Morgunblaðið - 18.08.2014, Síða 10

10 DAGLEGT LÍF
MORGUNBLAÐIÐ MÁNUDAGUR 18. ÁGÚST 2014
Þórunn Kristjánsdóttir
thorunn@mbl.is
Hugmyndin á bak viðborgarbýlið Seljagarð erað skapa samfélag þarsem fólk vinnur saman í
náttúrulegu umhverfi og ræktar líf-
rænan mat. Sjálfbærni er höfð að
leiðarljósi og fræðslustarf er ríkur
þáttur í samfélaginu. Hátt í fjörutíu
manns um allan bæ hefur tekið þátt í
verkefninu með einum eða öðrum
hætti.
„Við erum alltaf að fljúga mat
til og frá landinu með tilheyrandi
kostnaði, sem er ekki umhverfis-
vænt. Þess þyrfti ekki ef við gætum
öll ræktað okkar eigin fæðu í ríkari
mæli,“ sagði Þórey Mjallhvít H.
Ómarsdóttir, ein af driffjöðrum
verkefnisins.
Í upphafi ársins sótti hópurinn
um lóð fyrir garð og fékk úthlutað í
gömlu skólagörðunum í Jaðarseli.
Ekki var setið við orðin tóm og haf-
ist var strax handa við að undirbúa
garðinn fyrir sáningu.
Pólitísk hugsjón á bak við
samfélagið Seljagarð
„Ég tek þátt í verkefninu út frá
pólitískri hugsjón um að skapa sam-
félag sem hefur þetta sameiginlega
markmið,“ sagði Þórey. Áhugi henn-
ar á matjurtaræktun hefur þó vaxið
óðfluga. „Fólk er farið að leita ráða
hjá mér í dag.“
Starfið er enn í mótun og unnið
er að því að finna því góðan farveg
og hentugt skipulag. Á þessu ári hef-
ur helsta vinnan farið í að koma
garðinum í stand, búa til stíga og af-
marka reiti til ræktunar, svo fátt eitt
sé nefnt. Verið er að koma upp
gróðurhúsi sem verður tekið í fulla
notkun á næsta ári. Hópnum áskotn-
aðist stálgrind af húsi sem á eftir að
byggja yfir og finna út hvernig best
henti að nýta.
Á næsta ári er hugmyndin sú að
fólk geti sótt um að vera með af-
markaða reiti í garðinum en jafn-
framt tekið að sér umhirðu á þeim
gróðri og matjurtum sem eru sam-
eiginlegar. Verkefnið hefur verið
kynnt í skólum hverfisins, sem hafa
sýnt því áhuga. Í vetur verður allt
kappt lagt á að kynna verkefnið víða
og fá fleiri til samstarfs, meðal
annars, leik-, grunn- og framhalds-
skóla í hverfinu. Þórey bendir á að
það helsta sem þau vanti sé hús sem
geti gegnt hlutverki samkomuhúss,
að þar geti fólk hist og sótt ýmis
konar fræðslu.
Nokkrir íbúar hverfisins hafa
slegist í hópinn. „Fólk hefur haldið
að við séum eingöngu útvalinn hópur
en því fer fjarri. Við erum í sjálf-
boðaliðavinnu og allir eru vel-
komnir,“ sagði Þórey.
Leikskólinn Jöklaborg og sam-
býli sem eru við hlið Seljagarðs hafa
sýnt verkefninu mikinn áhuga og
tekið þátt í því.
Vistrækt að ryðja sér til rúms
„Ég kem inn í verkefnið á sán-
ingadaginn í vor en hef 20 ára
Rækta matjurtir
saman í Seljagarði
Seljagarður er svokallað borgarbýli í Reykjavík. Þar kemur saman hópur fólks
sem hefur það sameiginlega áhugamál að vilja stunda saman matjurtaræktun í
anda vistræktar. Allri uppskeru er deilt jafnt milli meðlima. Garðurinn er við
Jaðarsel í Breiðholti, þar sem eitt sinn voru skólagarðar borgarinnar. Öllum er
velkomið að taka þátt í verkefninu og leggja hönd á plóg.
Stemning Hungrið satt á sáningarhátíð í vor undir ljúfu gítarspili.
Garðurinn Skipulagið í garðinum að taka á sig mynd en mikil vinna er eftir.
Á þessari vefsíðu, ted.com, er hægt
að hlusta á fjöldann allan af ein-
stökum fyrirlestrum hvaðanæva að
úr heiminum. Umfjöllunarefni þeirra
er jafn fjölbreytt og þeir eru margir
eins og fyrirlesararnir; allt frá
þjóðarleiðtogum til fanga sem hafa
snúið blaðinu við og lifa betra lífi.
Fyrirlestrarnir eru allir fremur
stuttir, frá 10 til 20 mínútna, og eru
á ensku. Það sem þeir eiga sam-
merkt er að þeir skilja allir mikið
eftir sig, fræða og geta jafnvel
breytt viðhorfi áhorfanda ef út í það
er farið.
Vinsælasta fyrirlesturinn hafa yfir
27 milljónir horft á; í það minnsta
hefur yfir 27 milljón sinnum verið
smellt á tengilinn. Umræddan fyrir-
lestur flytur Sir Ken Robinson og út-
leggst heiti hans á íslensku „Hvernig
skólinn drepur niður sköpun“.
Góð vísa er aldrei of oft kveðin og
því ætti enginn ætti að láta þessa
vefsíðu framhjá sér fara.
Vefsíðan www.http://www.ted.com/
Fyrirlestrar Á vefsíðunni ættu allir geta fundið áhugaverða fyrirlestra.
Áhrifamiklir fyrirlestrar
Endurbótastefna og
byltingarstefna: Tvær
sálir verkalýðshreyf-
ingarinnar í Evrópu
nefnist erindi Árna
Daníels Júlíussonar
sem hann flytur í
ReykjavíkurAkademí-
unni í kvöld kl. 20. Er-
indið er á vegum Róttæka sumarháskólans. Þetta er framhald námsstofunnar
„Verkalýðshreyfingin í sögu og samtíð: Umbætur, róttækni eða bylting?“ Í
þessum fyrirlestri verður fjallað um söguleg tengsl verkalýðsbaráttu við rót-
tækt pólitískt andóf í Evrópu.
...Endilega
...hlýddu á erindi Róttæka
sumarháskólans
Erindi Róttæki sumarháskólinn stendur fyrir erindinu.
Ósamræmi er í ráðleggingum um
hvernig best sé að bursta tennurnar,
jafnt fyrir fullorðna sem börn. Þetta
fullyrða breskir vísindamenn við há-
skólann í London, BBC greinir frá.
Samkomulag um hversu oft og hve
lengi eigi að bursta tennur er ekki
fyrir hendi. Ástæðan er sú að ekki
hafa verið gerðar nægjanlega góðar
rannsóknir á þessu sviði. Rannsak-
endurnir könnuðu meðal annars ráð
sem tannlæknafélög höfðu gefið út,
leiðbeiningar frá tannbursta-
framleiðendum og í fræðibókum um
allt sem viðkom tannheilsu.
Ekkert benti til þess að ein aðferð
væri betri en önnur. Rannsakendur
greindu 66 ólíkar aðferðir, hvaðan-
æva úr heiminum, um tannburstun.
Sú algengasta var lóðrétt hreyfing
sem einnig fæli í sér hringlaga hreyf-
ingu.
Flestar ráðleggingarnar mæltu
með að bursta ætti tennurnar tvisvar
á dag. Einungis ein aðferð mælti með
að bursta ætti tennurnar þrisvar
sinnum á dag. Mínútufjöldinn sem
verja á við tannburstun var einnig
ólíkur, flestar mæltu þó með að lág-
marki tveggja mínútna burstun.
Ekki væri hægt að mæla með einni
aðferð umfram aðra. Rannsakendur
voru þó sammála um að fullorðnir
ættu að bursta tennur ungra barna.
Ólíkar ráðleggingar um hvernig best sé að bursta
Hvaða aðferð
er best við að
bursta tennur?
Morgunblaðið/Ásdís
Tannheilsa Flestar ráðleggingar um tannhirðu mæla með að bursta tennurnar
tvisvar á dag. Ósamræmi gætir í leiðbeiningum um hvað sé best.
Skannaðu kóðann
til að fara inn á
vefsíðuna.
Skóla- og frístundasvið
Grunnskólar Reykjavíkur verða settir föstudaginn 22. ágúst.
Nánari upplýsingar um hvenær nemendur í 2.–10. bekk eiga
að mæta svo og 1. bekkingar eru á heimasíðum skólanna.
Þar má einnig sjá hvenær almenn kennsla hefst og innkaupa-
lista. Einnig er hægt að fá upplýsingar hjá skóla- og
frístundasviði Reykjavíkurborgar í síma 411 1111, 411 7007
og á www.skolarogfristund.is. Á sömu vefslóð eru
upplýsingar um frístundaheimili fyrir 6-9 ára börn,
félagsmiðstöðvar fyrir 10-16 ára og skólahljómsveitir.
GRUNNSKÓLAR REYKJAVÍKUR
SKÓLASETNING HAUSTIÐ 2014