Morgunblaðið - 10.07.2014, Page 15

FRÉTTIR 15Erlent
MORGUNBLAÐIÐ FIMMTUDAGUR 10. JÚLÍ 2014
SVIÐSLJÓS
Bogi Þór Arason
bogi@mbl.is
Tugir Palestínumanna liggja í valnum
eftir að Ísraelsher hóf loftárásir á
Gaza-svæðið til að binda enda á flug-
skeytaárásir Palestínumanna á Ísrael.
Óttast er að mannfallið aukist til mik-
illa muna meðal óbreyttra borgara ef
Ísraelar hefja landhernað gegn Ha-
mas-samtökunum sem eru við völd á
Gaza-svæðinu.
Á meðal þeirra sem hafa beðið bana
í árásum Ísraelshers eru liðsmenn Ha-
mas-samtakanna en einnig börn og
fleiri saklausir Gaza-búar. Enginn Ísr-
aeli hafði fallið í gær í árásum Palest-
ínumanna sem skutu á annað hundrað
flugskeytum á Ísrael, meðal annars
Jerúsalem og Tel Avív.
Ráðamenn í Bandaríkjunum, Evr-
ópusambandinu og arabaríkjum hafa
krafist þess að árásunum verði hætt
tafarlaust. Óttast er að þær kyndi und-
ir spennunni í Mið-Austurlöndum og
leiði til ófriðarbáls sem breiðist út.
Talsmaður Baracks Obama Banda-
ríkjaforseta fordæmdi flugskeytaárás-
irnar á Ísrael.
„Við getum ekki liðið flugskeyta-
árásir sem beinast að óbreyttum borg-
urum og við styðjum rétt Ísraela til að
verja sig gegn þessum grimmilegum
árásum,“ sagði hann.
Benjamin Netanyahu, forsætisráð-
herra Ísraels, sagði að markmiðið með
loftárásunum á Gaza væri að binda
enda á flugskeytaárásir Palestínu-
manna á byggðir í Ísrael. „Þess vegna
hef ég fyrirskipað hernum að auka
verulega umfang hernaðaraðgerðanna
gegn hryðjuverkamönnum Hamas og
öðrum hryðjuverkahreyfingum á
Gaza,“ sagði Netanyahu í sjónvarps-
ávarpi. „Ég hvet ykkur til að sýna þol-
inmæði vegna þess að hernaðarað-
gerðirnar gætu tekið langan tíma.“
Hafa einangrast
Á meðal þeirra sem létu lífið í loft-
árásunum var foringi í palestínsku
hryðjuverkasamtökunum Íslamskt jí-
had og tvö börn og tvær konur í fjöl-
skyldu hans í bænum Beit Hanun á
norðanverðu Gaza-svæðinu. Nágranni
hans kvartaði yfir að ríki heims stæðu
hjá þegar herþotum væri beitt í árás-
um á börn og óbreytta borgara á Gaza-
svæðinu. „Enginn segir neitt, ekki einu
sinni arabar og múslímar. Við erum í
herkví og öllum stendur á sama um
það.“
Ríkisstjórn Ísraels hefur heimilað
hernum að kalla út allt að 40.000
manna varalið vegna hernaðarins. Gi-
deon Saar, innanríkisráðherra Ísraels,
sagði að hernum hefðu ekki verið sett
nein tímamörk. „Við höfum búið okkur
undir alla möguleika, meðal annars
landhernað ef nauðsyn krefur, þótt það
verði ekki fyrsta skrefið. En við erum
tilbúin til þess og þess vegna höfum við
fyrirskipað herkvaðningu 40.000 vara-
liðsmanna.“
Fréttaveitan AFP hefur eftir frétta-
skýrendum að Hamas telji sig engu
hafa að tapa. Daniel Lisman, ísr-
aelskur sérfræðingur í öryggismálum,
segir að Hamas-samtökin hafi átt und-
ir högg að sækja, meðal annars vegna
fjárskorts, og fyrir þeim vaki einfald-
lega að „lifa erfiðleikana af“. Samtökin
séu einangruð eftir að nýju valdhafarn-
ir í Egyptalandi brutu bandamenn
Hamas, Bræðralag múslíma, á bak aft-
ur. Hamas þurfi á einhvers konar
„sigri“ að halda til að auka fylgi sitt
meðal almennings. Sigurinn geti til að
mynda falist í því að knýja Ísraela til að
slaka á hafnbanninu á Gaza eða í því að
hrella Ísraelsher, t.d. með því að skjóta
niður herþotu eða skjóta flugskeyti á
miðborg Tel Avív.
Eiga 10.000 flugskeyti
Ísraelar eru taldir taka verulega
áhættu með því að herða hernaðinn
gegn Hamas. Hætta er á enn meira
mannfalli meðal óbreyttra borgara á
Gaza-svæðinu og hugsanlegt er að pal-
estínsku hreyfingarnar beiti lang-
drægari flugskeytum sem geti ógnað
stærstu borgum Ísraels.
Breska ríkisútvarpið hefur eftir ráð-
herra í ríkisstjórn Ísraels að markmið-
ið með loftárásunum sé að „eyðileggja
hernaðarvél Hamas“, þ.e. eyða flug-
skeytum samtakanna og búnaði til að
skjóta þeim. „Við viljum ekki neina
bráðbirgðalausn, sem væri eins og
skyndiplástur, vopnahlé og síðan yrði
flugskeytum skotið á Ísrael vikuna á
eftir,“ sagði hann.
Talið er að Hamas eigi um 10.000
flugskeyti og geti haldið uppi árásum á
Ísrael í um það bil sex vikur.
Óttast enn meira mannfall
AFP
Sorg Konur syrgja ættingja sem féllu í bænum Beit Hanun á Gaza-svæðinu.
 Tugir manna hafa beðið bana í loftárásum Ísraela sem reyna að binda enda á flugskeytaárásir Hamas
 Ísraelar undirbúa hugsanlegan landhernað  Hætta á miklu mannfalli meðal óbreyttra borgara
Börn meðal látinna
» Að minnsta kosti 43 Palest-
ínumenn hafa beðið bana og
370 særst í loftárásum Ísraels-
hers á Gaza-svæðið frá því að
þær hófust í fyrradag. 21 Palest-
ínumaður lá í valnum í gær, þar
af níu börn og sex konur, að
sögn lækna á Gaza.
» Í minnst fjórum árásum voru
öll fórnarlömbin börn eða konur.
» Herþotur Ísraela höfðu í gær
ráðist á 550 skotmörk á Gaza,
m.a. flugskeyta- og stjórn-
stöðvar Hamas og heimili liðs-
manna samtakanna. Hamas-
menn skutu 165 flugskeytum á
Ísrael og segja að allir Ísraelar
séu réttmæt skotmörk.
» Hamas-samtökin stefna að
því að tortíma Ísrael og stofna
íslamskt ríki í Palestínu.
20” álfelgur, Loftpúðafjöðrun, lyklalaust aðgengi
og ræsing, Rafmagnshleri, Xenon og led ljós,
Panorama, Nappa leðursæti með hita og
kælingu, hiti í stýri, fjarlægðaskynjarar að
framan og aftan. Alpine hljómkerfi með 8,4” snertiskjá, 40 gb hörðum disk, Bluetooth fyrir
síman og tónlistina í símanum þínum, Bakkmyndavél, 8 gíra sjálfskiptur, mjög fullkomið
fjórhjóladrif með lágu drifi, V6, 3.6, 290 hö með eyðslu aðeins 10,4 í blönduðum akstri og
8,2 í langkeyrslu, Rosalega flottir og vel búnir bílar, komdu og skoðaðu,
17” álfelgur, lyklalaust aðgengi og ræsing,
Rafmagnshleri, rafdrifnar afturhurðar, 7 manna,
Glertopplúga, Leðursæti með hita, hiti í stýri,
fjarlægðaskynjarar að aftan, Stow n go, Xenon,
Alpine hljómkerfi með 7” snertiskjá, 40 gb hörðum disk, Bluetooth fyrir síman og tónlistina
í símanum þínum, Bakkmyndavél, Blueray DVD spilari með 2 skjám afturí og aukatengi
möguleikum, HDMI, USB ofl V6, 3.6, 290 hö með eyðslu aðeins 11,8 í blönduðum akstri og 9,4
á langkeyrslu, 6 gíra sjálfskiptur, Rosalega flottir, vel búnir og mjög rúmgóðir bílar.
Jeep Grand Cherokee Overland 2014 Chrysler Town & Country Limited 2014
Við sérpöntumallar gerðirbíla frá USA
og Evrópu
Frábært tilboð
sverð,
aðeins 10.990.000
kr.
Bestu lúxus
jeppakaupin
í dag
Hin fullkomni fjölskyldubíll
með öllum lúxus
og nógu plássi
fyrir fólk og
farangur,
Frábært tilboð
sverð,
aðeins 8.390.000 k
r.
Komdu til okkar og skoðaðu
Þverholt 6 - 270 Mosfellsbæ - Sími 534 4433 - Fax 534 4430 - isband@isband.is - www.isband.is
Opið alla virka daga frá 10-18 – LOKAÐ laugardaga