Morgunblaðið - 23.07.2014, Blaðsíða 2

2 FRÉTTIRInnlent
MORGUNBLAÐIÐ MIÐVIKUDAGUR 23. JÚLÍ 2014
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
SÉRHÆFING Í VIÐHALDI GÓLFA
Við sérhæfum okkur í slípun og olíuburði á
sólpöllum, gerum gamla pallinn flottari en nýjan.
Fjalirnar verða rennisléttar og timbrið nær aftur
sínum náttúrulega lit.
GERUM SÓLPALLINN
EINS OG NÝJAN
info@golfthjonustan.is | golfthjonustan.is
S: 897 2225
„Þetta var lágstemmt og rólegt en fallegt og
það var mikill samhugur í fólki,“ sagði Stefán
Rafn Sigurbjörnsson, formaður Ungra jafn-
aðarmanna, í gærkvöldi eftir minningarathöfn
um voðaverkin í Ósló og Útey 22. júlí 2011, þar
sem alls 77 létu lífið, þar af 69 ungmenni í
Útey.
Sendiherra Noregs, Dag Wernø Holter,
ávarpaði viðstadda, sem meðal annars sungu
saman „Umkringd af óvinum“, viðhöfðu mín-
útuþögn og lögðu rósir í Minningarlundinum í
Vatnsmýrinni.
Mikill samhugur í fólki
Morgunblaðið/Árni Sæberg
Ungir jafnaðarmenn efndu til minningarathafnar um voðaverkin í Ósló og Útey
Baldur Arnarson
baldura@mbl.is
Hanna Birna Kristjánsdóttir
innanríkisráðherra segir brýnt að
huga að viðhaldi vega næstu árin.
Tilefnið eru þau ummæli Hreins
Haraldssonar vegamálastjóra í
Morgunblaðinu í gær að vegna
ónógs viðhalds sé hætta á „að
vegakerfið smám saman brotni
niður og verði hættulegt umferð-
inni“.
„Ríkisstjórnin hefur ítrekað sagt
að við viljum halda samgönguáætl-
un, sem er gerð til fjögurra ára,“
segir Hanna Birna. „Við viljum
reyna að tryggja að það fjármagn
sem gert er ráð fyrir á næstu fjór-
um árum haldist. En hvernig það
raðast niður á ár, eins og ég hef
ítrekað sagt á þingi, get ég ekki
fullyrt um núna. Við erum að miða
við sama fjármagn á næstu fjórum
árum. Við erum mjög meðvituð um
það og ég er sammála því sem haft
er eftir vegamálastjóra í Morgun-
blaðinu, að öryggi og viðhald er
forgangsatriði á næstu árum. Við
vitum að vegakerfið hefur þurft að
þola niðurskurð eins og allt annað
og við vitum að það er kominn tími
á ákveðna þætti þar.“
Fjármagnið er takmarkað
– Nægja þeir fjármunir sem
gert er ráð fyrir í samgönguáætl-
un til þess að hægt sé að halda
vegakerfinu í viðunandi horfi?
„Ég tel að við þurfum að for-
gangsraða með ákveðnari hætti í
þágu samgöngumála og hefðum
þurft þess á undanförnum árum.
Hins vegar er staðan sú að fjár-
magnið er takmarkað. Meginverk-
efnið er að tryggja að rekstur
ríkissjóðs sé hallalaus. En
forgangsröðunin, eins og ég hef
bent á og ítrekað, verður að vera í
þágu viðhalds og öryggis. Það get-
ur hins vegar þurft að koma niður
á nýframkvæmdum en áherslan er
skýr og verður að vera það.“
– Forsætisráðherra sagði í sam-
tali við Morgunblaðið í maí að
staða efnahagsmála væri betri en
hann hefði búist við að hún yrði
þegar ný ríkisstjórn tók við völd-
unum í fyrrasumar. Hagtölur eru
á uppleið. Er að skapast meira
svigrúm til framkvæmda en þið
ráðgerðuð í fyrra?
„Við hljótum öll að vona það en
ég þori ekkert að fullyrða um það.
Ég er sammála fjármálaráðherra
um að líta á það sem meginmark-
mið þessarar ríkisstjórnar að ná
hallalausum fjárlögum. Ég tel að
hans agi í því sé mjög mikilvægur
og hljóti að hafa áhrif á allar
ákvarðanir.“
Ýmislegt bendir til bata
„Ég vona auðvitað að í framtíð-
inni sjáum við nýja og bætta stöðu
– og það er ýmislegt sem bendir til
þess – en ég held að það þýði ekki
að við getum slakað á í þeim aga
sem fjármálaráðherra er með
gagnvart ríkisrekstrinum. Ríkis-
stjórnin er einhuga í því að þegar
svigrúm skapast verði það nýtt til
mikilvægrar uppbyggingar innviða
og þar eru samgöngumálin í for-
grunni,“ segir Hanna Birna.
Vegakerfið fari í forgang
 Innanríkisráðherra segir brýnt að að ráðast í viðhaldsframkvæmdir á vegunum
 Viðhald geti komið niður á nýframkvæmdum  Útlit fyrir bættan hag ríkissjóðs
„Það getur hins veg-
ar þurft að koma nið-
ur á nýfram-
kvæmdum.“
Hanna B. Kristjánsdóttir
Páll Fannar Einarsson
pfe@mbl.is
Leikskólinn Krílakot á Kópaskeri
verður formlega opnaður aftur þann
18. ágúst næstkomandi en hann hefur
ekki verið starfræktur undanfarin
þrjú ár vegna fárra barna í bænum.
Guðrún S. Kristjánsdóttir, skóla-
stjóri Öxarfjarðarskóla og yfirstjórn-
andi Krílakots, segir opnunina vera
ánægjulega fyrir íbúa Kópaskers.
„Það er verið að bæta þjónustuna
heilmikið fyrir foreldra með lítil börn.
Kópasker er lítið þorp og með því að
opna deildina aftur eru börnin nær
foreldrunum og þeirra vinnu-
stað,“segir Guðrún.
Undanfarin ár hafa foreldrar
barna á leikskólaaldri þurft að senda
börn sín með rútu frá Kópaskeri til
Lundar í Öxarfirði, til að sækja leik-
skólaþjónustu en þangað er um 20
mínútna akstur. Málið var tekið fyrir
á fundi hjá Fræðslu- og menningar-
nefnd Norðurþings fyrr í mánuðinum
en fyrir nefndinni lágu tveir undir-
skriftalistar frá atvinnurekendum og
foreldrum leikskólabarna á Kópa-
skeri. Undir lista atvinnurekenda,
þar sem hvatt var til opnunar leik-
skóla með fullri þjónustu á Kópa-
skeri, rituðu sjö forsvarsmenn fyrir-
tækja á Kópaskeri og í nágrenni, en
að sögn Jóns Grímssonar, eins upp-
hafsmanna undirskriftalistans, getur
leikskóli á Kópaskeri haft úrslitaáhrif
á hvort hægt sé að manna þau störf
sem fyrirtækin þurfa á að halda.
„Þegar leitað er eftir fólki í vinnu er
þetta málið sem strandar á. Við fögn-
um því að menn hafi komist að þeirri
niðurstöðu að það sé skynsamlegt að
opna leikskólann aftur. Okkur vantar
fólk í vinnu og þetta hjálpar til,“ segir
Jón.
Erla Sigurðardóttir, fræðslu- og
menningarfulltrúi Norðurþings,
fagnar því að grundvöllur sé á ný fyr-
ir rekstri leikskóla á Kópaskeri.
„Þetta er mjög jákvætt og einnig til-
raun til þess að liðka fyrir frekari
fjölgun íbúa. Ef fólk veit af leikskóla á
svæðinu eru meiri líkur til þess að
það flytji þangað,“ segir hún.
Leikskólinn opnaður á ný
 Ánægjulegt fyr-
ir íbúa Kópaskers
Ljósmynd/kopasker.123.is
Kópasker Leikskólinn Krílakot.
Dekkjum og felgum var stolið af
jepplingi sem skilinn var eftir ná-
lægt Rifi á Melrakkasléttu eftir um-
ferðaróhapp í fyrradag.
Erlendur ökumaður var á bílnum
og hafði fengið hann að láni hjá vini
sínum. Hann missti stjórn á bílnum,
lenti á grjóthrúgu og bíllinn ger-
eyðilagðist. Bíllinn var skilinn eftir
á slysstaðnum. Þegar hann var sótt-
ur í gær var búið að stela undan
honum dekkjunum og felgunum.
Lögreglan á Húsavík rannsakar
málið og óskar eftir upplýsingum.
Hjólunum stolið
undan löskuðum bíl
Bergþór Karlsson, fram-
kvæmdastjóri Bílaleigu Akur-
eyrar, segir áhyggjuefni hvað
vegir séu víða orðnir lélegir.
„Mörgum malarvegum er
illa haldið við, hvað varðar til
dæmis heflun, hvort sem það
eru hálendisvegir eins og
Kjölur, malarvegir á Vest-
fjörðum, eða hvar sem er á
landinu. Það er það sem við
höfum mestar áhyggjur af.
Það verður tjón út af þessu,
bæði vegna þess að ökumenn
aka út af eða missa bílinn
niður í holur. Það er mjög
mikið um framrúðubrot. Bíl-
veltur eru blessunarlega ekki
algengar. Vegakerfið er að
niðurlútum komið vegna lítils
viðhalds. Margir vegir með
bundnu slitlagi eru illa
farnir.“
Vondir vegir
áhyggjuefni
BÍLALEIGA AKUREYRAR
Lögreglan í Kópavogi hafði í nægu
að snúast í gær en stuttu eftir há-
degi var tilkynnt um hústöku í íbúð
í fjölbýli í bænum sem er í eigu
Íbúðalánasjóðs. Þegar lögreglan
kom á svæðið voru sex ungmenni
innandyra og miklar skemmdir
höfðu verið unnar á húsnæðinu eft-
ir því sem segir í tilkynningu frá
lögreglunni.
Þá var skömmu síðar tilkynnt um
mann sem var að handleika hníf og
sýna unglingum við sundlaug í
bænum. Þegar fullorðinn maður
gerði athugasemdir við þetta við
hnífamanninn á hann að hafa lamið
frá sér. Lögreglan mætti á svæðið
og lagði hald á hnífinn.
Hústaka í íbúð í
eigu Íbúðalánasjóðs