Morgunblaðið - 26.04.2014, Blaðsíða 22

22 FRÉTTIRErlent
MORGUNBLAÐIÐ LAUGARDAGUR 26. APRÍL 2014
Kjartan Kjartansson
kjartan@mbl.is
Efnahagsástandið í Úkraínu var
slæmt áður en ófriður braust út í
landinu í nóvember. Óstöðugleikinn
sem hefur ríkt síðan hefur síst bætt
stöðuna og er farinn að taka sinn toll
af íbúunum.
Rússar hafa dregið fjárhags-
aðstoð sína við Úkraínu til baka og
gasfyrirtækið Gazprom hefur krafið
þarlend stjórnvöld um jafnvirði
milljarða króna vegna ógreiddra
reikninga.
Gjaldmiðillinn, hryvnia, hefur tap-
að um þriðjungi af verðmæti sínu frá
upphafi þessa árs og verðlag fer sí-
hækkandi þrátt fyrir neyðarinngrip
seðlabanka landsins sem hækkaði
stýrivexti verulega.
Fyrir vikið hafa nauðsynjar rokið
upp í verði. Eldsneytisverð hefur
tvöfaldast á tveimur mánuðum og
fyrr í þessari viku tilkynnti stærsti
brauðframleiðandi landsins að hann
ætlaði að hækka verð um 10%.
„Efnahagslífið er afar veikt. Fólk
á engan pening. Fyrir tveimur eða
þremur árum keypti fólk meira um
jól og páska,“ segir Valerí Líatsj-
enkó, slátrari í Kænugarði, við AFP-
fréttastofuna.
Ætla ekki að gefast upp
Ástandið í Úkraínu virtist ekki
friðvænlegra í gær. Degi eftir að
Úkraínumenn létu til skarar skríða
gegn stuðningsmönnum Rússa sem
hafa haldið stjórnarbyggingum í
Slavíansk, hétu aðskilnaðarsinnarnir
því að gefa ekkert eftir. Úkraínski
herinn er nú með bæinn í herkví.
Tónninn í leiðtogum Úkraínu og
Rússlands var ekki friðsamlegri
heldur. Arsení Jatsenjúk, forsætis-
ráðherra Úkraínu, sakaði Rússa í
gær um að vilja koma af stað „þriðju
heimsstyrjöldinni“ með því að her-
taka Úkraínu bæði „hernaðarlega og
pólitískt“ og með því að hefja átök
sem myndu breiðast um Evrópu.
Ráðherrann var sérstaklega harð-
orður og líkti stjórnvöldum í Moskvu
við glæpamenn sem styddu hryðju-
verkamenn. Sergei Lavrov, utanrík-
isráðherra Rússlands, hefur sagt að
aðgerðir Úkraínumanna gegn að-
skilnaðarsinnunum séu „blóðugur
glæpur“ og þeir sem frömdu hann
muni gjalda fyrir þær.
Barack Obama, forseti Bandaríkj-
anna, og leiðtogar Evrópuríkja, vör-
uðu Rússa við frekari refsiaðgerð-
um. Þeir yrðu að gera sitt til að
draga úr spennunni í Úkraínu.
Lavrov sagði Rússa ætla sér að
standa við samkomulagið sem gert
var í Genf en sakaði bandarísk
stjórnvöld um að setja fram „ein-
hliða kröfur“.
Verðbólga og gengishrun tekur toll
 Gjaldmiðill Úkraínu hefur fallið um þriðjung frá byrjun árs  Eldsneytis- og matvælaverð snar-
hækkar  Forsætisráðherra Úkraínu sakar Rússa um að koma af stað „þriðju heimsstyrjöldinni“
AFP
Varðstöð Úkraínskur lögreglumaður stendur vörð við eftirlitsstöð utan við
Slavíansk. A.m.k. tveir aðskilnaðarsinnar féllu þar á fimmtudaginn.
Samkomulag um friðarviðræður
sem bandarískum stjórnvöldum
tókst að koma á milli Ísraela og Pal-
estínumanna virðist vera fyrir bí
eftir að Ísraelar frestuðu viðræðum
á fimmtudag. Frestur til að ljúka
viðræðum rennur út á þriðjudag.
Benjamín Netanyahu, forsætis-
ráðherra Ísraels, sakar Mahmoud
Abbas, forseta Palestínu, um að
mynda bandalag með Hamas. Ísr-
aelar og vestrænar þjóðir líta á þau
sem hryðjuverkasamtök. Abbas
skrifaði í vikunni undir samstöðu-
samkomulag við Hamas.
Friðarviðræðurnar höfðu gengið
brösulega fyrir og ólíklegt var að
fresturinn yrði framlengdur. Lausn
fanga, tilraunir Palestínumanna til
fá aðild að stofnunum Sameinuðu
þjóðanna og stækkun land-
tökusvæða Ísraela hafa verið helstu
þrætuepli þjóðanna.
Barack Obama, Bandaríkja-
forseti, sagði að samkomulag Ab-
basar við Hamas hefði ekki verið
„hjálplegt“ en sagðist ekki myndu
gefast upp á friðarferlinu sem John
Kerry, utanríkisráðherra kom af
stað.
AFP
Sátt Fulltrúar Fatah-hreyfingarinnar og Hamas undirrita samkomulag á
miðvikudag. Erjur hafa verið milli hópanna tveggja undanfarin ár.
Gefst ekki upp á ferlinu
þrátt fyrir frestun Ísraela
Farþegi flug-
vélar Virgin-
flugfélagsins í
Ástralíu var
handtekinn við
komuna til Balí í
gær eftir að hann
reyndi að brjóta
sér leið inn í
stjórnklefa vél-
arinnar.
Í fyrstu var
talið að tilraun hefði verið gerð til
að ræna vélinni en forsvarsmenn
flugfélagsins segja að það hafi
byggst á misskilningi. Farþeginn,
ástralskur karlmaður á þrítugs-
aldri, hafi verið drukkinn og æstur.
Hann hafi barið á dyr stjórnklefans
en hafi ekki komist inn. Áhöfnin
hafi yfirbugað hann.
Flugvellinum á Balí var lokað um
tíma vegna uppákomunnar og tók
indónesíski flugherinn á móti vél-
inni. Skömmu síðar komst flug-
umferð aftur í samt horf.
INDÓNESÍA
Reyndi að brjótast
inn í stjórnklefann
Hermenn færa
manninn burt.
VELDU VIÐHALDSFRÍTT
Sýningarsalur í Skipholti 35 • Seljabót 7, Grindavík • www.pgv.is • Sími 510 9700
• Barnalæsing
• Mikil einangrun
• CE vottuð framleiðsla
• Sérsmíði eftir málum
• Glerjað að innan
• Áratuga ending
• Næturöndun
PVC gluggar og hurðir - íslensk framleiðsla fyrir íslenskt veðurfar
Smáratorgi 1, 201 Kópavogi, sími 588 6090, vl@simnet.is
Verkfæralagerinn
Mán.-fim. kl. 9-18, fös. kl. 9-18:30, lau. kl. 10-18, sun. kl. 12-17
Garðverkfæri í frábæru úrvali
1.395
frá 495
Stunguskófla STRÁ-
KÚSTA
R
SUMA
R
TILBOÐ
795,-
Ruslapokar stórir,
sterkir 10 & 50 stk. rúllur
Rafmagnskefli og snúrur,
frábært úrval
Yfirbreiðslur
margar stærðir
1.195
Malarskófla
frá 995
Hrífur
frá 1.495
Laufhrífur
frá 250
Garðhanskar
í miklu úrvali
4.995
Bílabónvél
frá 995
Bensínbrúsar
5L, 10L, 20L
frá 1.995
Bílamottur
frá 995
Úðabrúsar
margar stærðir, 1L