Morgunblaðið - 26.04.2014, Blaðsíða 11

Rýmið er ekki mikið á Kigali en þar er andrúmsloftið notalegt og elskulegheit mæta viðskiptavinum.
sérstaklega þessar gæðabaunir,
enda er F2C-kaffið margverðlaun-
að. Sanngirni í viðskiptum er líka
stefnan hjá F2C og því er passað
upp á að bændur sem framleiða
baunirnar séu sáttir við sinn hlut.“
Íslenskur pennavinur
Augustin segist fyrst hafa
heyrt af Íslandi þegar hann sem
ungur skólapiltur hitti Íslendinginn
Bergsvein Birgisson, nú rithöfund
og höfund bókarinnar Svar við bréfi
Helgu. „Bergsveinn kom til Búr-
úndí þegar hann var á mennta-
skólaaldri og með okkur tókst góð
vinátta. Við héldum alltaf sambandi
í gegnum bréfaskriftir, vorum það
sem kallað er pennavinir, og hann
kenndi mér margt um íslenska
menningu. Hann er að sjálfsögðu
ástæða þess að ég kom hingað í
upphafi. Hann hefur verið mér góð-
ur vinur og hann á þetta kaffihús
með mér,“ segir Augustin sem er
afar áhugasamur um íslenska tungu
og hefur lært að tala hana og skilja,
enda er hann mikill tungu-
málamaður og talar fimm tungu-
mál. Augustin segir Ísland sann-
arlega vera land töfranna því hér
kynntist hann unnustu sinni, Made-
leine Scherrer, sem býr í Sviss.
Hún er í stuttri heimsókn hjá Aug-
ustin um þessar mundir og hjálpar
til við afgreiðsluna á Kigali. Hún
talar fína íslensku rétt eins og unn-
ustinn, enda hefur hún komið
margoft til Íslands, m.a. til að vinna
á bóndabænum Vatnsnesi í Húna-
þingi hjá Kristbjörgu Austfjörð og
Jakobi Hermannssyni. „Ég ætla að
fara með Madeleine til Rúanda
núna í maí, það verður í fyrsta
skipti sem hún kemur til Afríku og
verður spennandi fyrir okkur bæði.
Ég hlakka til að hitta ættingja
mína.“
Spilað Augustin kennir kærustunni spil frá Rúanda.
Facebooksíða Kigali-kaffihúss-
ins: Kigali Kaffi
Nánar um gæðakaffið F2C á
vefsíðunni www.nzozi.com.
Kósí Gott að horfa út þegar kaffi er sötrað.
DAGLEGT LÍF 11
MORGUNBLAÐIÐ LAUGARDAGUR 26. APRÍL 2014
Ókeypis fjölskylduskemmtanir eru
ævinlega kærkomnar, enda eru þær
ómetanlegar stundirnar þegar börn
og fullorðnir skemmta sér saman. Í
dag er einmitt lag fyrir fjölskyldur
að fara saman í hellaferð, grilla,
hoppa og keyra kassabíla, því það
verður sannkölluð vorhátíð í Kald-
árseli, við
Kaldárselsveg í Hafnarfirði, frá
klukkan 15-17. Á grillinu verða pyls-
ur og sykurpúðar, fyrir þá fjörugu
verður bæði hoppkastali og kassa-
bílar, og fyrir þá sem vilja skreyta
sig verður hægt að fá andlitsmáln-
ingu. Og allir geta tekið þátt í Kald-
árselsleikunum. Klukkan 15.30 verð-
ur svo lagt af stað í hellaferð undir
leiðsögn landfræðings, heldur betur
spennandi að kanna undur náttúr-
unnar.
Ókeypis og allir velkomnir.
Vorhátíð í Kaldárseli í dag
Krakkafjör Það er alltaf gaman þegar
krakkar leika saman úti í náttúrunni.
Hellaferð
og fleira
skemmtilegt
Nýstárlegt og glæsilegt útlitið kemur á óvart, en þú verður fyrst verulega hissa þegar þú kemur inn í bílinn og finnur hversu rúmgóður hann er.
Fóta- og höfuðrýmið í þessum fyrsta hlaðbaki sinnar tegundar frá Škoda er nefnilega það mesta sem fyrirfinnst í þessum stærðarflokki bíla.
Skyggða sóllúgan, sem hægt er að fá sem aukabúnað, og stór afturrúðan auka svo enn frekar á frelsistilfinninguna. Þegar við þetta bætast
allar góðkunnu „Simply Clever“ lausnirnar frá Škoda er útkoman bíll sem á engan sinn líka. Sestu inn og njóttu þess að láta fara vel um þig.
Nýr ŠKODA Rapid Spaceback
HEKLA · Laugavegi 170-174 · Reykjavík · Sími 590 5000 · www.skoda.is
5 stjörnur í árekstrar-
prófunum EuroNcap
Eyðsla frá 4,4 l/100 km CO2 frá 114 g/km
114g
4
,4
Nýr ŠKODA Rapid Spaceback kostar aðeins frá:
3.080.000,-
m.v. ŠKODA Rapid Spaceback 1.2TSI, 86 hestöfl, beinskiptur.
SIMPLY CLEVER
UPPLIFÐU
RÝMI