Morgunblaðið - 03.06.2014, Qupperneq 28

28 DÆGRADVÖL
MORGUNBLAÐIÐ ÞRIÐJUDAGUR 3. JÚNÍ 2014
þegar þú vilt
kvarts stein
á borðið
Blettaábyrgð
Viðhaldsfrítt yfirborð
Slitsterkt
Bakteríuvörn
Viðarhöfða 1, 110 Reykjavík | Sími 566 7878 | www.rein.is
By Cosentino
Stjörnuspá
21. mars - 19. apríl 
Hrútur Þú ert á kafi að leysa verkefni og
þroskar hæfileika þína um leið. Frá og með
deginum í dag ættirðu hins vegar að geta
horft fram á veginn.
20. apríl - 20. maí 
Naut Það er hverjum manni nauðsynlegt að
losna við og við undan oki hversdagsins.
Gakktu rösklega til verks og fagnaðu svo
tímamótunum.
21. maí - 20. júní 
Tvíburar Þú skalt ekki vera vonsvikinn þótt
eitthvað renni þér úr greipum. Líttu bara um
öxl og sjáðu hverju þú hefur fengið áorkað.
Þú munt njóta aukinna vinsælda á næstunni.
21. júní - 22. júlí 
Krabbi Þú veist að þú ert á réttri leið og þarft
því ekki að gefa neitt eftir. Alla vega er líf
lóttóvinningshafa enginn dans á rósum.
23. júlí - 22. ágúst 
Ljón Samskipti ganga vel þegar þú ert viss
um að hinn aðilinn sé opinn. Hentu fáeinum
hlutum sem þú hefur ekki lengur þörf fyrir
því þeir eru bara fyrir þér.
23. ágúst - 22. sept. 
Meyja Leggðu þig fram um að auka jafnvægi
í lífi þínu. Reyndu að ferðast og eiga sam-
skipti við fólk frá öðrum heimshlutum.
Reyndu ekki að þvinga fram sættir því þær
koma af sjálfu sér með tímanum.
23. sept. - 22. okt. 
Vog Þér finnst of margir sækja að þér í einu
og vilt því leita uppi einveruna. Láttu það
ganga fyrir öllu öðru.
23. okt. - 21. nóv.
Sporðdreki Þú átt auðvelt með að hrífa
áhrifamikið fólk með þér þessa dagana. Ef þú
kemst ekki hjá því skaltu fara vandlega yfir
alla hluti.
22. nóv. - 21. des.

Bogmaður Dagurinn í dag verður ein-
staklega ögrandi, ekki síst fyrir hádegi, en
svo áttu allan seinnipartinn eftir. Einbeittu
þér að eigin gjörðum. Sýndu umburðarlyndi í
umgengni við aðra.
22. des. - 19. janúar 
Steingeit Þú verður að hafa augun opin fyrir
þeim möguleikum, sem felast í lífinu. Gefðu
þeim annað og skemmtilegra nafn, og þú get-
ur tekist á við þau í sama stuðandanum.
20. jan. - 18. febr. 
Vatnsberi Í starfi þínu þarftu nú frekar að
sýna samstarfsvilja en sjálfselsku. Farðu
samt vel með þetta vald þitt og hafðu aðgát í
nærveru sálar.
19. feb. - 20. mars

Fiskar Að leita að ást er þér eðlislægt, en
einkalífið gæti núna haft gott af meðvitaðri
aðgerðum. Sýndu þér líka hollustu eins og
þínum nánustu.
Eins og lætur að líkum hefurmikið verið ort kringum kosn-
ingarnar. Kristján Eiríksson sagði í
kosningavikunni:
„Ekki dugir að gefast upp í kosn-
ingabaráttunni, þótt einn og einn
dyggur kjósandi svíki lit, heldur
safna nýjum liðsmönnum og fersk-
um og áhugaverðum baráttu-
málum.
Hún glaðbeitt og fagnandi stendur á
stokknum
og strengir sín flugvallarheit
þótt Múhameð sjálfur úr Framsókn-
arflokknum
sé farinn í húsnæðisleit.“
Ármann Þorgrímsson orti um
„glæstar vonir í Reykjavík“:
Kosningum er komið að
kjöri sveitarstjórna.
Einhuga menn eru um það
aumingjum skal fórna.
Guðshús byggja og gleðitorg
guði styðja báða.
Þvílík dýrðar drauma borg
og Dagur fær að ráða.
Og eftir kosningarnar sagði
Ágúst Marinósson:
Fagur sem áður er fjörðurinn enn
og fólkið sem glimuna þreytir.
Flestir sem búa þar framsóknarmenn,
flórunni enginn hér breytir.
Nóg er ávallt af Boðnarmiði á
fésbók. Gunnar J. Straumland yrkir
um kjördag:
Sitthvað er að vita og vilja
og vefst fyrir okkur kauðunum.
Ég hygg við ættum helst að skilja
hafrana frá sauðunum.
Skúli Pálsson orti fyrir viku:
Lóupar í grasi gekk,
gogginn á sér brýndi,
herramannamat þar fékk,
maðka sæta tíndi.
Magnús Halldórsson orti í síðustu
viku um „þjáningar í fréttum“:
Oft hafa þingið og þjóðin sannað
að þurrð er á málum brýnum.
Og gott er að fátt mig grætir annað
en geldingar á svínum.
Ólína Þorvarðardóttir orti:
Blika fannir, blána fjöll,
brumar grein í lundi.
Golan vekur grund og völl
og gáru á bláu sundi.
Halldór Blöndal
halldorblondal@simnet.is
Vísnahorn
Kveðið fyrir og
eftir kosningar
Í klípu
„JÁ, ÉG GET BYRJAÐ Á MÁNUDAG, EN ÉG
ÞARF ÞÁ AÐ HÆTTA SNEMMA. ÉG FER
NEFNILEGA Í ANNAÐ ATVINNUVIÐTAL
KLUKKAN ÞRJÚ ÞANN DAG.“
eftir Mike Baldwin eftir Jim Unger
„ÞESSI HOLA ER PAR 12 ÞANGAÐ TIL
VALLARVÖRÐURINN FÆR BORGUÐ LAUN
SEM HANN Á INNI.“
Hermann
Ferdinand
Hrólfur hræðilegi
Grettir
... þegar hann fer á
annað hnéð.
HVERT
ERTU AÐ
FARA?
OG MUNDU AÐ EF ÞÚ
LÝGUR AÐ MÉR, ÞÁ
DETTA HORNIN AF!
ÉG ER AÐ HUGSA UM
AÐ FARA OG SJÁ
BLÓMASÝNINGU
HJÁ KVENFÉLAGINU.
SENNILEGA HEFÐI ÉG ÁTT AÐ
FARA Á ÞESSA BLÓMASÝNINGU
Í ALVÖRUNNI, ÁÐUR EN ÉG
FÓR Á KRÁNA.
KEÐJAN MÍN SLITNAÐI!
ÉG ER FRJÁLS!
LOKSINS GET
ÉG ... UMM ...
HMM ... HUNDAR EIGA ERFITT
MEÐ BREYTINGAR.Víkverji er eins og aðrir áhuga-menn um stjórnmál hugsi yfir
dræmri kjörsókn í nýafstöðnum
sveitarstjórnarkosningum, einkum í
Reykjavík og nágrenni. Satt best
að segja bjóst hann ekki við að sjá
tölur eins og 63% í þessu sam-
hengi. Það er eigi að síður raunin.
Hvað veldur? Það er stóra
spurningin?
Víkverji ræddi við nokkur ung-
menni um helgina, sem flest hver
eru nýlega komin með kosninga-
rétt, og flest höfðu þau sömu sögu
að segja: Stjórnmál höfðuðu ekki
til þeirra og þar af leiðandi sáu þau
ekki ástæðu til að fara á kjörstað.
Þetta er umhugsunarvert fyrir
stjórnmálamenn í þessu landi og
ekki síður sjálft lýðræðið.
Sjálfur man Víkverji eins og
gerst hefði í gær hvað hann var
spenntur þegar hann sjálfur fékk
kosningarétt fyrir rúmum tveimur
áratugum. Sama máli gegndi um
ansi marga í kringum hann. Það
unga fólk var á engan hátt frá-
brugðið unga fólkinu sem Víkverji
ræddi við um helgina – nema hvað
stjórnmál komu því við.
Hvað hefur gerst í millitíðinni?
Mögulega er þetta áhugaleysi
frekar bundið við sveitarstjórn-
armál en landsmál, alltént var
kjörsókn í alþingiskosningunum í
fyrra töluvert skárri. Mögulega
þurfa átakalínur að vera skýrari
eigi kjósendur að ómaka sig á kjör-
stað.
x x x
Síðustu skoðanakannanir fyrirkosningar reyndust
misáreiðanlegar og stjórnmálaskýr-
endur hafa klórað sér í höfðinu yfir
því. Jafnvel gert því skóna að eitt
sé að svara símakönnun og annað
að mæta á kjörstað. Víkverji furðar
sig á því. Hafi fólk á annað borð
nægilega mikla skoðun á stjórn-
málum til að svara skoðanakönnun
hvers vegna í ósköpunum nennir
það ekki að fara á kjörstað? Hitt er
líklegra að þeir sem hafa á annað
borð skoðun en mættu ekki hafi
talið spennuna í kosningunum það
litla að þeirra atkvæði skipti ekki
máli í hinu stóra samhengi. Það er
gamall misskilningur og nýr. Vilji
menn hafa áhrif þýðir ekki að stóla
á aðra. víkverji@mbl.is
Víkverji
Blessun Drottins auðgar og erfiði
mannsins bætir engu við hana.
(Orðskviðirnir 10:22)
Skráðu þig í iPad-áskrift á www.mbl.is/mogginn/ipad/