
„Ef við verðum með svokallað
demantamót er það svo flott að allir
þeir bestu í heimi verða að koma.“
  
„Norðmennirnir sögðu að það
þyrfti ekki að koma okkur á óvart að
1.000 manns skrái sig fyrstu dagana
eftir að demantamót yrði auglýst. Þá
kæmu hingað heimsmeistarar og allir
þeir bestu í skíðafiminni,“ segir Davíð.
  
Akureyringum stendur til boða
að fá Siver Voll – þann sem sigraði í
skíðafimikeppninni um helgina – til
bæjarins til að þjálfa áhugasama í
greininni. Sannarlega spennandi
tímar framundan í þessari ört vax-
andi íþróttgrein. Það skyldi þó aldrei
vera að Vetraríþróttamiðstöðin ætti
efrir að laða þúsundir til bæjarins!
  
„Jonni var síspilandi sem barn,
mest á píanó en hann æfði sig líka á
trompet. Það gerði hann uppi á háa-
lofti í Hamborg til að ónáða ekki
heildsalann niðri.“ Þannig komst
Sólveig Björg Dyrhe Hansen að orði
í samtali við Morgunblaðið í gær.
Hún er 86 ára og búsett í Danmörku,
systir Jonna í Hamborg sem svo er
kallaður, en dagskrá til heiðurs hon-
um fer fram í dag á Akureyri.
  
Níutíu ár eru í dag frá því Jonni í
Hamborg fæddist; Jóhannes Gísli
Vilhelm Þorsteinsson, eins og hann
var skírður. Jonni fæddist á Siglu-
firði en var fluttur sex mánaða gam-
all til Akureyrar og settur í umsjá
móðursystur sinnar, Laufeyjar
Pálssdóttur, sem bjó í húsinu Ham-
borg sem stendur við Hafnarstræti.
  
Í tilefni tímamótanna verður
dagskrá í minningu Jonna á sal
Menntaskólans á Akureyri í dag og á
Götubarnum í kvöld.
Jonni fór að heiman um tvítugt,
til Reykjavíkur til að stunda tónlist-
arnám. Hann fór utan til náms og
átti að leika með þeirri kunnu söng-
konu Elsu Sigfúss í Kaupmannahöfn
árið 1946, 22 ára að aldri, en lést af
slysförum áður en af tónleikunum
varð.
  
„Ég opnaði fyrir prestinum,
séra Friðriki Rafnar, þegar hann
kom heim í Hamborg að færa okkur
tíðindin. Hann vísiteraði aldrei en
kom því miður þennan dag. Það var
hryllilegt,“ sagði Sólveig Björg
Dyrhe Hansen við Morgunblaðið í
gær.
Sólveig Björg var 19 ára þegar
bróðir hennar lést. „Við vorum mjög
náin. Steingrímur bróðir okkar var
13 árum eldri þannig að við Jonni
vorum einu börnin á heimilinu þegar
ég var að alast upp.“ Sólveig sagðist
ekki hafa hugsað sér að koma heim
til að vera við athöfnina, en sonum
hennar hafi ekki fundist annað hægt
og hún látið tilleiðast.
  
Jonnni var demantur við píanóið
og fyrsti konsertmeistari Mennta-
skólans á Akureyri, en enginn engill
frekar en aðrir dauðlegir menn.
„Hann var eiginlega rekinn úr
Menntaskólanum! Fékk sér senni-
lega aðeins of mikið að drekka eins
og gengur, fór að tuskast við ein-
hvern dreng á skólaballi og Sigurður
skólameistari rak hann. Brottrekst-
urinn tók þó ekki gildi fyrr en á
mánudegi því Jonni átti að spila á
tónleikum með skólahljómsveitinni á
laugardagskvöldi,“ segir hún.
  
„Þetta var voðalegt fyrir fjöl-
skylduna og drenginn; hann var al-
veg miður sín. Málið var leyst
þannig að hann var látinn búa á
heimavist [Menntaskólans] um
tíma og strákur þaðan bjó hjá okk-
ur í Hamborg. En hann hlaut upp-
reisn æru og fékk bók í kveðjugjöf
frá skólanum við útskrift,“ segir
Sólveig Björg.
  
Afmælisdagskrá hefst í Kvos-
inni, sal MA, í dag kl. 17. Þar mun
Jón Hlöðver Áskelsson tónskáld
fjalla um Jonna í Hamborg með að-
stoð Agnars Más Magnússonar, eins
færasta djasspíanista okkar daga.
Brugðið verður upp myndum og les-
ið úr bréfum Jonna. Afmæliskaffi og
kökur verða í boði MA.
  
Frönsk kvikmyndahátíð, sem
haldin var í Reykjavík á dögunum,
flyst nú til Akureyrar og Fjalla-
byggðar, þar sem nokkrar myndir
verða sýndar; í Fjallabyggð 15. mars
en á Akureyri 16. til 19. mars.
  
Fyrsta myndin, Málverkið (Le
Tableau), verður sýnd á sunnudag-
inn. Á Akureyri verða allar sýning-
arnar í menningarhúsinu Hofi.
  
Austfirskar hljómsveitir troða
upp á Græna hattinum um helgina.
Bloodgroup á föstudagskvöld og Sú-
Ellen á laugardag.
Af demöntum í
skíðabrekkum og
við slaghörpuna
Ljósmynd/Þórhallur Jónsson
Frábær tilþrif Keppendur léku listir sínar á fyrstu vetrarleikunum. Hátíðin hefur þegar fest sig í sessi.
Minning Jonni í Hamborg; Jóhann-
es Gísli Vilhelm Þorsteinsson.