Morgunblaðið - 09.08.2014, Blaðsíða 47

AF LEIKLIST
Silja Björk Huldudóttir
silja@mbl.is
Útileiksýningar leikhópsins Lottu eruorðnar ómissandi hluti af sumar-dagskránni hjá leikhúsunnendum.Frá því að Lotta frumsýndi sína
fyrstu sýningu sumarið 2007 hefur hópurinn
staðið sig frábærlega í því að miðla með skap-
andi og frumlegum hætti sagnaarfinum til
þeirra sem leggja leið sína í Ævintýraskóginn
sem sprettur upp í Elliðaárdalnum flestalla
miðvikudaga sem og víðsvegar út um allt land
um helgar yfir sumarmánuðina þrjá.
Í ár er sjónum beint að sögunum um Hróa
hött og Þyrnirós, en Anna Bergljót Thor-
arensen fléttar í handriti sínu saman sögurnar
tvær af mikilli snilld. Hún leikur sér að orðum
og býr til ófáa brandara með því að snúa upp á
ævintýrin. Í útfærslu hennar er Ríkharður
konungur (Stefán Benedikt Vilhelmsson) faðir
Þyrnirósar (Rósa Ásgeirsdóttir) sem svo aftur
er besta vinkona Hróa hattar (Stefán Bene-
dikt). Í stað þess að láta galdranorn leggja ill
álög á Þyrnirós er það Jóhann prins (Sig-
steinn Sigurbergsson), vondur frændi kon-
ungs sem í þrá sinni til að komast til valda,
formælir Þyrnirós og mælir svo á um að hún
skuli stinga sig á snældu og við það deyja áður
en hún er fullvaxta. Álfkonan Álfrún (Anna
Bergljót) mildar bölvunina og kveður jafn-
framt á um að sannur ástarkoss muni geta
vakið Þyrnirós af svefninum langa. Til að
vernda dóttur sína lætur Ríkharður brenna
allar snældur í ríki sínu, en þegar 16 ára af-
mælisdagur Þyrnirósar nálgast fær Fógetinn í
Ævintýraskógi (Andrea Ösp Karlsdóttir), sem
er hægri hönd Jóhanns prins, snilldar-
hugmynd sem leitt gæti til valdaskipta og
leyft Jóhanni í græðgi sinni að níðast á
varnarlausum íbúum skógarins.
Góð tök á útileikhússtílnum
Líkt og síðustu ár leikur tónlistin stórt hlut-
verk í sýningunni en höfundar hennar eru
Andrea Ösp, Björn Thorarensen, Rósa, Stefán
Benedikt, Sumarliði V. Snæland Ingimarsson
og Þórður Gunnar Þorvaldsson. Meira fer fyr-
ir flottum kórútsetningum í hópsenum en oft
áður og skrifast það vafalítið á Björn, sem
leikur Tóka munk í sýningunni og sér um all-
an undirleik. Meðal laga sem hann semur eru
„Örlög“ sem vakti hugrenningartengsl hjá
undirritaðri við lagið „Do You Hear the
People Sing“ úr söngleiknum Vesalingunum.
Aðeins eitt tónlistaratriði er ekki frumsamið,
en þar er á ferðinni ástarlagasyrpa milli vin-
anna Hróa og Þallar (Anna Bergljót) þar sem
vísað er með stórskemmtilegum hætti í hátt á
annan tug íslenskra dægurlaga og iðulega
snúið örlítið upp á upprunalega textann áhorf-
endum til mikillar skemmtunar. Sævar Sig-
urgeirsson fer á kostum í sönglagatextasmíð
sinni og smíðar m.a. nýyrði á borð við
„heildarlausnaráætlun“ og „rumpuræningi“.
Leikhópurinn hefur haldist nær óbreyttur á
síðustu árum og því býr hann orðið yfir mikilli
reynslu af því að leika úti undir berum himni
þannig að allt komist til skila til áhorfenda,
jafnt texti sem og látbragð, sem er alls ekkert
áhlaupaverk. Leikstíllinn einkennist af mikilli
orku og glettni. Þar sem aldursbreiddin í
áhorfendahópnum er mikil, allt frá þriggja ára
og upp úr, er ávallt þakklátt þegar allir fá eitt-
hvað fyrir sinn snúð. Þannig er jafnt notast
við ærslafenginn aulahúmor sem nær vel til
yngri áhorfenda sem og skemmtilegar texta-
vísanir sem aðeins fullorðna fólkið kveikir á.
Mikilvægur boðskapur
um réttlætið og ástina
Sviðsmyndin er einföld, en þjónar tilgangi
sínum vel. Þar gegna snúningsdyr lykilhlut-
verki í snöggum skiptingum og málverk eru
notuð með sérlega skemmtilegum hætti til að
miðla sögunni. Litríkir búningar Kristínar R.
Berman eru mikið fyrir augað, en hver per-
sóna fær sinn afmarkaða lit sem auðveldar
áhorfendum að fylgja sögunni, en flestir leik-
aranna bregða sér í fleira en eitt hlutverk.
Vigni Rafni Valþórssyni ferst leikstjórnin afar
vel úr hendi, sviðsumferðin er vel útfærð og
margar sviðslausnir góðar. Snjöll er t.d. lausn-
in sem notuð er þegar skjóta þarf af boga.
En hvaða lærdóm má svo draga af þessum
tveimur óskyldu ævintýrum sem fléttað hefur
verið saman þetta sumarið af fimum höndum
Lottu? Réttlætið sigrar að lokum, hugrekki er
mikilvægt veganesti og ástin spyr ekki um
stétt né stöðu hvað þá annað. Í lokalagi verks-
ins segir m.a.: „Já, það skiptir öllu máli að
vera hugrakkur og hæfur […] Já, það skiptir
öllu máli að vera manneskja sem getur miðlað
af því góða svo að öðrum líði betur.“
Sýningin Hrói höttur er rós í hnappagat
Lottu sem hópurinn getur verið stoltur af.
Vonandi mun Lotta halda áfram að gleðja
unga jafnt sem aldna um ókomin ár, enda sem
betur fer enn nóg af ævintýrum og þjóðsögum
sem hópurinn getur leikið sér með á sinn
skapandi og frumlega hátt.
Ævintýrin eru fyrir alla
Morgunblaðið/Golli
Fjölhæf Leikarar sýningarinnar í hlutverkum sínum sem Tóki munkur, Fógetinn, Þöll, Hrói höttur, Þyrnirós og Jóhann prins.
»Vonandi mun Lotta haldaáfram að gleðja unga jafnt
sem aldna um ókomin ár, enda
sem betur fer enn nóg af ævin-
týrum og þjóðsögum sem hóp-
urinn getur leikið sér með á sinn
skapandi og frumlega hátt.
MENNING 47
MORGUNBLAÐIÐ LAUGARDAGUR 9. ÁGÚST 2014
Menntaskólinn
við Hamrahlíð
www.mh.is
Danska/Danish (6 einingar/10 fein*), mán. 18. ágúst kl. 16:00.
Enska/English (9 einingar/15 fein*), mán. 18. ágúst kl. 16:00.
Franska/French (12 einingar/20 fein*) fim. 14. ágúst kl. 16:00.
Ítalska/Italian (12 einingar/20 fein*), fim. 14. ágúst kl. 16:00.
Norska/Norwegian (6 einingar/10 fein*), mán. 18. ágúst kl. 16:00.
Spænska/Spanish (12 einingar/20 fein*), fös. 15. ágúst kl. 16:00.
Stærðfræði/ Mathematics
(stæ103/5 fein, stæ203/5 fein , stæ263/5 fein) fim. 14. ágúst kl. 18:00.
Sænska/Swedish (6 einingar/10 fein*), mán. 18. ágúst kl. 16:00.
Þýska/German (12 einingar/20 fein*), fim. 14. ágúst kl. 16:00.
*hámarks einingafjöldi sem hægt er að ná, frá og með fyrsta áfanga á framhaldsskólastigi.
Rafræn skráning í stöðupróf fer fram á heimasíðu skólans www.mh.is. Frekari upplýsingar
á skrifstofu skólans í síma 595-5200. Sýna þarf persónuskilríki með mynd í prófinu.
Prófgjald, kr. 8.000 fyrir hvert próf, ber að greiða inn á reikning Menntaskólans við Hamrahlíð
í banka 323 hb 26 nr 106, kt. 460269-3509. Greiðslufrestur er til hádegis á prófdegi, nauðsynlegt er
að fram komi nafn og kennitala próftaka. Réttur til próftöku byggist á að prófgjald hafi verið greitt.
PLACEMENT TESTS
Placement tests (for Secondary School credit) will be held at Menntaskólinn við Hamrahlíð
in the subjects listed above.
On-line registration takes place on the school website www.mh.is. For more information
call the school office tel. 595-5200 after August 10th. Everyone sitting the test must show
an ID with a picture.
The fee, kr. 8.000 per test, should be paid to the account of the Menntaskólinn við Hamrahlíð
bank 323 – 26 – account no. 106, id. 460269-3509 before noon on the day of the test.
Please provide the name and identification number of the examinee when paying.
Only those that have paid can sit the exam. Rektor.
STÖÐUPRÓF Í ÁGÚST 2014
Stöðupróf á vegum mennta- og menningarmálaráðuneytisins verða haldin
í Menntaskólanum við Hamrahlíð sem hér segir:
Íslenska raftónlistarveitan Möller
Records mun, í samstarfi við Kraum
tónlistarsjóð og Menningar- og lista-
félag Hafnarfjarðar, efna til raf-
tónleika í kvöld kl. 21 í Bæjarbíói í
Hafnarfirði.
Um er að ræða lokahóf tónlist-
arveislunnar „Möller um landið“ en
Möller Records hefur verið að
ferðast um Ísland í sumar og haldið
ókeypis raftónleika fyrir landsmenn.
Á tónleikunum koma fram Árni2,
Jafet Melge, Steve Sampling og Or-
ang Volante. Aðgangur er ókeypis.
Lokahóf Steve Sampling.
Raftónlist-
arveisla í
Bæjarbíói