Morgunblaðið - 11.09.2014, Blaðsíða 23

UMRÆÐAN 23
MORGUNBLAÐIÐ FIMMTUDAGUR 11. SEPTEMBER 2014
Þar sem margir af
viðskiptavinum mínum
ákveða að kaupa eignir
í Osceola-sýslu hérna í
Mið-Flórída taldi ég
mig þurfa að vita eitt-
hvað meira um sýsluna.
Í sýslunni eru meðal
annars bæirnir Kissim-
mee og St. Cloud. Ég
ákvað að leita aðstoðar
hjá Google og sjá hvað
hann gæti gert til þess að fræða mig
um sýsluna, þá datt ég ofan á fram-
tíðarsýn og stefnumótandi áætlun
fyrir sýsluna. Ég verð að segja að
lestur þessarar áætlunar vakti áhuga
hjá mér og mér datt í hug að kannski
hefðu einhverjir á Íslandi áhuga á því
hvernig þeir vinna í Osceola-sýslu í
Mið-Flórída. Til fróðleiks má nefna
að Árnessýsla er rúmlega tvöfalt
stærri en Osceola-sýsla en í Osceola-
sýslu búa um 270.000 manns.
Til þess að bæta sýsluna og gera
hana eftirsóknarverðari sjá stjórn-
endur fyrir sér átta aðalatriði sem
vert er að vinna að. Það er að styrkja
efnahag sýslunnar, gera hana að vin-
sælasta áfangastað fyrir fjölskyldur í
leyfi í heiminum, viðhalda og bæta
hina fallegu náttúru í sýslunni, taka
tillit til mismunandi samfélagshópa
og hefða þeirra, auðvelda tengingar
við helstu áhugaverða staði, bæta
íbúðarhverfin og gera þau auðveldari
fyrir gangandi og hjólandi umferð,
byggja upp stofnbrautir með bland-
aðri byggð ásamt atvinnu og veit-
ingastöðum nálægt og svo síðast en
ekki síst halda upp á söguna, siði og
hefðir. Þeir stefna að því að vera
búnir að ná þessum markmiðum árið
2026 og það áhugaverða við þetta er
að það er sama hvar í flokki menn
eru, þeir eru sammála um þessi
markmið.
Til að styrkja hagkerfið í sýslunni
ætla þeir að auðvelda framleiðslufyr-
irtækjum og rannsóknarfyr-
irtækjum að setjast að í sýslunni.
Byggja upp æfingaraðstöðu og
keppnisaðstöðu til þess að lokka
bæði áhugaíþróttamenn og atvinnu-
íþróttarmenn til þess
að koma í sýsluna.
Hvetja þjónustuaðila
til að setjast að í sýsl-
unni ásamt því að koma
fyrir alþjóðlegri þróun-
armiðstöð fyrir ferða-
mannaiðnaðinn. Skapa
aðstöðu fyrir aukna
verslun og aðstoða við
nýsköpun smáfyr-
irtækja.
Það er einkum fróð-
legt að sjá hvernig þeir
ætla að vera númer eitt
sem viðkomustaður fyrir fjölskyldur
í fríi. Þessu markmiði ætla þeir að ná
með því að gera sýsluna aðlaðandi og
halda henni hreinni. Svo vonast þeir
eftir því að fjölskyldur taki þátt í
íþróttaviðburðum, bæði einstaklinga
og liða í sýslunni. Sýslan leggur
mikla áherslu á að hótelum sé vel við
haldið og þar sé tekið tillit til fjöl-
skyldna. Einnig taka þeir þátt í
markaðsátökum sem auglýsa „Os-
ceola-sýslu“ og styrkja hana sem
vörumerki. Þeir vilja ná til fjöl-
skyldna um allan heim, tryggja að
þeim líði vel og finnist þær vera
öruggar. Síðast en ekki síst reyna
þeir að tryggja að allir geti notið
Flórída.
Osceola-sýsla leggur mikla
áherslu á verndun náttúrunnar og að
fólk geti notið hennar. Þessu mark-
miði ætla þeir að ná með því að
leggja kerfi slóða og vatnaleiða um
sýsluna ásamt því að hlúa að dýralífi
og stjórna fiskveiðum. Einnig ætla
þeir að byggja upp almenningsgarða
með tengingu við náttúruna, þar sem
fólk getur komið og notið þess að
vera saman og njóta útiverunnar.
Þar sem vatnaleiðir til Everglades
fara í gegnum sýsluna vilja þeir einn-
ig sýna gestum hvernig haldið er á
stjórnun vatnsflæðis þangað.
Þar sem ég verð að stytta greinina
ætla ég að hlaupa hratt yfir næstu
fjóra kafla en þeir fjalla um: Að bæta
aðstöðu í skólum, hverfum, auka
flæði umferðar, bæta verslunar-
aðstöðu, halda upp á fjölbreytilegan
bakgrunn íbúa og bæta aðstöðu fyr-
irtækja.
Sýslan leggur mikla áherslu á að
kynna öllum sögu sína, samfélagið í
heild og hina mörgu menningar-
heima sem eru í sýslunni. Þessu
markmiði vilja þeir ná með því að
koma á samgöngumiðstöð sem teng-
ir sama landbúnaðarferðir, söguferð-
ir og vatnaferðir. Markmiðið er einn-
ig að vernda sögufrægar byggingar
ásamt því að virkja félög í sýslunni til
aðstoðar við halda viðburði sem
minna á söguna, er það von þeirra að
þeir nái góðri þátttöku heimamanna
og ferðamanna í þessum viðburðum.
Til þess að kynna þessi markmið og
ná þátttöku ætla þeir að útbúa sögu-
kort með upplýsingum til ferða-
manna sem verða aðgengileg á upp-
lýsingamiðstöðvum ferðamanna og á
ferðamannastöðum. Að lokum leggja
þeir áherslu á að íbúar sýslunnar
geti með stolti sagt við alla sem
hyggjast ferðast til eða eru að
ferðast um sýsluna „Ég er lifandi í
Osceola-sýslu“.
Þessi markmið sýslunnar eru göf-
ug og er ég nokkuð viss um að þeir
ná þeim og að sýslan verður stór-
kostlegri viðkomustaður fyrir fjöl-
skyldur árið 2026 heldur en hún er í
dag.
Síðan velti ég því fyrir mér hvað er
verið að gera á Íslandi? Þegar ég
fylgist með fréttum frá Íslandi þá
eru þær um utanvegaakstur, út-
afkeyrslur, björgunaraðgerðir og yf-
irfulla ferðamannastaði. Það mætti
halda að markmiðið væri að ferða-
menn sem koma til Íslandi geti sagt
„Ég lifði af Íslandsferðina“. Af
hverju geta menn ekki komið sér
saman, gert áætlun um skipulag og
framtíðarsýn og unnið síðan eftir
henni?
Metnaðarfull framtíðarsýn
Eftir Pétur Má
Sigurðsson » Greinin er um fram-
tíðarsýn stjórnenda
Osceola-sýslu í Flórída
og hvernig þeir ætla að
gera sýsluna að vinsæl-
asta ferðamannastað
fjölskyldna í heimi.
Pétur Már Sigurðsson
Höfundur er fasteignamiðlari
í Mið-Flórída og eigandi The Viking
Team, Realty. Íslensk heimasiða
www.Floridahus.is
Undanfarna mánuði
hefur málefni Jökuls-
árlóns á Breiðamerk-
ursandi nokkrum sinn-
um borið á góma í
fjölmiðlum. Aðstaðan
við Lónið þykir orðin
fornfáleg og ófullnægj-
andi enda barn síns
tíma. Er talið nauðsyn-
legt að byggja þar upp
og hefur bæjarstjórn
Hornafjarðar sýnt því áhuga.
Ég er einn af landeigendum við
Lónið og meðstjórnandi í Sameig-
endafélagi Fells. Fell er jörð sem
liggur að Lóninu austanmegin.
Mannvirki við Lónið standa á landi
Fells.
Fyrir nokkrum misserum ráðg-
aðist stjórn Sameigendafélags Fells
við Sveitarfélagið Hornafjörð um að
útbúa aðalskipulag fyrir svæðið. Lét
Sveitarfélagið Hornafjörður þá gera
ágætt aðalskipulag. Er nú beðið eftir
að framkvæmdir hefjist í anda þess.
Það er Sameigendafélagi Fells
mikill akkur að eiga samstarf við
Sveitarfélagið Hornafjörð um upp-
byggingu við Lónið. Sameigenda-
félagið hefur gert samning við verk-
taka um framkvæmdir samkvæmt
hinu nýja aðalskipulagi. Nái þær
fram að ganga vinnst eitt og annað:
Landeigendur, Hornafjörður og
verktaki fá nokkrar krónur í vasann
sem þykir ávallt skemmtilegt. Ferða-
langar innlendir og er-
lendir munu fá miklu
glæsilegri aðstöðu við
Lónið en nú er.
Af og til er rætt um
deilur landeigenda í
milli. Þeir hnökrar hygg
ég séu ekki meiri en svo
að leysa megi við samn-
ingaborð. Ég hef líkt
þeim við deilu feðga
hvort prenta eigi út
enskuritgerð fyrir eða
eftir kvöldmat.
Á sínum tíma var rætt um að hafa
hótel á aðalskipulagi. Frá því var fall-
ið. Miðað við gistivæðingu landsins
myndi ég ekki þora að veðja gegn því
að sú umræða verði einhvern tíma
tekin upp aftur.
Hvað sem því líður hlakka ég til að
sjá framkvæmdir hefjast eftir téðu
aðalskipulagi. Ýmsir stjórnar-
meðlimir Sameigendafélags Fells ól-
ust upp á Hornafirði og eru öllum
hnútum kunnugir. Aðrir voru þar tíð-
ir gestir í æsku. Þetta á að geta geng-
ið mjög vel. Ég óska landeigendum
Fells og Sveitarfélaginu Hornafirði
velfarnaðar í þessu máli.
Uppbygging
við Jökulsárlón
Eftir Stefán
Steinsson
Stefán Steinsson
»… hlakka ég til að
sjá framkvæmdir
hefjast eftir téðu að-
alskipulagi.
Höfundur er læknir á Akureyri.
Tapashouse - Ægisgarður 2 - Sólfellshúsið - 101 Reykjavik
+354 512 81 81 - info@tapashouse.is - www.tapashouse.is
Velkomin á Tapashúsið
Tapas er svo miklu meira en bara matur. Tapas er upplifun.
Kíktu til okkar niður á höfn og njóttu þess að borða góðan mat!
Flottur hádegismatseðill
Spennandi kvöldmatseðill
Hjá okkur er opið í hádeginu og langt fram á kvöld
Rauðager
ði 25 · 108 Reykjavík · Sími 440 1800 · kaelitaekni.is
Okkar þekking nýtist þér
Allt fyrir
kæli- & frystiklefa
HurðirHillur
Strimlahurðir
Kæli- & frysti-
kerfi
Blásarar &
eimsvalar
Læsingar, lamir,
öryggiskerfi ofl.
Áratuga reynsla og þekking